โยเอน 3
3
ทิน-ฮู่ง อ๋อย เซี้ยม หม่าน กั๊วะ เมี่ยน
1 เฒี้ยว ก๊อง, “เถา วั้ว เต๋ย ฮนอย, วั้ว เต๋ย เฒี่ยง โห่,
ต้ง เยีย ปุน ยูดา เหธา เยลูซาเลม ตุ๊ หลง ฮนั้ง โล์ วั้ว นอ,
2เยีย อ๋อย เฒาะ หม่าน กั๊วะ เมี่ยน กั๊บ ฒุ้น ต้าย, ต้อ นิ่น บัว เถา เยโฮซาฟัด#3:2 เยโฮซาฟัด เญย เอ๋ย เล์ย เซ เฒี้ยว เซี้ยม ฒุ์ย. ฮ์อง, เยียม หน่าย เซี้ยม นิ่น บัว,
เหว่ย หฒุ นิ่น บัว เฒาะ เยีย เญย แปะ ฝีง,
เซ เยีย หฑิบ เญย อิสะลาเอน เมี่ยน.
นิ่น บัว ปุน เยีย เญย แปะ ฝีง หฑาน มี่ง เยียม เหฒีย กั๊วะ บุด๋ง,
หย่า เฒาะ เยีย เญย เต่ย-ปูง ปุน ฆอย.
3นิ่น บัว ตี่ง แหม่ง หมั่ง, เฒาะ เยีย เญย แปะ ฝีง ปุน ฆอย,
หย่า เฒาะ ตอน เหยี่ยน หม่าย ซิน เญย มเซียะ ตอน,
แอ๋ง หม่าย เซียะ เหว่ย ตุ๊ ญ่าน ม์าย ติ๊ว ฮบ.
4“โอ ไทละ, ไซดอน เหธา ฟีลิสะเตีย กั๊วะ เญย นอมๆ ต๋อง อ้า! เยีย โหฒว หาย หญู่ง เม่ย บัว หธีง ต้าย อ๋อย จ๊าว วิน ปุน เยีย ไฟ? เม่ย บัว จ๊าว วิน ปุน เยีย นอ, เยีย ฯฒฯ เซี้ยบๆ เญย วิ่น หฑวน ปุน เม่ย บัว.#3:4 ฮิบลู หว่า ก๊อง “วิ่น เหฌี่ย เม่ย บัว กั้น เญย มฆ้อง”.#อิสะยา 14:29-31; 23:1-18; เยเลมี 47:1-7; เอเสเคน 25:15-17; 26:1—28:26; อาโม้ด 1:6-10; เสฟันยา 2:4-7; เสคาลิยา 9:1-7; มัดทาย 11:21-22; ลูกา 10:13-14 5เม่ย บัว เฒาะ เยีย เญย เจียม ญ่าน หย่า ต้อ เยีย จ๋าย เจี๋ย เญย กะน้าย มี่ง อัน เม่ย บัว เญย เฒี่ยน เญย หมิ่ว-เปย๊า. 6เม่ย บัว เฒาะ ยูดา เหธา เยลูซาเลม เญย เมี่ยน หม่าย ปุน จั๋น-กีก, ฯฒฯ ปุน นิ่น บัว เล่ย นิ่น บัว กั้น เญย กั๊บ-จ๋าย โก.
7“หมั่ง ม่าะ! เยีย อี้ หฒั่น อ๋อย เยียม นิ่น บัว หฒุ หม่าย มี่ง เญย ต๋อง ต้อ นิ่น บัว หฑวน ต้าย. หฒิว เม่ย บัว โหฒว เญย เยีย อ๋อย วิ่น ปุน เม่ย บัว. 8เยีย อ๋อย ปุน เม่ย บัว เญย ตอน, เม่ย บัว เญย เซียะ หฒุ หม่าย ปุน เยียม ยูดา เมี่ยน เญย ปั์ว-เดี๊ย. นิ่น บัว แอ๋ง ต้อ มี่ง หม่าย ปุน เสบา เมี่ยน, เซ หม่าย ปุน เยียม โก เญย เหยียด กั๊วะ เมี่ยน.” เฒี้ยว ฮนั้ง น้าย ก๊อง.
9อ๋อย หฒุ เยียม หม่าน กั๊วะ เมี่ยน บุด๋ง ฒุ่น ก๊อง,
อ๋อย หฒุ เบ่น เหฒียง เบ๊าะ จ๋า.
เห่ว เบ๊าะ จ๋า เญย แปง ต้าย.
ปุน เหยียด ฒู้ง จุน-แปง ต้าย ฟัด,
ปุน นิ่น บัว ฝาว ต้าย ม่าะ!
10เฒาะ ไล่ เปย๊ย ต๊า เป๋น หฑุ ด๊าว,
เฒาะ หฑุ ลิ่ม ต๊า เป๋น ธัง.
ปุน เมา เญย เมี่ยน ก๊อง,
“เยีย ม่าย ชะ เฮ้น.”#อิสะยา 2:4; มีคา 4:3
11เม่ย บัว เว่ย ก๋อม เญย หม่าน กั๊วะ เมี่ยน อ้า!
เซี้ยบๆ เญย ต้าย กั๊บ ฒุ้น เยียม วั้ว.
