2 โคลินโท 2
2
1เหว่ย น้าย เยีย ตี่ง เฮญี้ยว ไม้ แอ๋ง มี่ง เม่ย บัว หน่าย ปุน เม่ย บัว ม่าย โยว-เฑ่า. 2สี ก๊อง เยีย ปุน เม่ย บัว เฑ่า นอ, แอ๋ง ม่าย หาย เต้า ปุน เยีย เฌียน-โย่ว? ขูง ม่าย เม่ย บัว, ต้ง เยีย โหฒว ปุน เฑ่า วั้ว เต๋ย ฮนั้ง. 3เหว่ย น้าย เยีย หธีง ต้าย เฟี้ย วั้ว เฒ้ย เฝียน ปุน เม่ย บัว. เหฑีย เยีย เถา เญย เฒี่ยง โห่, ต้ง หอบ หฒุ ปุน เยีย เฌียน-โย่ว วั้ว เต๋ย, ต๋าว หฑวน ปุน เยีย เฑ่า มเปย. เยีย หย่า หฒะเก้ง เสียน, สี ก๊อง เยีย ม่าย เฌียน-โย่ว, เม่ย บัว หย่า เหธา เจี๊ยน เยีย เฌียน-โย่ว. 4เยีย เฟี้ย วั้ว เฒ้ย เฝียน เญย เฒี่ยง โห่ เยีย เก้ง! เฮญี้ยว มุน, เฮญี้ยว เฑ่า, ม่าย ววม-เหมว่ย เหลี่ยว เจี๊ยน ธั้ม เญย. เยีย ไม้ เฒ์ย อ๋อย ปุน เม่ย บัว เฑ่า มป่า อ๋อย ปุน เม่ย บัว ฮิ้ว ตุ๊ เยีย ฮนั้ม เม่ย บัว ด่ง หาย ธั้ม.
อ๋อย หฒุ กวั่ง วั้ว เต้า เมี่ยน ป์าม เญย ฒุ์ย
5สี ก๊อง เยียม เม่ย บัว หน่าย, หาย เต้า โหฒว ปุน เมี่ยน เฑ่า, นิ่น ไม้ ตาน ปุน เยีย เฑ่า ฮนั้ง, นิ่น หย่า ปุน เม่ย บัว หฒวัง เมี่ยน เหธา เจี๊ยน เฑ่า เต๋ย. เยีย ก๊อง “เต๋ย” เหว่ย หฒุ เยีย ไม้ อ๋อย ก๊อง ปะหละ เฮนี้ย. 6เยีย ฮนั้ม ต้าย เม่ย บัว เมี่ยน ธั้ม ตี่ง วั้ว เต้า เมี่ยน เญย ฒุ์ย บัวะ น้าย เก๋า อ๊ะ. 7อี้ หฒั่น เม่ย บัว อ๋อย หฒุ กวั่ง นิ่น โหฒว ต่อง เญย เจ๊า, ออน นิ่น เญย เฮญี้ยว, ไม้ ตู๋ง ปุน นิ่น เฑ่า เจี๋ย จ๋า ฯฒฯ เซวย หมี่ อ๊ะ. 8ฮนั้ง หน่าย, เยีย โท้ เม่ย บัว ปุน นิ่น ฮิ้ว ตุ๊ เม่ย บัว หธ่อ ฮนั้ม นิ่น เญย. 9เหว่ย น้าย เยีย หธีง ต้าย เฟี้ย วั้ว เฒ้ย เฝียน ปุน เม่ย บัว, อ๋อย เสย เม่ย บัว, หมั่ง ก๋า เม่ย บัว เยียม หม่าน สี่ หมวัง เยีย เญย หว่า ไฟ. 10เม่ย บัว กวั่ง หาย เต้า เญย ฒุ์ย, เยีย หย่า กวั่ง วั้ว เต้า เญย ฒุ์ย. เยีย กวั่ง หาย เต้า เญย ฒุ์ย นอ, สี ก๊อง หฒะเก้ง ม่าย หาย หญู่ง อ๋อย หฒุ กวั่ง, เยีย เยียม กีตู่ เญย หฑะเฮมียน หย่า เหว่ย เม่ย บัว เญย กอน-แป๋ง กวั่ง. 11อ๋อย หฒุ ฮนั้ง หน่าย นอ โหฒว เหว่ย ไม้ ปุน ซาตาน ฮี่ง บัว, เหว่ย หฒุ บัว ฮิ้ว ตุ๊ นิ่น เญย หฒะเอ๋ย หมี่ อ๊ะ.
เปาโล เยียม โตอัด ฒี่ง เฑ่า
12เยีย มี่ง เถา โตอัด ฒี่ง ฒุ่น กีตู่ เญย คู้ เฝียน, เยีย ปวัด เฒี้ยว คอย เหฒียง เจ๊า#2:12 คอย เหฒียง เจ๊า กีก หว่า ก๊อง คอย ฆอย แก้ง. ปุน เยีย เยียม วั้ว โหฒว กง.#กง-โฒ่ 16:8 13มป่า เยีย ไฮ์ เฮญี้ยว ไม้ เฮ่น เหว่ย หฒุ ไม้ ตุ๊ ปวั้ง บัว เญย โย์ว, ทิตัด. เยีย เหธา วั้ว เต๋ย เมี่ยน ก๊อง ลิ์ว เล่ย ฮยาง หว่า, ฯฒฯ มี่ง มาซีโดเนีย เต่ย-ปูง.
บัว เขา กีตู่ ตุ๊ ฮี่ง
14มป่า แล์ง ฒี่ง ทิน-ฮู่ง. บัว เหธา กีตู่ จวั่ง แหม่ง เฒี่ยง, ทิน-ฮู่ง หย่า หล่ง กีตู่ เธี้ย เปย๊ย ต้อ บัว หฒั่นๆ ตุ๊ ฮี่ง. ทิน-ฮู่ง หย่า หล่ง บัว โหฒว ฮนั้ง ดาง เญย เฉีย หฑาน มี่ง นอมๆ ต๋อง, ปุน เมี่ยน ฮิ้ว ตุ๊ กีตู่. 15เยีย บัว เซ ฮนั้ง กีตู่ ปั๊ว เก๋ง ทิน-ฮู่ง เญย ฮูง นอ. ดาง เญย เฉีย หฑาน มี่ง เถา ตุ๊ เหฌียว เญย เมี่ยน, แอ๋ง เถา หฒุ เหมียด เญย เมี่ยน. 16หฒุ เหมียด เญย เมี่ยน ไฮ์ น้าย เต๋ย เฉีย หธง หฒุ นิ่น บัว ไต่. มป่า เหว่ย ตุ๊ เหฌียว เญย เมี่ยน เซ ดาง เญย, ปุน นิ่น บัว ม่าย เฒี่ยง แหม่ง. หาย เต้า ม่าย ปั้น เหฒ่ย โหฒว น้าย หญู่ง กง? 17เยีย บัว ไม้ ฮนั้ง เมี่ยน ธั้ม ต้อ ทิน-ฮู่ง เญย โต์ มี่ง หม่าย หญั่น. ต๋าว หฑวน ทิน-ฮู่ง พ้าย เยีย บัว, เยีย บัว ฯฒฯ เยียม นิ่น เญย หฑะเฮมียน โหฒว กีตู่ เญย โปว, เหฒียบ ฒัวะ เญย ก๊อง นิ่น เญย โต์.
Currently Selected:
2 โคลินโท 2: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007