2 เทสะโลนิกา 3
3
โท้ เถง เยีย บัว เต๋า เก๋า
1หฒวัง ก๋อ-โย์ว อ่า, เซ้ด เมว์ย แอ๋ง ม่าย เต๋ย หว่า. โท้ เม่ย บัว เถง เยีย บัว เต๋า เก๋า เหว่ย ปุน เฒี้ยว เญย โต์ เซี้ยบๆ เญย ฒุ่น ตุ๊ ฆอย หย่า ตุ๊ เมี่ยน ท่าย ฮนั้ง เม่ย บัว ท่าย นอ. 2หย่า โท้ ทิน-ฮู่ง เหฌียว เยีย บัว เล่ย ดุ๊ด หว่าย ไห่, เอ๊าะ ไห่ เญย เมี่ยน, เหว่ย หฒุ ไม้ เฒ์ย เต้าๆ เมี่ยน ม่าย เสียน ฟิม. 3มป่า เฒี้ยว เซ เหฒียบ ฒัวะ เญย. นิ่น อ๋อย เถง เม่ย บัว ม่าย ชะ หย่า เปว เจี๊ยน ไม้ ปุน ฮยวัง เอ๊าะ วั้ว เต้า ห่อย เม่ย บัว. 4เฒี้ยว ปุน เยีย บัว ไฮ่ ปู๋ง ตุ๊ เฮญี้ยว เม่ย บัว. เยีย บัว เสียน ตี่ง, ต้ง เยีย บัว บั๋ว เม่ย บัว โหฒว เญย, เม่ย บัว หฒะเก้ง โหฒว หย่า อ๋อย โหฒว เจี๊ยน มี่ง. 5โท้ เฒี้ยว เยี์ยน เม่ย บัว, ปุน เม่ย บัว ม่าย เฮญี้ยว ฮนั้ม ทิน-ฮู่ง, หย่า ปุน เม่ย บัว ม่าย กีตู่ ปุน เญย หน่อย.
ขวิน เมี่ยน ไม้ ตู๋ง เหลว่ย
6หฒวัง ก๋อ-โย์ว อ่า, เยีย บัว เต๊ง เฒี้ยว เยซู กีตู่ เญย บั๋ว หัด เม่ย บัว, หาย เต้า ก๋อ-โย์ว เหลว่ย ไห่, ไม้ อ๋อย โหฒว กง หย่า ไม้ กัน เยีย บัว หฌาว เจี๋ย เม่ย บัว วั้ว เต๋ย หว่า, เม่ย บัว อ๋อย หฒุ ซิ้ม ฆอย. 7เม่ย บัว กั้น ฮิ้ว ตุ๊ เม่ย บัว อ๋อย หฒุ ฮนั้ง หาย นอ หฒวด เยีย บัว เญย หญู่ง โหฒว. เยีย บัว เหธา เม่ย บัว เยียม วั้ว หฒั่น เยีย บัว ไม้ เหลว่ย. 8เยีย บัว หย่า ไม้ หญั่น หาย เต้า เญย แปะ หฮนาง, ไม้ ธ้วด ญ่าน. ต๋าว หฑวน เยีย บัว ฮนอยๆ ม์วนๆ โหฒว กง โค้ว ไห่ เหว่ย ไม้ อ๋อย เฝย หลุ่ย เม่ย บัว หาย เต้า. 9เยีย บัว ฮนั้ง น้าย นอ โหฒว, ไม้ เฒ์ย เหว่ย หฒุ ไม้ ม่าย เล์ย เห่ว เมี่ยน จวัง เยีย บัว, เซ เยีย บัว อ๋อย โหฒว หญู่ง เฒ้ย ปุน เม่ย บัว หฒวด. 10เยีย บัว เหธา เม่ย บัว เยียม วั้ว หฒั่น เยีย บัว บั๋ว เม่ย บัว, “สี ก๊อง หาย เต้า ไม้ คั้ง โหฒว กง, ไม้ ตู๋ง ปุน หฮนาง นิ่น หญั่น.”
11เยีย บัว ฮนั้ง น้าย นอ ก๊อง เหว่ย หฒุ เยีย บัว ไฮ์ เมี่ยน ก๊อง, เยียม เม่ย บัว หน่าย ม่าย เต๋ย เมี่ยน เหลว่ย ไห่, ไม้ โหฒว กง. ขูง มี่ง หละเญ้า เมี่ยน โหฒว เญย สี่ ฮนั้ง. 12เยีย บัว เต๊ง เฒี้ยว เยซู กีตู่ เญย บั๋ว หัด น้าย หญู่ง เมี่ยน หย่า ขวิน นิ่น บัว อ๋อย หฒุ โหฒว ส่วน เญย, เจี้ยน โหฒว กง เหว่ย ยู์ง กั้น เญย แหม่ง.
13ก๋อ-โย์ว อ่า, เม่ย บัว โหฒว คู้ สี่, ไม้ ตู๋ง เฮญี้ยว หนัม. 14สี ก๊อง เยียม เม่ย บัว หน่าย หาย เต้า ไม้ หมวัง เยีย บัว เฟี้ย น้าย เฒ้ย เฝียน เญย หว่า, อ๋อย หฒุ จั๋ง เจี๊ยน นิ่น, หย่า ไม้ ตู๋ง เหธา นิ่น จิว ทง เหว่ย ปุน นิ่น ไญ้. 15มป่า ไม้ ตู๋ง ฝุน นิ่น โหฒว วิน-วั้ง. ต๋าว หฑวน อ๋อย หฒุ ขวิน นิ่น ฮนั้ง ขวิน ก๋อ-โย์ว นอ.
เซ้ด เมว์ย หว่า
16โท้ เหธย แป้ง ออน เญย เฒี้ยว กั้น หฒั่นๆ เยียม หญู่งๆ เจ๊า เหธย แป้ง ออน ปุน เม่ย บัว. โท้ เฒี้ยว เหธา เม่ย บัว หฒวัง เมี่ยน เยียม.
17เยีย กั้น นั้น ปั๊ด เฟี้ย น้าย เต๋ย หว่า, “เยีย, เปาโล, จั๋ง เถา เม่ย บัว.” เยีย เฟี้ย เญย เฒ้ยๆ เฝียน ม่าย น้าย เต๋ย หว่า โหฒว จั๋ง-โห่. เยีย กั้น เญย หฑั่ง-แหวะ หย่า ฮนั้ง น้าย นอ เฟี้ย.
18โท้ เฒี้ยว เยซู กีตู่ เหธย เอน ปุน เม่ย บัว หฒวัง เมี่ยน.
Currently Selected:
2 เทสะโลนิกา 3: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007