2 ฮู่ง โต้ว 25
25
1เสเดคียา โหฒว ฮู่ง ตะจั๊ว หฮญัง เหฒียบ หฮลา แซง-เหฒียบ วั้ว ฮนอย, บาบีโลน เญย ฮู่ง, เนบูคัดเน้ดซา, ต้อ เจี๊ยน นิ่น เญย หฒวัง แปง ต้าย เบ๊าะ เยลูซาเลม. นิ่น เหลียบ เธี้ยง เว่ย ก๋อม ฒี่ง กะเหญี่ย แหมง หย่า โหฒว เบ๊าะ จ๋า เญย จา-สี่ เว่ย ก๋อม.#เยเลมี 21:1-10; 34:1-5; เอเสเคน 24:1-2 2นิ่น บัว เว่ย เจี๊ยน ฒี่ง เถา เสเดคียา โหฒว ฮู่ง เหฒียบ เยี้ยด หฮญัง วั้ว หฮญัง. 3เถา เฝย หฮลา แซง-จั๊ว เยียม ฒี่ง กะญั์ว เญย เมี่ยน หง่อ หฮนาง โค้ว ไห่ อ๊ะ. แปะ ฝีง ไม้ ม่าย หาย หญู่ง หญั่น. 4นิ่น บัว ฯฒฯ เบ๊าะ ฒี่ง หลาด ทง, เหยียด ฒู้ง แปง ลู่ง ม์วน หฒั่น เปย๋า, ยั่ง นิด ฮู่ง เตี๋ย เญย หฮวีง อี นอม ฒี่ง หลาด บุด๋ง เญย หลาด แก้ง ธ้วด, ไม้ กุ๊น บาบีโลน เมี่ยน เว่ย ก๋อม ฒี่ง. เปย๋า ธ้วด, นิ่น บัว หูง เจี๊ยน อาลาบา เต่ย มี่ง.#เอเสเคน 33:21 5มป่า บาบีโลน เญย แปง-กวั้น หฒุ่น เจี๊ยน มี่ง หย่า หฒุ่น หฒ่าย เสเดคียา ฮู่ง เยียม เยลีโค เญย เดา-แป้ง. นิ่น เญย แปง-กวั้น กวั่ง เจี๊ยน นิ่น, ฟ้าด หฑาน เญย เปย๋า. 6ฮู่ง เตี๋ย หย่า หฒุ เฒาะ หมี่ อ๊ะ. แปง ต้อ นิ่น มี่ง เถา ลิบลา ฒี่ง, บาบีโลน เญย ฮู่ง วั้ว, ตี่ง นิ่น เญย ฒุ์ย. 7นิ่น บัว ตอง เจี๊ยน เสเดคียา ไต๋ เหฑ่ง นิ่น เญย ตอน. นิ่น บัว เกว๋ย เสเดคียา เญย มฒีง ธ้วด, หย่า หล่ง ต้ง ซิ หลิ่ม โด้ เจี๊ยน ต้อ นิ่น มี่ง บาบีโลน.#เอเสเคน 12:13
หฒั่ง ทิน-ฮู่ง เญย เปย๊า หฒุ เหมียด
(เป๊ย หมั่ง เยเลมี 52:12-23)
8เนบูคัดเน้ดซา โหฒว บาบีโลน เญย ฮู่ง เหฒียบ จั๊ว หฮญัง ฮม์ หฮลา แซง-เธี้ยด วั้ว ฮนอย, ฮู่ง เตี๋ย เญย ซิน-เฮลน เมี่ยน เญย เปย๊ย, เนบูซาละดาน, เซ บาบีโลน ฮู่ง เญย เหยียด เต้า เจียน, มี่ง เถา เยลูซาเลม. 9นิ่น หล่ง โต์ว ปั๊ว หฒั่ง เฒี้ยว เญย เปย๊า เหธา ฮู่ง ติ่น เหธา เยียม เยลูซาเลม เญย นอมๆ เปย๊า. ตะฟ่าน หล่ง เจี๊ยน เญย เปย๊า นิ่น ปั๊ว เหฑ่ง.#1 ฮู่ง โต้ว 9:8 10ต้ง กัน เจี๊ยน ฮู่ง เตี๋ย เญย ซิน-เฮลน เมี่ยน เญย แปง-เปย๊ย วั้ว เต๋ย หฒวัง แปง เบ๊าะ บาง เว่ย ก๋อม เยลูซาเลม ฒี่ง เญย ฒี่ง หลาด. 11ฮู่ง เตี๋ย เญย ซิน-เฮลน เมี่ยน เญย แปง-เปย๊ย, เนบูซาละดาน, กว๊าด เหฑ่ง เยียม ฒี่ง เหฒ่ง เหฌี่ย เญย แปะ ฝีง เหธา กวั่ง เจี๊ยน กั้น เญย ฮู่ง เปียะ บาบีโลน เญย ฮู่ง วั้ว เต๋ย, เหธา เหยียด ฒู้ง เมี่ยน มี่ง บาบีโลน. 12มป่า ฮู่ง เตี๋ย เญย ซิน-เฮลน เมี่ยน เญย แปง-เปย๊ย เลี่ยว เหฌี่ย เก้า จ่ม เจี๋ย เญย เมี่ยน โก๋ว อะหงุ่น หฮวีง, โหฒว ลี่ง โหฒว เด่ย.
