Phatna-late 25
25
David phuah.
1 TOPA aw, nang tungah ka hinna kong laamto hi;#Ph 143:8
2 keima Pasian aw, nang kong muang hi.
Kei hong maizumsak kei inla,
ka galte kei tungah gualzosak kei in.
3 Nang sungah lametna a neite
khat beek kimaizumsak ngei lo dinga,
ahi hangin a thu om lopi-a a zuautatte
a kimaizumsak ding hi.#Ph 22:5
4 TOPA aw, nangma ziate kei hong lak inla
na lampite kei hong hilh in;#Job 34:32
5 nangmah Pasian, keima Honpa na hi-a,
sun niloh a ka lametna na hi manin#Ph 32:20
na thutak ah hong pi inla kei hong hilh in.#Ph 31:3
6 Na lainatna lian le na itna liante
tanglai pek pan ahi manin phawk in, TOPA aw.
7 Ka khangno lai-a ka mawhnate le#Job 13:26
ka lehtatnate ciamteh kei in;
TOPA aw, nang hoih na hi manin
na itna tawh kizui-in kei hong phawk in.#Ph 6:4
8 TOPA hoih in thutang hi;#Ph 92:15
tua ahi manin mawhneite ama lampite a lak hi.
9 Amah in a kiniamkhiatte amaanin pi-a,#Ph 23:3
amaute ama lampi a hilh hi.
10 Ama thukhun sawlnate a zuite adingin#Ph 103:18
TOPA’ lampite khempeuh itna le muanhuaina ahi hi.#Ph 18:25
11 Nangma min na khualna-in TOPA aw,#Pk 9:16
ka khialhnate a liat hangin hong maisak in.#Pk 34:9
12 Tua ahileh TOPA a kihta kua ahi hiam?#Job 1:8
Amah in ama adingin a teelsaksa lampi a lak ding hi.
13 Amah a dam sung teng daupaina-in zang dinga,#Tp 30:15
ama suante in leitang a luah ding uh hi.#Ms 14:24
14 TOPA in amah a kihtate muang a;#Pn 3:32
a thukhun amaute a theisak hi.#Pc 17:2
15 TOPA in thang panin ka khete hong sutsak lel ding ahi manin
amah ka mitsuan gige hi.#2Kh 20:12
16 Lungzuang in kei guak gim thuak ka hi manin#Ph 68:6
kei lam hong nga inla hong hehpih in.#Ms 6:25; Ph 6:4
17 Ka lungsim buainate kibehlaplap hi;#1Ku 1:29
ka lungtawlna panin hong suaktasak in.
18 Ka thuaksiatna le ka lungdonna en inla,#2Sa 16:12
ka mawhna khempeuh lakhia mang in.
19 Ka galte khang mahmah in#Ph 3:1
hong muhdahna uh a nasiat mahmah lam mu in!#Ph 35:19
20 Ka nuntakna hong cingin hong hu in;
nang hong beel ka hi manin
hong maizumsak kei in.
21 Ka lametna nang sungah om ahi manin
ka lungsim cihtakna le ka thutangna in kei hong dal hen.
22 Pasian aw, amau lungkhamna khempeuh panin#Ph 130:8
Israel tankhia in!
Currently Selected:
Phatna-late 25: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission