Phatna-late 76
76
Tumtheih makaipa ading. Khausai tumtheih a sak. Asaph phuah phatna-la khat. La khat.
1 Judah ah Pasian kithei kim a;
Israel ah ama min lian mahmah hi.
2 Salem ah a puanbuk om a,#Pc 14:18
Zion ah a tenna mun a om hi.
3 Amah in tua lai ah thaltang lenglaite,#Eze 39:9
lumte le namsaute, galhiamte a kuaitan hi. #Selah
4 Nang khuavak tawh na tee siasua a,#Ph 36:9
sabetna a hau mualliante sangin na thupi zaw hi.
5 Lungtangphate’ neihsa kilaksakin,
a lup tawpna uhah lum uh hi;
galhangte khat beek in
a khut a liik thei kei uh hi.
6 Jacob Pasian aw, nang na tai-a#Ph 50:21
sakol le sakollengte khawlcip hi.#Pk 15:1
7 Nangmah bek kihtak ding na hi hi.
Na heh ciangin na mai ah kua ding thei ding hiam?
8 Vantung panin thukhenna na genkhia a
leitung lau-in dai khipkhep hi -#1Kh 16:30
9 Pasian aw, leitung ah a thuaksiate hon dinga
thukhen dingin na din ciangin leitung lau-in a dai hi.#Ph 9:8 #Selah
10 Mihingte tunga na thangpaihna in nang hong phatsak taktak a,
na thangpaihna a thuakzo a# 10 Ahikeh mihing thangpaihna in nang phatna hong tun dinga, / thangpaihna a omlai tengin na kigalging ding hi teng na kem hi.
11 TOPA na Pasian tungah note kiciam unla tangtun un.
Na gamvengte khempeuh un
kihtak ding Pa tungah letsong puak uh hen.#2Kh 32:23
12 Amah in gam-ukte’ lungsimtesukham a,
leitung kumpite in amah a kihta uh hi.
Currently Selected:
Phatna-late 76: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission