2 JUAN 1
1
Tsänta
1Xalla ni Yöś kirïchi qamchi ephki ni Yöś illśta jilanakźkin tsänźkićha, niźaśa ni Yöśkin wakiśiñinakźkinami. Werhki cheqpachapan Yöś pekućha, ana werh alaxaqaś ans thappacha ni werar taqu paxchinakami. 2Niźaśa werhki ni werar taquź khen anćhuk pekućha, xalla tïki wethnaka quśkiśpanź źelhćha niźaśa tirapanź źelakićha. 3Niźaśa Yöś Ephki niźaśa ni Jesucriśtu Yöś Matiki anćhukakiś nïź oqś thäźkila, niźaśa ninakaki anćhukakiś śuma qamaña niźaśa werar oqśñi quśx thäla.
Ni oqś lïnaka
4Werhki anćhukakiśtan tshïsuñźtan śalźku, nïź ni werar tawqxaru qamtikiśtan añcha chipchinćha, niźaśa xaqhnuź ni Yöś ućhumnakakiś qamax khitćhaxa xalla ni irata. 5Xaśiki weth q'ay jila kullakinaka, werhki anćhuk rokt'ućha porapat oqsasakićha. Xalla ti weriź anćhukakin khjirźkitaki anaź ew lï, ans ni qallantikiśtanpacha tanźta lïćha. 6Xalla ni oqźkan qamśki Yöś lï xaru qamśa, niźaśa anćhukki ni lïkiśtanaki qallantikiśtanpacha nonśinćhukćha, neqhśtan anćhukki ni oqźkanpanź qama.
Cheqpacha Jesucriśtuźkiśthapa quśśiś khiśki
7Niźaśa thapa ti yoqaran wakchi q'otñi źoñinakaź oqhlayćha, xalla ni źoñinakaki Jesucriśtu ana cheqpacha źoñiźtaqaś thonchićha khićha. Xalla nuź chïñi źoñiki nïćha ni źoñi q'otñiki niźaśa Criśtuźkiśtan toskara chïñiki. 8Anćhukki ni źoñinakźkiśtanź kuytaśakićha, ana ućhumnakaź lanqźtanaka ana apt'iśxapaki, ans Yöś śuma kintu onźta thappacha tanśa.
9Niźaśa ni Criśtuź thaxintikiśtan jilakama thaxinś pekñi źoñiki, anaćha Yöśtan; ans ni Criśtuź thaxintikiś thaxiñiki Yöś Ephźtanćha niźaśa nïź Machhśtanśaqaśśa. 10Niźaśa yaqhapaki anćhuk thonśñi oqhźku anat ti thaxinś thaxinćhax nïki, anćhukki ni źoñi anaź qhuykiś qhawźa niźaśa anaź tsäna; 11xalla ni tsäñi źoñiki, ni źoñź anaśuma pätanakkiśtan tukatuź khissa.
Jalhtiś taqu
12Wethtaki anćhukakiś chïś wakchiź źelhćha, ans anal kartikiś khjirśkiś pekućha. Werhki perśunpacha oqhźku anćhukatan palt'iś pekućha, xalla nuź ućhumnaka quś phiya khesaćha.
13Niźaśa ni anćhuka illśta kullaka matinaka anćhukakin tsänźkićha. Xalla nuźox khila.
Currently Selected:
2 JUAN 1: CHIPBO
Highlight
Share
Copy
Want to have your highlights saved across all your devices? Sign up or sign in
Nuevo Testamento Chipaya © Sociedad Bíblica Boliviana, 2004.