“โอ เฒี้ยว อ่า, โท้ ต้อ เม่ย เบ๊าะ จ๋า เญย จุน-แปง เหฌี่ย ต้าย.
12“หม่าน กั๊วะ อ๋อย หฒุ เจี์ย ต้าย.
อ๋อย หฒุ มี่ง เยโฮซาฟัด ฮ์อง,
เหว่ย หฒุ เยีย อ๋อย เฒว์ย เจี๊ยน วั้ว,
เซี้ยม เว่ย ก๋อม เญย หม่าน กั๊วะ.
13หล่ง ลิ่ม ก๊าด ม่าะ!
แกง-หฒวัง หฒัวะ อ๊ะ.#หล่าว ย่าง 14:14
ต้าย ม่าะ! ต้าย เญว่ย อะหงุ่น เปี๊ยว,
เหว่ย หฒุ อะหงุ่น ติ๊ว เญย ฒ่อง อ๊า ลั่ม ปวั๊ง อ๊ะ.
เซียว เญย ต๋อง ฒู้ง เมี์ยน ธ้วด,#หล่าว ย่าง 14:18-20; 19:15
เหว่ย หฒุ นิ่น บัว โหฒว เญย เอ๊าะ สี่ ธั้ม ไห่.”
14ธินๆ หว่านๆ ล่าน เมี่ยน
เยียม เซี้ยม ตี่ง เญย ฮ์อง,
เหว่ย หฒุ เฒี้ยว เญย ฮนอย เถา ฟัด
เยียม เซี้ยม ตี่ง เญย ฮ์อง.
15บะฮนอย เหธา หฮลา อ๋อย หฮมวัง มี่ง,
เหฮลย หย่า ไม้ หฒิว ฌัง.
ทิน-ฮู่ง อ๋อย เหธย ฟุ ปุน นิ่น เญย แปะ ฝีง
16 เฒี้ยว เยียม สิโอน ฌุ่นๆ เญย เห่ว,
เยียม เยลูซาเลม เห่ว ธ้วด บุย,
ลู่ง เหธา เดา ต์ง เหฑ่ง.
มป่า เฒี้ยว เป๋น นิ่น เญย แปะ ฝีง ด้าว เขา เญย ต๋อง,
เหว่ย อิสะลาเอน เมี่ยน เป๋น ว้วน เญย ต๋อง.#อาโม้ด 1:2
17“ฮนั้ง หน่าย เม่ย บัว ฯฒฯ ฮิ้ว ตุ๊ เยีย เซ เฒี้ยว, เม่ย บัว เญย ทิน-ฮู่ง,
เยียม เยีย เญย ธีง-เหฑ่ง บง, สิโอน.
เยลูซาเลม ฯฒฯ เป๋น ธีง-เหฑ่ง ฒี่ง,
กั้น ฝีง เมี่ยน เหยียด ลิ์ว ไม้ ตุ๊ แอ๋ง ต้าย ธ้าง เปียะ.
18“เถา วั้ว ฮนอย ต้ม บง ม่าย อะหงุ่น หฮวีง ปวั๊ง เหฑ่ง.
ฟิ้ว-บง หย่า ม่าย ง่ง กวั้น.#3:18 ฮิบลู หว่า ก๊อง “ต้ม บง ม่าย อะหงุ่น ติ๊ว เดี๊ยบ, ฟิ้ว-บง ม่าย หญอ เหลี่ยว เหฌี่ย”.
ยูดา เญย ติ้วๆ โด๊ะ ม่าย ววม เหลี่ยว,
หย่า ม่าย ฒี้ง ววม เยียม หฒั่ง เฒี้ยว เญย เปย๊า เหลี่ยว ธ้วด, ยู์ง ซิดทิม ฮ์อง.
19อียิบ อ๋อย หฒุ เป๋น ป่าย ฮวาง เญย ต๋อง,
เอโดม อ๋อย หฒุ เป๋น ป่าย หว่าย เญย เต่ย-ปูง-ฮวาง,
หลาย นิ่น บัว โหฒว โตะ ปุน ยูดา เมี่ยน
แอ๋ง เยียม วั้ว เต่ย-ปูง ไต๋ ไม้ โหฒว ต่อง เญย เมี่ยน, ปุน ฑย้าม เหลี่ยว ธ้วด.
20มป่า ยูดา ฒู้ง เหยียด ลิ์ว ม่าย เมี่ยน เยียม,
เยลูซาเลม หย่า ม่าย เมี่ยน เยียม เถา หม่าน โก๊ว หม่าน ต่อย.
21นิ่น บัว หฒุ ไต๋, ฑย้าม เหลี่ยว ธ้วด เญย ฒุ์ย
เยีย อ๋อย จ๊าว วิน,
หย่า ไม้ กวั่ง ปุน โหฒว ต่อง เญย เมี่ยน,#3:21 ฮิบลู หว่า เซ ไม้ หนั่ง เม่ง. ม่าย เต๋ย โซว ฟาน ต้าย ก๊อง “นิ่น บัว ไต๋ เมี่ยน ปุน ฑย้าม เหลี่ยว ธ้วด เญย ฒุ์ย, ต้ง เยีย ฝุน นิ่น บัว โหฒว ต่อง, เยีย อ๋อย กวั่ง ฆอย”.
เหว่ย หฒุ เฒี้ยว เยียม เจี๊ยน สิโอน.”
Currently Selected:
โยเอน 3: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007