โยซูวา 4
4
ดุย หละเปย๊ย โหฒว จั๋ง-โห่
1หฒวัง อิสะลาเอน แปะ ฝีง เจี๋ย เหฑ่ง จอแดน ด้าย, เฒี้ยว ก๊อง บั๋ว โยซูวา, 2“อ๋อย หฒุ เยียม อิสะลาเอน เมี่ยน บุด๋ง กิ๊น เหฒียบ เหญ่ย ล่าน เมี่ยน, เหยียด ฝีง เหยียด ล่าน. 3บั๋ว นิ่น บัว มี่ง จอแดน ด้าย บุด๋ง, ต้ง ไซ เมี่ยน โซ้ว เจี๊ยน วั้ว นอม ต๋อง, โป้ว เหฒียบ เหญ่ย นอม หละเปย๊ย ฝาว ต้าย อัน เจี๊ยน ต้ง เม่ย บัว อี้ ม์วน ฮิด เญย ต๋อง.”
4โยซูวา ฯฒฯ เห่ว นิ่น กิ๊น เหฒียง วั้ว เต๋ย เหฒียบ เหญ่ย ล่าน อิสะลาเอน เมี่ยน, เหยียด ฝีง เหยียด ล่าน, ต้าย กั๊บ ฒุ้น. 5โยซูวา ฯฒฯ บั๋ว นิ่น บัว, “เม่ย บัว เจี๋ย เฒี้ยว, เม่ย บัว เญย ทิน-ฮู่ง, เญย แล์ง แหง่ง หว่า ฟาง วั้ว ด่าง แหมง, เหฌี่ย เถา จอแดน ด้าย บุด๋ง. หฒิว อิสะลาเอน ฝีง เญย โสว โหม่ว, เหยียด ล่าน อ๋อย หฒุ โป้ว นอม หละเปย๊ย, ดาม เจี๊ยน ธ้วด มี่ง, 6เหว่ย หล่ง น้าย เต๋ย หละเปย๊ย เยียม เม่ย บัว บุด๋ง โหฒว จั๋ง-โห่. ฆะฮ้า ฮี้ง เม่ย บัว เญย ตอน-เจว๊ย ฟุน-ฟะ อ๋อย หน่าย ก๋า, ‘น้าย เต๋ย หละเปย๊ย เหว่ย เม่ย บัว ม่าย หาย หญู่ง เอ๋ย เล์ย?’ 7เม่ย บัว อ๋อย หฒุ เตา นิ่น บัว, จอแดน ด้าย เญย ววม เยียม เฒี้ยว เญย แล์ง แหง่ง หว่า ฟาง หฑะเฮมียน ตั๋ง หมี่ อ๊ะ. น้าย นอม ฟาง เจี๋ย จอแดน ด้าย วั้ว หฒั่น, ววม ฯฒฯ ตั๋ง เหฑ่ง. น้าย เต๋ย หละเปย๊ย เซ เหว่ย ปุน อิสะลาเอน เมี่ยน เหยียด ลิ์ว จั๋ง.”
8วั้ว เต๋ย อิสะลาเอน เมี่ยน ฯฒฯ เอย โยซูวา พ้าย เญย หว่า โหฒว. หฒิว นิ่น บัว เญย ฝีง นิ่น บัว เยียม จอแดน ด้าย บุด๋ง โป้ว เหฒียบ เหญ่ย นอม หละเปย๊ย ธ้วด ต้าย ฮนั้ง เฒี้ยว บั๋ว โยซูวา วั้ว นอ โหฒว. นิ่น บัว ดาม เจี๊ยน น้าย เต๋ย หละเปย๊ย มี่ง เถา นิ่น บัว ฮิด เญย ต๋อง ปู๋ง เหฌี่ย วั้ว. 9โยซูวา กั้น หธะเหล่ง เฒาะ เหฒียบ เหญ่ย นอม หละเปย๊ย ดุย เจี๊ยน จอแดน ด้าย บุด๋ง, ต้ง แกง แล์ง แหง่ง หว่า ฟาง วั้ว เต๋ย ไซ เมี่ยน เญย เหฒา โซ้ว เญย ต๋อง. น้าย เต๋ย หละเปย๊ย หธ่อ เยียม วั้ว เถา อี้ จ๋า ฮนอย.
