อาโม้ด 4
4
อิสะลาเอน เมี่ยน ไม้ หฑวน ต้าย ล์อ เฒี้ยว
1เม่ย บัว เยียม สะมาเลีย บง เญย มเซียะ ตอน อ้า!
หมวัง น้าย เต๋ย หว่า ม่าะ!
เม่ย บัว เซ ฮนั้ง บาซาน เญย ง่ง เญ์ย.
เม่ย บัว เหฒย เมี่ยน จ่ม เมี่ยน หย่า ฒัด ตั๋ง-ต๋น เมี่ยน.
เม่ย บัว หฒุ่น เม่ย บัว เญย โหฆ ก๊อง,
“ต้อ อะหงุ่น ติ๊ว ปุน เยีย บัว ฮบ ม่าะ!”
2เฒี้ยว ทิน-ฮู่ง เซ ธีง-เหฑ่ง เญย.
นิ่น โฮ้ว เจี๊ยน ก๊อง,
“เม่ย บัว เญย ฮนอย-เหญียะ อ๋อย เถา อ๊ะ,
เมี่ยน อ๋อย หล่ง เงา ขวัง เจี๊ยน เม่ย บัว มี่ง.
เถา เหฒ่ง เหฌี่ย วั้ว เต้า นิ่น บัว อ๋อย หล่ง ติ๋ว ขวัง เจี๊ยน มี่ง.
3เม่ย บัว เก๊าะ-เมี่ยน อ๋อย หฒุ แปง หฒะ กัน
เก๊าะ-เมี่ยน เญย ฒี่ง หลาด ทง เญย ค้วด ธ้วด.
เม่ย บัว หย่า อ๋อย หฒุ ฒอย เปียะ ฮาโมน.” #4:3 ฮาโมน น้าย โจ๋ว ฮิบลู หว่า เซ ไม้ หนั่ง เม่ง.
น้าย เซ เฒี้ยว ก๊อง เญย หว่า.
4“อิสะลาเอน เมี่ยน อ่า, ต้าย เถา เบดเอน ป์าม ฒุ์ย,
มี่ง เถา กินกาน แอ๋ง จา ป์าม ฒุ์ย.
กุ๊น ต้อ เม่ย บัว ดอมๆ ฝ่ง ห่อ เหฒี่ย เญย กะน้าย.
โม์ว ปัว ฮนอย#4:4 ไฟ ปัว หฮญัง. ต้อ เม่ย บัว เหฒียบ โก๊ว เญย เหยียด โก๊ว.
5กุ๊น เฒาะ อัน ปี๊ง เญย ฌั้ว ฝ่ง ห่อ เหฒี่ย ปุน ทิน-ฮู่ง,
หย่า ฒุ่น เม่ย บัว ธ้วด ฟิม ฝ่ง ห่อ เญย กะน้าย เธง บั๋ว เมี่ยน.
โอ อิสะลาเอน เมี่ยน อ่า, เม่ย บัว อะเฮน้ย ฮนั้ง น้าย โหฒว.”
น้าย เซ เฒี้ยว ทิน-ฮู่ง ก๊อง เญย หว่า.
6“เยียม เม่ย บัว เญย นอมๆ ฒี่ง
เยีย ปุน เม่ย บัว หง่อ หฮนาง. #4:6 ฟาน หฒะ ก๊อง “ปุน เม่ย บัว เญย ญ่า ธีง-เหฑ่ง”.
นอมๆ ต๋อง ไม้ ม่าย ล่าง หฒิ,
เม่ย บัว หธ่อ ไม้ หฑวน ต้าย ล์อ เยีย.”
น้าย เซ เฒี้ยว ก๊อง เญย หว่า.
7“เยียม เม่ย บัว ไม้ แก้ง เซียว แกง-หฒวัง ปัว หฮลา เหญียะ,
เยีย ปุน ลู่ง หฮลอง ไม้ ตุ้ย บยู่ง.
เยีย ปุน บยู่ง เหฌี่ย น้าย นอม ฒี่ง,
ไม้ ปุน บยู่ง เหฌี่ย วั้ว นอม ฒี่ง.
