มีคา 7
7
อิสะลาเอน เมี่ยน หว่าย เจี๊ยน เหฌี่ย
1เยีย หฒุ โค้ว อ๊ะ.
เยีย เซ ฮนั้ง เซียว ป่า ฆาย กอง เญย เปี๊ยว นอ,
หย่า ฮนั้ง เมี่ยน แก๊ะ ป่า เหฒ่ง เหฌี่ย เญย อะหงุ่น เปี๊ยว.
ไม้ ม่าย เหยียด จ้อย เปี๊ยว หญั่น,
หย่า ไม้ ม่าย ต้ง เยีย เญย เฮญี้ยว อ๋อย เญย
ต้าว ถอง หฒัวะ เญย ง่ง หญอ เปี๊ยว.
2เยียม น้าย นอม เต่ย-ปูง#7:2 เต่ย-ปูง ไฟ ป้าม เกน.
ไม้ เหฒ่ง เหยียด เต้า กัน หลง ทิน-ฮู่ง เญย เมี่ยน.
เยียม หฒวัง เมี่ยน บุด๋ง
ไม้ ม่าย เหยียด เต้า เฮญี้ยว หฒีง.
เต้าๆ เมี่ยน ฒั้ว เจี๊ยน ไต๋ เมี่ยน,
เก๊าะ-เมี่ยน หล่ง มู์ง มี่ง แฒง นิ่น เญย ก๋อ-โย์ว.
3นิ่น บัว เญย ปั์ว หฒะเก้ง ไฮ่ โหฒว เอ๊าะ สี่.
โหฒว เจียน เญย เมี่ยน เหธา เซี้ยม ฒุ์ย เจียน อ๋อย หญั่น ญ่าน หฮมวัง,
ม่าย หัด ม์า เญย เมี่ยน ก๊อง ธ้วด เยียม เฮญี้ยว ฮนั้ม เอ๊าะ เญย หฒะเอ๋ย.
นิ่น บัว กั๊บ ต่อย ธ่าง ล่าง โหฒว หว่าย สี่.
4เยียม นิ่น บัว บุด๋ง เก้า หลง เจี๋ย เญย เมี่ยน เซ ฮนั้ง ม่าย ฌิ้ม เญย เมี้ย.
เม่ย บัว เฮญี้ยว เก้า หฒีง เจี๋ย เญย เมี่ยน หย่า ฮนั้ง ฌิ้ม เญย หลาด.
เซี้ยว แกง เมี่ยน ก๊อง อ๋อย เถา เญย ฮนอย,
เซ ทิน-ฮู่ง ตี่ง ฒุ์ย เญย ฮนอย เถา อ๊ะ.
อี้ หฒั่น นิ่น บัว หลุ่น เหฑ่ง.
5ไม้ ตู๋ง เขา เม่ย เญย จวั่ง ล์าง เมี่ยน,
หย่า ไม้ ตู๋ง เสียน หาย เต้า โล์-แกง ต่อย.
อ๋อย หฒุ กุ๊น เจี๊ยน เม่ย บัว เญย ฑุ่ย,
หย่า อ๋อย หฒุ ไฝ ฟิม เหธา กั้น เญย เอ๊า ก๊อง เญย หว่า.
6เหว่ย หฒุ ตอน หมั่ง เผีย เตีย,
เซียะ หย่า เหธา มา ต๋อย-เตก,
บวั์ง เหธา มา-ปั่ว แฑง จ๋า,
เมี่ยน เญย วิน-วั้ง เซ กั้น เญย เปย๊า ฒง เมี่ยน.#มัดทาย 10:35-36; ลูกา 12:53
7มป่า เยีย กั้น แอ๊ะ, เยีย อ๋อย หมั่ง เจี๊ยน เฒี้ยว,
เยีย อ๋อย ฒั้ว เจี๊ยน ต้ง เหฌียว เยีย วั้ว เต้า ทิน-ฮู่ง.
เยีย เญย ทิน-ฮู่ง อ๋อย หมวัง เยีย.
เฒี้ยว ต้อ เหฌียว เอน ต้าย
8เยีย เญย วิน-วั้ง อ่า, ไม้ ตู๋ง ฮว้วด เยีย.
ไม้ กุ๊น เยีย ดอบ, เยีย ตุ๊ เจี์ย ซิน ต้าย.
ไม้ กุ๊น เยีย เฒว์ย หฮมวัง กะญั์ว,
เฒี้ยว อ๋อย โหฒว เยีย เญย ฌัง.
9เยีย อ๋อย หฒุ เตี๊ย เจี๊ยน เฒี้ยว โน์ว เยีย,
เหว่ย หฒุ เยีย ป์าม ฒุ์ย ต่อง นิ่น.
เยีย อ๋อย หฒุ เตี๊ย เจี๊ยน
ฒั้ว นิ่น เถง เยีย ไจ๊ สี่.
นิ่น อ๋อย ต้อ เยีย ธ้วด ต้าย เยียม ฌัง กะญั์ว,
เยีย ฯฒฯ ปวัด นิ่น โหฒว ตุ๊ แป้ง ฟิม เญย.#7:9 ไฟ “ปวัด นิ่น เญย เหฌียว เอน”.