10แกง แล์ง แหง่ง หว่า ฟาง วั้ว เต๋ย ไซ เมี่ยน โซ้ว เจี๊ยน จอแดน ด้าย บุด๋ง ฒั้ว เถา เฒี้ยว เห่ว โยซูวา พ้าย แปะ ฝีง โหฒว เญย หญู่งๆ โหฒว เหฒียง. น้าย เซ หฒิว โมเซ พ้าย โยซูวา เญย เหยียด ฒู้ง หว่า. แปะ ฝีง ฯฒฯ ก๊าน เจี๊ยน เจี๋ย ด้าย อ๊ะ. 11หฒวัง แปะ ฝีง เยี้ยด เจี๋ย เหฑ่ง, เฒี้ยว เญย แล์ง แหง่ง หว่า ฟาง เหธา ไซ เมี่ยน ฯฒฯ เจี๋ย แปะ ฝีง เญย วั้ว ด่าง แหมง. 12ลูเบน เมี่ยน, กาด เมี่ยน เหธา มะนัดเส ด๊าม-ฝีง เมี่ยน, ต้อ เบ๊าะ จ๋า เญย หวัวะ กิ่น มี่ง ด่าง อิสะลาเอน เมี่ยน เจี๋ย ด้าย ฮนั้ง โมเซ พ้าย เหฒียง นิ่น บัว นอ. 13เล่ย ไม้ โก เปยย หว่าน เต้า เมี่ยน ต้อ เจี๊ยน เบ๊าะ จ๋า เญย หวัวะ กิ่น เยียม เฒี้ยว เญย หฑะเฮมียน เจี๋ย ด้าย แอ๋ง มี่ง เถา เยลีโค เญย เดา-แป้ง เหว่ย เบ๊าะ จ๋า.
14ต้ง วั้ว ฮนอย เฒี้ยว ตอง เจี๊ยน อิสะลาเอน เญย หฒวัง เมี่ยน ท่าย โยซูวา โหฒว โฮล. หฒวัง เมี่ยน ฯฒฯ เหยียด เสย ท่าย โยซูวา, ฮนั้ง นิ่น บัว เหยียด เสย ท่าย โมเซ วั้ว นอ.
15 เฒี้ยว ก๊อง บั๋ว โยซูวา, 16“เห่ว แกง แล์ง แหง่ง หว่า ฟาง วั้ว เต๋ย ไซ เมี่ยน เยียม จอแดน ด้าย ธ้วด ต้าย.”
17โยซูวา ฯฒฯ เห่ว ไซ เมี่ยน, “ธ้วด จอแดน ด้าย ต้าย ม่าะ!”
18แกง เฒี้ยว เญย แล์ง แหง่ง หว่า ฟาง วั้ว เต๋ย ไซ เมี่ยน ฯฒฯ เยียม ด้าย บุด๋ง ธ้วด ต้าย. ไซ เมี่ยน เญย เหฒา-เป๊น เยี้ยด เธา ฝาว ธ้าย เบี๋ยน, จอแดน ด้าย เญย ววม ฯฒฯ หฑวน โล์-ต๋อง, หย่า ปวั๊ง ขัม เมี์ยน ธ้วด ฮนั้ง โล์ วั้ว นอ.
19ฒี่ หฮลา แซง-เหฒียบ วั้ว ฮนอย, #4:19 ฒี่ หฮลา หฒิว ยิวไท เมี่ยน เญย หลิ เซ ต๋อย ยิว-เมี่ยน เญย ฟ่า หฮลา ด๊าม เถา เฝย หฮลา ด๊าม. แปะ ฝีง เจี๋ย จอแดน ด้าย มี่ง ธอง ด๊บ-ลิ่ว เยียม เยลีโค เญย ตง ปูง, กินกาน วั้ว. 20โยซูวา เฒาะ นิ่น บัว เยียม จอแดน ด้าย ดาม ต้าย วั้ว เต๋ย เหฒียบ เหญ่ย นอม หละเปย๊ย ดุย เจี๊ยน วั้ว กินกาน. 21นิ่น ฯฒฯ ก๊อง บั๋ว อิสะลาเอน เมี่ยน, “ฆะฮ้า ฮี้ง เม่ย บัว เญย ตอน-เจว๊ย ฟุน-ฟะ หน่าย นิ่น บัว เญย เตีย, ‘น้าย เต๋ย หละเปย๊ย ม่าย หาย หญู่ง เอ๋ย เล์ย?’ 22เม่ย บัว อ๋อย หฒุ ก๊อง บั๋ว นิ่น บัว, ‘อิสะลาเอน เมี่ยน ยั่ง จอแดน ด้าย เญย เดา-ฆาย เจี๋ย.’ 23เหว่ย หฒุ เฒี้ยว, เม่ย บัว เญย ทิน-ฮู่ง, ปุน จอแดน ด้าย ฆาย, ฒั้ว เม่ย บัว เจี๋ย มี่ง, ฮนั้ง เฒี้ยว, เม่ย บัว เญย ทิน-ฮู่ง, ฒิ่น ด่าง ปุน ค้อย-ซิ ฆาย มี่ง นอ, ฒั้ว บัว เจี๋ย เหฑ่ง. 24ฮนั้ง หน่าย ลู่ง เดี๊ย หม่าน เมี่ยน ไฮ่ ฮิ้ว ตุ๊ เฒี้ยว เญย ปั์ว ม่าย ต้ม ชะ, ปุน เม่ย บัว เหยียด ลิ์ว กั้ม เหฑีย เฒี้ยว, ท่าย เฒี้ยว, เม่ย บัว เญย ทิน-ฮู่ง.”
Currently Selected:
โยซูวา 4: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007