น้าย ฑง เด่ย ตุ๊ บยู่ง,
วั้ว ฑง เด่ย ไม้ ตุ๊ บยู่ง ฯฒฯ เหญา ฆาย เหฑ่ง.
8อี ปัว นอม ฒี่ง เญย แปะ ฝีง โย่ว เจี๊ยน มี่ง กั้น นอม ฒี่ง
ล์อ ววม ฮบ มป่า ไม้ ตุ๊ ฮบ เป๊ว.
เม่ย บัว หธ่อ ไม้ หฑวน ต้าย ล์อ เยีย.”
น้าย เซ เฒี้ยว ก๊อง เญย หว่า.
9“เยีย ปุน หฑยาว-จอม ป่วน ห่อย เบย้า ปุ๊ด หลัด โต์ว.
เม่ย บัว เญย หฮวีง เหธา อะหงุ่น เปี๊ยว,
เม่ย บัว เญย ง่ง หญอ เปี๊ยว เหธา กะลั้น เปี๊ยว
หฒุ จ๊บ-เหญ่ย หญั่น เหฑ่ง.
เม่ย บัว หธ่อ ไม้ หฑวน ต้าย ล์อ เยีย.”
น้าย เซ เฒี้ยว ก๊อง เญย หว่า.
10“เยีย ปุน เหฒะ หน่าน เยียม เม่ย บัว บุด๋ง
ฮนั้ง ฒิ่น ด่าง เยียม อียิบ นอ.
เยีย หล่ง หฑุ ด๊าว ไต๋ เม่ย บัว เญย เมี่ยน หลุน เมี่ยน,
ปุน เม่ย บัว เญย ม์า หฒุ ธ้าง มี่ง. #4:10 ไฟ “ไต๋ เม่ย บัว ธ้าง ต้าย เญย ม์า”.
เยีย ปุน เม่ย บัว เญย ด๊บ-ลิ่ว เธี้ยง เหฒวย เญย เฉีย
หธง หฒุ เม่ย บัว เญย บะฒอง.
เม่ย บัว หธ่อ ไม้ หฑวน ต้าย ล์อ เยีย.”
น้าย เซ เฒี้ยว ก๊อง เญย หว่า.
11“เยีย อ๋อย เหมียด#4:11 ไฟ เบี๊ยน. เม่ย บัว
ฮนั้ง ฒิ่น ด่าง เยีย #4:11 เซ ทิน-ฮู่ง เหมียด โสโดม เหธา โกโมลา ฒี่ง. #ทิน เต่ย โต้ว 19:24
เม่ย บัว ฮนั้ง หฆัน ฒ่าง เยียม โต์ว-เหฑ่า แปง ธ้วด ต้าย,
เม่ย บัว หธ่อ ไม้ หฑวน ต้าย ล์อ เยีย.”
น้าย เซ เฒี้ยว ก๊อง เญย หว่า.
12“โอ อิสะลาเอน เมี่ยน อ่า,
เยีย อ๋อย ฮนั้ง น้าย โหฒว ปุน เม่ย บัว.
โอ อิสะลาเอน เมี่ยน อ่า,
เหว่ย หฒุ เยีย ฮนั้ง น้าย โหฒว ปุน เม่ย บัว,
เม่ย บัว อ๋อย หฒุ หลิ่ว เล์ย ปวั้ง เม่ย บัว เญย ทิน-ฮู่ง.”
13ทิน-ฮู่ง เหฒย บง หย่า เหฒย หฑยาว,
นิ่น เฒาะ นิ่น เยียม เฮญี้ยว ฮนั้ม เญย สี่ บั๋ว ป้าม เมี่ยน.
นิ่น ทิ้ว ลู่ง ดอม เป๋น ลู่ง หฮมวัง,
หย่า ธ้าย เจี๊ยน เดา-เป้ย ฮลัง เญย ต๋อง.
นิ่น เญย บั๋ว เซ เฒี้ยว, เน่น เจี๋ย เญย ทิน-ฮู่ง.
Currently Selected:
อาโม้ด 4: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007