โย้บ 40
40
ทิน-ฮู่ง เห่ว โย้บ เตา
1 เฒี้ยว แอ๋ง ก๊อง บั๋ว โย้บ,
2“โย้บ อ้า! ต้าน เญย เมี่ยน อ๋อย เหธา เน่น เจี๋ย วั้ว เต้า แฑง เญย ไฟ?
เหธา ทิน-ฮู่ง แฑง เญย เมี่ยน เตา นิ่น ม่าะ!”
โย้บ เตา ลิ์ว น้าย หฑุ่น นิ่น ฯฒฯ ไม้ เตา อ๊ะ
3โย้บ ฯฒฯ เตา เฒี้ยว. นิ่น ก๊อง,
4“เฒี้ยว อ่า, เยีย เซ เฒี่ยง ไม้ เป๋น หาย หญู่ง เมี่ยน,
เยีย ฮนั้ง หาย นอ ไฮ่ เตา เม่ย?
เยีย ฒู้ง หล่ง ปั์ว ปวัง เจี๊ยน ฑุ่ย.
5เยีย ก๊อง หฑุ่น ลิ์ว, เยีย ฯฒฯ ไม้ เตา,
ก๊อง อี หฑุ่น, เยีย ฯฒฯ ไม้ แอ๋ง จา ก๊อง อ๊ะ.”
เฒี้ยว ก๊อง ตะเหญ่ย หฑุ่น หว่า
ทิน-ฮู่ง หน่าย โย้บ, นิ่น ด่ง ทิน-ฮู่ง เฮ้น ไฟ?
6วั้ว หฒั่น เฒี้ยว เยียม หฑยาว-หฒุ่น เตา โย้บ เญย หว่า. นิ่น ก๊อง,
7“เม่ย อ๋อย หฒุ หลิ่ว เล์ย เหฒียง ฮนั้ง จุน-เฒ้ย เมี่ยน นอ.
เยีย อ๋อย หน่าย เม่ย, เม่ย อ๋อย หฒุ เตา เยีย.
8“เม่ย อ๋อย ปุน ธีง เยีย ไม้ แป้ง ฟิม ไฟ?
เม่ย อ๋อย ตี่ง เยีย โหฒว ต่อง เหว่ย ปุน เม่ย กั้น หอบ ไฟ?
9เม่ย ม่าย ปั์ว ฮนั้ง ทิน-ฮู่ง เญย ปั์ว เฮ้น ไฟ?
เม่ย ม่าย เฉีย ด้มๆ เญย บุย ฮนั้ง นิ่น เญย เฉีย บุย ไฟ?
10วั้ว หญู่ง, อ๋อย หฒุ หล่ง ฌัง-หล่าง ฒอง เหฑว่ย,
หย่า หล่ง ฌัง-หล่าง เญย ฮ่าง ต้าว ต๋อง ลุย ฒุ.
11โหฒว เหมา เญย เมี่ยน เม่ย เฉีย เจี์ย, โน์ว ไห่,
กุ๊น ฒัด นิ่น บัว เหฌี่ย ไอ๊.
12หมั่ง เต้าๆ เธง-โฮล เญย เมี่ยน หย่า แปง นิ่น บัว ด๊อด เหฌี่ย,
เฒาะ เอ๊าะ เมี่ยน ธ้าย เหฌี่ย นิ่น บัว เยียม เญย ต๋อง.
13เฒาะ นิ่น บัว เหยียด ฒู้ง ปย๊บ เจี๊ยน เนีย-บูง,
หย่า โด้ นิ่น บัว เยียม เยี่ยม เกน.#40:13 ฮิบลู หว่า ก๊อง เบว์ย เญย ต๋อง.
14ฮนั้ง หน่าย เยีย ฯฒฯ เหญี่ยม ปุน เม่ย,
เม่ย เญย บย่าว เจี๊ยะ ปั์ว ไฮ่ เหฌียว ตุ๊ กั้น.
ทิน-ฮู่ง เห่ว โย้บ ฮนั้ม เถา เบเฮโม้ด
15“หมั่ง เบเฮโม้ด#40:15 ม่าย เต๋ย ฮนั้ม ต้าย น้าย เซ ม์า-ววม (ฮิบโป๊) ไฟ ฒ์าง. ม่าะ! เยีย เหฒย นิ่น ฮนั้ง เยีย เหฒย เม่ย.
นิ่น หญั่น เมี้ย ฮนั้ง ง่ง นอ.
16นิ่น เญย ชะ เยียม นิ่น เญย จ๊าย,
นิ่น เญย กะเซีย เญย อ๊อ หย่า ม่าย ชะ เฮ้น.
17นิ่น ปุน นิ่น เญย เตว๊ย แหง่ง#40:17 ไฟ ต์ง. ฮนั้ง สีดา ฒ่ง เดี๋ยง,
นิ่น เญย ธั่ม ฒุ่ย เญย จาน ธิ เจี๊ยน จ๋า.
18นิ่น เญย บู๊ง ฮนั้ง ต้ง ซิ ด้ง,
นิ่น เญย ปั์ว-เหฒา ฮนั้ง เฮลียะ-ปย๊า.
19นิ่น เซ ทิน-ฮู่ง เหฒย ต้าย เญย ตะเยี้ยด เต้า,
ขูง เหฒย นิ่น ต้าย วั้ว เต้า ไฮ่ ฮี่ง นิ่น.#40:19 ไฟ “ต้อ หฑุ ด๊าว ต้าย นิด ฟัด นิ่น”.
20หฒวัง บง ธ้วด หญั่น เญย กะน้าย ปุน นิ่น,
เป๋น เหยียด ฒู้ง#40:20 ไฟ หญู่งๆ. เฮยี่ย ฒ่อย หฑย่าว เญย ต๋อง.
21นิ่น เปว๋ย เหฌี่ย เดี๋ยง-ฌิ้ม กะเดี๊ย,
เยียม ฌ่าง เญย หลัวะ ติ หล่ม กะญั์ว.
22เหว่ย หฒุ เดี๋ยง-ฌิ้ม เถง นิ่น ปี๋ง ล่าง,
โด๊ะ-เฮลน เญย ซุ้ย-เลี่ยม เดี๋ยง เว่ย ก๋อม นิ่น.
23ไม้ กุ๊น ววม เสย, นิ่น ไม้ กั้ม เหฑีย,
ไม้ กุ๊น จอแดน ด้าย เญย ววม หธง หฒุ นิ่น เญย ฑุ่ย แป๋ง, นิ่น หย่า ไม้ ฮวาง.
24หาย เต้า ไฮ่ ปวัง เจี๊ยน นิ่น เญย มฒีง เฒาะ นิ่น?
หาย เต้า ไฮ่ เฒาะ นิ่น แอ๋ง หธุน ทง นิ่น เญย บะฒอง?
Currently Selected:
โย้บ 40: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007