10วั้ว หฒั่น เยีย เญย วิน-วั้ง ฯฒฯ ตุ๊ ปวัด,
ต้ง ก๊อง บั๋ว เยีย, “เฒี้ยว, เม่ย เญย ทิน-ฮู่ง เยียม หาย?” วั้ว เต้า
อ๋อย หฒุ ไญ้ อ๊ะ.
เยีย ตุ๊ ปวัด นิ่น บัว หฒุ ป่าย
ฮนั้ง เยียม เฮย-ห่อง เญย ววม-ปั่ม หฒุ เมี่ยน ธ้าย นอ.
11เยลูซาเลม อ่า, เหธย ฒี่ง หลาด เญย ฮนอย อ๋อย เถา อ๊ะ.
เถา วั้ว ฮนอย เม่ย เญย กั๊บ-จ๋าย ตุ๊ ธับ ธ้วด.
12เถา วั้ว ฮนอย เม่ย เญย แปะ ฝีง ฯฒฯ เยียม นอมๆ ต๋อง หฑวน ต้าย ล์อ เม่ย.
นิ่น บัว เยียม อัดซีเลีย กั๊วะ เถา อียิบ เต่ย-ปูง,
เยียม อียิบ เถา ยูเฟติด ต้ม ด้าย,
เยียม น้าย ปูง ค้อย เถา วั้ว ปูง ค้อย บุด๋ง,
เยียม น้าย นอม บง เถา วั้ว นอม บง เญย เมี่ยน อ๋อย หฑวน เถา เม่ย น้าย.
13เดา-เป้ย ฯฒฯ หฒุ ป่าย ฮวาง เหฑ่ง,
หลาย ลู่ง เดี๊ย เมี่ยน โหฒว เญย หว่าย สี่.
เฒี้ยว ค้อ-เลี่ยน อิสะลาเอน เมี่ยน
14 เฒี้ยว อ่า, โท้ โก๋ว เม่ย เญย แปะ ฝีง
ฮนั้ง โก๋ว ปะกี ยู่ง เมี่ยน หล่ง ปย๊า-บย่า โก๋ว ปะกี ยู่ง นอ,
เซ เม่ย หฑิบ ต้าย เญย ปะกี ยู่ง กวั้น.
นิ่น บัว เยียม หล่ม-ฮวาง เล่ง เญย ต๋อง,
เยียม เดา-โท้ว หลง เญย เต่ย-ปูง บุด๋ง ฮนั้ง เยียม หฮวีง นอ.
โท้ ปุน นิ่น บัว เยียม บาซาน เหธา กิเลอาด ล์อ หญั่น
ฮนั้ง โล์-ฮนอย วั้ว นอ.
15 เฒี้ยว ก๊อง,
“ฮนั้ง เม่ย บัว ธ้วด อียิบ เต่ย-ปูง วั้ว หฒั่น,
เยีย อ๋อย ปุน นิ่น บัว หมั่ง บัวะ ฮ่อง เญย สี่.”
16หม่าน กั๊วะ เมี่ยน ฯฒฯ ปวัด หย่า หฒุ ไญ้,
ไม้ กุ๊น นิ่น บัว ม่าย ต้ม ชะ.
นิ่น บัว ฯฒฯ หล่ง ปั์ว ปวัง เจี๊ยน ฑุ่ย,
มน่อม หย่า ดูง หมี่ อ๊ะ.
17นิ่น บัว ฯฒฯ เบี่ย เนีย-บูง ฮนั้ง นาง นอ,
หย่า ฮนั้ง ญอง เดา เญย กะน้าย.
นิ่น บัว ซิน หฒิน เจี๊ยน ธ้วด นิ่น บัว เว่ย ว้วน เญย ต๋อง.
นิ่น บัว ฯฒฯ ฮวิน ต้าย กั้ม เหฑีย เจี๊ยน ล์อ เฒี้ยว, เยีย บัว เญย ทิน-ฮู่ง,
หย่า เหว่ย เฒี้ยว กั้ม เหฑีย.
18โอ ทิน-ฮู่ง อ่า, ไม้ ม่าย กั้น เต้า เฒี่ยน ฮนั้ง เม่ย.
เม่ย กวั่ง เม่ย หฑิบ ต้าย เหฒ่ง เหฌี่ย เญย เมี่ยน เญย ฒุ์ย.
เม่ย ไม้ เหยียด ลิ์ว เฉีย เจี์ย.
เหว่ย หฒุ เม่ย อะเฮน้ย เหฒียบ ฒัวะ เญย ฮนั้ม เมี่ยน.
19เม่ย แอ๋ง อ๋อย ค้อ-เลี่ยน หฑุ่น เยีย บัว,
หย่า เฒาะ เยีย บัว เญย ฒุ์ย ธ้าย เจี๊ยน.
เม่ย อ๋อย เฒาะ เยีย บัว เญย ฒุ์ย
ฒอย เหฌี่ย โด เญย ค้อย.
20เม่ย อ๋อย เหฒียบ ฒัวะ เญย โหฒว ปุน ยาโค้บ,
หย่า ปุน อับลาฮัม เญย เฒ้ย-ฟุน ฮิ้ว ตุ๊
เม่ย เหฒียบ ฒัวะ เญย ฮนั้ม อับลาฮัม,
ฮนั้ง โล์-ฮนอย เม่ย เหธา เยีย บัว เญย อง-ถาย,
โฮ้ว เจี๊ยน แล์ง เจี๋ย เญย แหง่ง หว่า.
Currently Selected:
มีคา 7: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007