Phatna-late 122
122
Kahtohna la. David phuah.
1 "TOPA inn ah pai ni"
hong cite tung ka nuam hi.
2 Jerusalem aw, na kongpite sungah
ka khete uh ding hi.
3 Jerusalem in inn kinai ciktek a kilam
khuapi tawh kibang hi.
4 Tua lai-ah Israel tunga kipia ngeinakipte tawh kizui,
TOPA’ min a phat dingin behte paito uh a,
TOPA behte a paito uh hi.
5 Tua lai-ah thukhenna kumpi tokhomte,
David innkuante’ kumpi tokhomte a om hi.
6 Jerusalem lungmuan nadingin thu ngen unla:
"Nang hong itte galmuang uh hen.#Ph 26:8
7 Na kulhte sungah lemna om henla#1Sa 25:6
na khuapi’ kulhpite sungah ngaihmuanna om ta hen," ci un.#Ph 48:3
8 Ka sanggamte le ka lawmte khualna-in,
"Nang sungah lemna om hen," ka ci ding hi.
9 Eite Pasian TOPA inn ka khualna-in,
na daupai nading ka zong ding hi.
Currently Selected:
Phatna-late 122: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission