โยซูวา 2
2
โยซูวา พ้าย ธ้าย จั๊วะ เญย เมี่ยน มี่ง เยลีโค
1นุน เญย ตอน, โยซูวา, ฯฒฯ พ้าย อี ล่าน เมี่ยน เยียม ซิดทิม ปี๋ง เจี๊ยน มี่ง ธ้าย จั๊วะ. นิ่น ก๊อง, “อ๋อย หฒุ มี่ง ฒ่า หมั่ง วั้ว นอม เต่ย-ปูง, เหล่ง เจ๊ย ฒ่า เยลีโค ฒี่ง.” น้าย เต๋ย อี ล่าน เมี่ยน ฯฒฯ มี่ง อ๊ะ. มี่ง เถา, นิ่น บัว เปียะ เต้า หม่าย ป๊วน-ซิน เญย มเซียะ ตอน, บั๋ว เห่ว ลาหับ,#ฮิบลู 11:31; ยากอบ 2:25 เญย เปย๊า, ฮิด วั้ว.
2ม่าย เมี่ยน บั๋ว เยลีโค ฒี่ง เญย ฮู่ง เตี๋ย, “หมั่ง ก๋า! อี้ ม์วน ม่าย เต๋ย อิสะลาเอน เมี่ยน เญย มจั่ง ตอน ต้าย น้าย เหว่ย ฒ่า เต่ย-ปูง.” 3เยลีโค ฒี่ง เญย ฮู่ง ฯฒฯ พ้าย เมี่ยน มี่ง บั๋ว ลาหับ, “ต้าย เม่ย น้าย แอ๋ง เปียะ เม่ย เญย เปย๊า วั้ว เต๋ย เมี่ยน, อ๋อย หฒุ ต้อ ธ้วด ต้าย ม่าะ! เหว่ย หฒุ นิ่น บัว ต้าย ฒ่า ก๋อม บัว เญย เต่ย-ปูง.”
4มป่า ลาหับ ต้อ วั้ว เต๋ย อี เต้า มจั่ง ตอน มี่ง ปี๋ง หมี่ อ๊ะ. นิ่น ก๊อง, “หฒะเก้ง ม่าย เมี่ยน ต้าย เยีย น้าย มป่า นิ่น บัว เยียม หาย ต้าย เยีย ไม้ ฮิ้ว. 5อ๊า ลั่ม เต๋ย หฮมวัง, เถา กวน ฒี่ง แก้ง เญย เฒี่ยง โห่, นิ่น บัว ธ้วด หมี่ อ๊ะ. นิ่น บัว มี่ง หาย ปูง เยีย หย่า ไม้ ฮิ้ว. ก๊าน เจี๊ยน มี่ง หฒุ่น, ต๋าย ไฮ่ หฒุ่น ตุ๊ หฒ่าย เญย.” 6(มป่า ลาหับ ฒู้ง ต้อ วั้ว เต๋ย อี ล่าน เมี่ยน ฝาว กู้ หงว่าย เปย๊า-ง่อ#2:6 นิ่น บัว เญย เปย๊า-ง่อ แป้ง เญย. ปุน นิ่น บัว ปี๋ง เจี๊ยน นิ่น พุย ล่าม่า แกว๊ง กะเดี๊ย แหมง.) 7หฒุ่น เญย เมี่ยน เยี้ยด ธ้วด ฒี่ง มี่ง, เมี่ยน ฯฒฯ กวน เจี๊ยน ฒี่ง แก้ง อ๊ะ. หฒุ่น เญย เมี่ยน ฯฒฯ กัน มี่ง จอแดน ด้าย วั้ว ติ้ว เจ๊า หฒุ่น เจี๊ยน นิ่น บัว อี ล่าน มี่ง เถา เจี๋ย ด้าย เญย เจ๊า-โป่ว.
8วั้ว เต๋ย อี ล่าน ไม้ แก้ง เปว๋ย มฌ่อม, ลาหับ ฝาว กู้ หงว่าย เปย๊า-ง่อ ล์อ นิ่น บัว. 9ลาหับ ก๊อง บั๋ว วั้ว เต๋ย เมี่ยน, “เยีย ฮิ้ว ตุ๊ เฒี้ยว ฒู้ง เฒาะ น้าย นอม เต่ย-ปูง จิว ปุน เม่ย บัว. เยีย บัว เหยียด ฒู้ง กั้ม เหฑีย ไห่ เม่ย บัว. น้าย นอม กั๊วะ เญย หฒวัง แปะ ฝีง เก้ง! กั้ม เหฑีย เกา เม่ย บัว, บะฑิว หยุ เหฑ่ง, 10เหว่ย หฒุ เยีย บัว ไฮ์ ก๊อง เม่ย บัว เปย๋า ธ้วด อียิบ เต่ย-ปูง วั้ว หฒั่น, เฒี้ยว ฮนั้ง หาย นอ เยียม เม่ย บัว เญย หฑะเฮมียน ปุน ค้อย-ซิ ฆาย.#ธ้วด อียิบ 14:21 เยีย บัว แอ๋ง ไฮ์ ก๊อง เม่ย บัว ฮนั้ง หาย นอ โหฒว ปุน เยียม จอแดน ด้าย ตง ปูง แหมง วั้ว เต๋ย อาโมไล เมี่ยน เญย อี เต้า ฮู่ง, สิโหน เหธา โอก, ต้ง เม่ย บัว เฒาะ นิ่น บัว เหมียด เหฑ่ง.#2:10 เป๊ย หมั่ง ธ้วด อียิบ 22:20. 11เยีย บัว เยี้ยด ไฮ์ น้าย เต๋ย สี่, เยีย บัว กั้ม เหฑีย ไห่, บะฑิว หยุ เหฑ่ง. หลาย เม่ย บัว โหฒว เญย สี่ ไม้ ม่าย เหยียด ล่าน เมี่ยน ไม้ กั้ม เหฑีย, เหว่ย หฒุ เฒี้ยว, เม่ย บัว เญย ทิน-ฮู่ง, โหฒว กู้ หงว่าย ลู่ง เหธา กะเดี๊ย เดา เญย ทิน-ฮู่ง. 12อี้ หฒั่น โท้ เม่ย บัว เฒี้ยง เจี๊ยน เฒี้ยว แล์ง เจี๊ยน เหว่ย หฒุ เยีย โหฒว หลง ปุน เม่ย บัว, เม่ย บัว อ๋อย โหฒว หลง ปุน เยีย เญย เหยียด เปย๊า เมี่ยน. หย่า โท้ ปุน นอม จั๋ง-โห่, ปุน เยีย ฮิ้ว ตุ๊ ตี่ง เยีย เขา ตุ๊ ว้วน เม่ย บัว, 13เหว่ย ปุน ธีง เม่ย บัว อ๋อย เสีย ธ้วด เยีย เญย เตี๋ย หม่า, มั์ว-ต่อย, เหธา นิ่น บัว เญย เหยียด ฒู้ง เมี่ยน เญย แหม่ง, ปุน เยีย บัว ไม้ หฒุ ไต่.”
14วั้ว เต๋ย เมี่ยน ก๊อง บั๋ว นิ่น, “เม่ย เญย แหม่ง เซ ต๋อง เยีย บัว เญย แหม่ง. สี ก๊อง เม่ย ไม้ ก๊อง ธ้วด เยีย บัว โหฒว เญย สี่, ฒั้ว เฒี้ยว เฒาะ น้าย นอม เต่ย-ปูง จิว ปุน เยีย บัว วั้ว หฒั่น, เยีย บัว ฯฒฯ เหฒียบ ฒัวะ เญย โหฒว หลง ปุน เม่ย.”
15ลาหับ ฯฒฯ หล่ง ฮลาง ปู๋ง นิ่น บัว อี ล่าน ยั่ง ฟง ม่วน ธ้วด เหฌี่ย กะเดี๊ย, เหว่ย หฒุ ลาหับ เญย เปย๊า เหยียด ปูง เซ ฒี่ง หลาด. นิ่น ฯฒฯ เยียม ฒี่ง หลาด กะญั์ว. 16ลาหับ ก๊อง บั๋ว นิ่น บัว, “อ๋อย หฒุ ฝาว วั้ว เจี๋ย บง-ไอ๊ เญย ต๋อง มี่ง. เฑ่า เหย หฒุ่น เม่ย บัว วั้ว เต๋ย เมี่ยน ไฮ่ ล์อ ปวัด เม่ย บัว. อ๋อย หฒุ ปี๋ง เจี๊ยน วั้ว ปัว ฮนอย, ฒั้ว หฒุ่น เม่ย บัว วั้ว เต๋ย เมี่ยน หฑวน ต้าย, ฆะฮ้า เม่ย บัว มต้าย ธ้วด เจ๊า มี่ง.”
17วั้ว เต๋ย มจั่ง ตอน ก๊อง บั๋ว ลาหับ, “เยีย บัว ฒู้ง ไม้ ปู๋ง ด๊อด ต้ง เม่ย เห่ว เยีย บัว โฮ้ว เญย หว่า.#2:17 ไฟ “เยีย บัว แล์ง เอย เจี๊ยน เม่ย ปุน เยีย บัว แล์ง เญย หว่า”. 18ฒั้ว เยีย บัว เปียะ น้าย นอม เต่ย-ปูง วั้ว หฒั่น, เม่ย อ๋อย หฒุ เฒาะ น้าย ติ้ว ฮลาง-ซิ โด้ เจี๊ยน ต้ง เม่ย ปู๋ง เยีย บัว เหฌี่ย วั้ว นอม ฟง ม่วน. หย่า อ๋อย หฒุ ต้อ เม่ย เญย เตี๋ย หม่า, มั์ว-ต่อย, เหธา เม่ย เญย เตีย เญย เปย๊า ฒง เมี่ยน เหยียด ฒู้ง ต้าย กั๊บ ฒุ้น เยียม เม่ย เญย เปย๊า. 19สี ก๊อง หาย เต้า ธ้วด เม่ย เญย เปย๊า เญย แก้ง ขะเดา มี่ง วั้ว เจ๊า-เฮลน, นิ่น หฒุ ไต๋ ไต่ นอ, ฒุ์ย ด๊อด หฒุ นิ่น กั้น อ๊ะ, ไม้ ด๊อด หฒุ เยีย บัว. มป่า สี ก๊อง หาย เต้า เหฌี่ย ปั์ว ไต๋ เหธา เม่ย เยียม เปย๊า กะญั์ว เญย เมี่ยน นอ, เยีย บัว กั้น อ๋อย หฒุ ดาม-ตอง. 20มป่า สี ก๊อง เม่ย ต้อ เยีย บัว โหฒว เญย สี่ มี่ง ก๊อง บั๋ว เมี่ยน นอ, ต้ง เม่ย เห่ว เยีย บัว โฮ้ว ปุน เม่ย เญย หว่า ฯฒฯ ป่า หมี่ อ๊ะ.”
21ลาหับ ก๊อง, “ฮนั้ง เม่ย บัว ก๊อง เญย หว่า นอ, หอบ เญย.” นิ่น ฯฒฯ ปุน วั้ว เต๋ย อี ล่าน มี่ง. นิ่น บัว ฯฒฯ มี่ง หมี่ อ๊ะ. ลาหับ แอ๋ง เฒาะ วั้ว ติ้ว ฮลาง-ซิ โด้ เจี๊ยน วั้ว ฟง ม่วน.
22นิ่น บัว อี ล่าน ธ้วด มี่ง ฯฒฯ ฝาว วั้ว เจี๋ย บง-ไอ๊ เยียม วั้ว ปัว ฮนอย, ฒั้ว เถา หฒุ่น นิ่น บัว วั้ว เต๋ย เมี่ยน หฑวน มี่ง. หฒุ่น เญย เมี่ยน เฒว่ย เจ๊า ล์อ เหฑ่ง หย่า ล์อ ไม้ ปวัด นิ่น บัว. 23วั้ว เต๋ย อี ล่าน เมี่ยน ฯฒฯ เยียม บง เหฌี่ย ต้าย. นิ่น บัว เจี๋ย ด้าย มี่ง เถา นุน เญย ตอน, โยซูวา วั้ว, หย่า ก๊อง เหฑ่ง นิ่น บัว ปวั้ง เญย สี่ ปุน โยซูวา หมวัง. 24นิ่น บัว ก๊อง บั๋ว โยซูวา, “เยีย บัว ฮิ้ว ตี่ง เฒี้ยว หฒะเก้ง เฒาะ วั้ว นอม เต่ย-ปูง จิว ปุน บัว เหฑ่ง หมี่ อ๊ะ. ไม้ ตาน บัวะ น้าย. วั้ว นอม เต่ย-ปูง เญย หฒวัง เมี่ยน กั้ม เหฑีย เกา บัว, บะฑิว หยุ เหฑ่ง.”
Currently Selected:
โยซูวา 2: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007