13เยียม หฒั่ง เฒี้ยว เญย เปย๊า เญย ต้ง ซิ เดี้ยว เหธา เยียม หฒั่ง เฒี้ยว เญย เปย๊า เญย ต้ง ซิ เตี้ย ล์ง เหธา ต้ม ต้ง ซิ ปุ้น#25:13 เป๊ย หมั่ง 1 ฮู่ง โต้ว 7:23. วั้ว เต๋ย, บาบีโลน แปง เบ๊าะ เป๋น เหยียด เหฮลง เหยียด เหฮลง, ฯฒฯ เปี้ยน ต้ง ซิ มี่ง บาบีโลน.#1 ฮู่ง โต้ว 7:15-26; 2 ฒุ่น ต่อย โต้ว 3:15-17; 4:2-5 14นิ่น บัว หย่า เฒาะ แธง, กะน้าย-เธ้น, ฌับ ตัง-โธ้ เญย ฌิ้ว, ปะเกน เหธา เยียม หฒั่ง เฒี้ยว เญย เปย๊า หล่ง เญย เหยียด ฒู้ง ต้ง ซิ จา-ต๋อง ต้อ มี่ง.#1 ฮู่ง โต้ว 7:45; 2 ฒุ่น ต่อย โต้ว 4:16 15ฮู่ง เตี๋ย เญย ซิน-เฮลน เมี่ยน เญย แปง-เปย๊ย หย่า เฒาะ เซียว โต์ว เญย เจย เหธา ปุ้น ต้อ มี่ง. ไม้ กุ๊น หล่ง เจียม หล่ง ญ่าน โหฒว ต้าย เญย จา-ต๋อง นิ่น ต้อ มี่ง เป๋น เจียม เป๋น ญ่าน. 16ซาโลมอน เหว่ย หฒั่ง เฒี้ยว เญย เปย๊า โหฒว วั้ว เต๋ย อี นอม ต้ม เดี้ยว เหธา ต้ม ปุ้น เหธา เตี้ย ล์ง เญย ต้ง ซิ ฒู้ง ไม้ ไฮ่ เฑียง ไม้ ฮี่ง. 17นอมๆ เดี้ยว เหฒียบ เป๊ด เดาะ ฮลัง. เดี้ยว เตว๊ย-เมว์ย เป๊าะ เจี๊ยน ปัว เดาะ ฮลัง, ม่าย ฮนั้ง ต้ง ซิ มู์ง นอ, เหธา ต้ง ซิ หฒิ เลี่ยว เปี๊ยว#25:17 จั๋น-ไท้ หว่า เห่ว ทับทิม. ฮวีง ก๋อม. วั้ว นอม เดี้ยว หย่า ฟี่ ฮนั้ง เญย โหฒว, ม่าย ต้ง ซิ มู์ง เว่ย ก๋อม.
ยูดา เมี่ยน หฒุ กว๊าด มี่ง บาบีโลน
(เป๊ย หมั่ง เยเลมี 52:24-27)
18ฮู่ง เตี๋ย เญย ซิน-เฮลน เมี่ยน เญย แปง-เปย๊ย เฒาะ เสไลอา ต้ม ไซ เมี่ยน เหธา โหฒว ตะเหญ่ย วั้ว เต้า ไซ เมี่ยน, เสฟันยา, เหธา ปัว เต้า ฒั้ว แก้ง เญย เมี่ยน ต้อ มี่ง. 19เยียม ฒี่ง เหฒ่ง เหฌี่ย เญย เมี่ยน นิ่น เฒาะ เต้า ต้อ แปง เบ๊าะ จ๋า เญย ต้ม แปง-เปย๊ย เหธา ปยา เต้า เถง ฮู่ง เตี๋ย ธ่าง ล่าง เญย เมี่ยน. นิ่น หย่า เฒาะ เต้า ต้ง ติ่ว เต่ย-ปูง เญย แปง วั้ว เต้า จุน-แปง-เปย๊ย เญย โซว-ปิ๊ว, เหธา เยียม ฒี่ง กะญั์ว ล์อ ปวัด เญย หลัวะ เหฒียบ เต้า แปะ ฝีง. 20ต้ม แปง-เปย๊ย, เนบูซาละดาน, เฒาะ นิ่น บัว เหยียด ฒู้ง มี่ง ลิบลา ฒี่ง, บาบีโลน เญย ฮู่ง วั้ว. 21เยียม ฮามัด เต่ย, ลิบลา ฒี่ง วั้ว, ฮู่ง เตี๋ย ปุน นิ่น บัว หฒุ ไต๋ ไต่.
ยูดา เมี่ยน ฯฒฯ หฒุ กว๊าด มี่ง, เล่ย ฆอย กั้น เญย เต่ย-ปูง.
ยูดา เญย แซ้ง-เฒี้ยว, เกดาลิยา
(เป๊ย หมั่ง เยเลมี 40:7-9; 41:1-3)
22บาบีโลน เญย ฮู่ง, เนบูคัดเน้ดซา, เหลียบ ซาฟาน เญย ฟุน, อาหิคัม เญย ตอน, เกดาลิยา, โหฒว ยูดา เญย แซ้ง-เฒี้ยว กุ๊น เลี่ยว เยียม ยูดา เหฒ่ง เหฌี่ย เญย เมี่ยน.#เยเลมี 40:7-9 23หฒวัง แปง-เปย๊ย เหธา นิ่น บัว เญย แปง หมวัง ไฮ์ บาบีโลน เญย ฮู่ง เหลียบ เกดาลิยา โหฒว แซ้ง-เฒี้ยว, นิ่น บัว เหธา นิ่น บัว เญย เมี่ยน มี่ง มิดปา ล์อ เกดาลิยา. ม่าย เนทานิยา เญย ตอน, อิสะมาเอน, เหธา คาเลอา เญย ตอน, โยฮานัน, เหธา เนโทฟา เมี่ยน, ทันหุเม้ด เญย ตอน, เสไลอา, เหธา มาอาคา เมี่ยน เญย ตอน, ยาอาซันยา, เหธา นิ่น บัว เญย เมี่ยน. 24เกดาลิยา โฮ้ว เจี๊ยน แล์ง หว่า บั๋ว นิ่น บัว เหธา นิ่น บัว เญย หฒวัง เมี่ยน, “ไม้ ตู๋ง หลาย บาบีโลน เมี่ยน เญย เจียน กั้ม เหฑีย. กุ๊น ปู๋ง เฮญี้ยว เยียม น้าย นอม เต่ย-ปูง ฟู-สู บาบีโลน เญย ฮู่ง เม่ย บัว ฯฒฯ ตุ๊ หลง.”
25มป่า เยียม เธี้ยด หฮลา เญย เฒี่ยง โห่, ม่าย ฮู่ง เญย โต้ว ฒง, เอลีซามา เญย ฟุน, เนทานิยา เญย ตอน, อิสะมาเอน, ต้อ เหฒียบ เต้า เมี่ยน ต้าย ไต๋ เกดาลิยา หย่า ไต๋ เหธา นิ่น เยียม มิดปา วั้ว เต๋ย ยูดา เมี่ยน เหธา บาบีโลน เมี่ยน.#เยเลมี 41:1-3 26ฮนั้ง หน่าย หฒวัง แปะ ฝีง โฮลๆ ไฝๆ เหธา เหยียด ฒู้ง แปง-เปย๊ย ฯฒฯ เปย๋า มี่ง อียิบ เต่ย-ปูง เหว่ย หฒุ นิ่น บัว กั้ม เหฑีย บาบีโลน เมี่ยน.#เยเลมี 43:5-7
เยโฮยาคีน ตุ๊ ปู๋ง ธ้วด โล่
(เป๊ย หมั่ง เยเลมี 52:31-34)
27เยียม ยูดา เญย ฮู่ง, เยโฮยาคีน, หฒุ ธ้าง มี่ง ฟ่า เหฒียบ เธี้ยด หฮญัง วั้ว หฮญัง, ต้ง เอวินเมโลดัก ฝาว เหว่ย โหฒว บาบีโลน เญย ฮู่ง วั้ว หฮญัง, เหฒียบ เหญ่ย หฮลา หญี่ เหฒียบ เธี้ยด วั้ว ฮนอย, บาบีโลน เญย ฮู่ง ปู๋ง เยโฮยาคีน ธ้วด โล่. 28บาบีโลน เญย ฮู่ง เหธา เยโฮยาคีน ก๊อง หลง หย่า ปุน นิ่น เฒว์ย เก้า ฮลัง เจี๋ย เหธา นิ่น เยียม บาบีโลน วั้ว เต๋ย หฒวัง ฮู่ง เตี๋ย เฒว์ย นอ. 29เยโฮยาคีน ฯฒฯ ไจ๊ ฆอย นิ่น เยียม โล่ ฒุ เญย ลุย-โหว, เหยียด เสย หฒั่นๆ ตุ๊ จวั่ง ฮู่ง เตี๋ย เญย เตี้ย หญั่น หฮนาง. 30เยียม เยโฮยาคีน หธ่อ เฒี่ยง เจี๊ยน เญย เฒี่ยง โห่, ฮู่ง เตี๋ย ฮนอยๆ ปุน ต้ง นิ่น เฉียม หล่ง เญย กะน้าย.
Currently Selected:
2 ฮู่ง โต้ว 25: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007