Obadiah 1
1
1 Obadiah mangmuhna.
Hih in Edom tawh kisai Thupipen TOPA thugen ahi hi -#Jer 49:7-22
TOPA tung pan thupuak ka za khin uh hi:
Minamte tungah palai khat kisawl khin a,#Isa 18:12
"Kithawi un, amah do dingin kuan ni," - kicisak hi.#Jer 6:4-5
2 "En un, minamte lakah note kong neusak dinga,
hong kisimmawh mahmah ding hi.
3 Suangpi a#1.3 Ahikeh Sela ah kitamte sungah tenga,
asanna munte ah inn lamin,
‘Kua in leitungah hong kaikhiasuk zo ding hiam?’#Isa 14:13-15
a ci note aw, na lungsim kiphatsakna un
note hong khem khin zo hi.#Isa 16:6
4 Muvanlai bangin sangpi ah laamtoin
aksite lakah bu na tom hangin#Hab 2:9
tua panin kong kaikhiasuk veve ding hi"#Jer 49:14-16; Isa 14:13
TOPA in cikhia hi.
5 "Zanin na kiangah gutate le
misuamte hong pai-in -
supna lianpi na thuak hangin -
amaute deihzah bek hong guksak ding hi lo hiam?
Lenggah lo-te na kiangah hong pai leh
lenggah tawmkha nusia lai buang ding uh hi lo hiam?#Jer 49:9-10
6 Ahi hangin Esau kibuluhin a gou selsim khempeuh
a kilongmang khin hi.
7 Na kipawlpihte un, gamgi dong hong hawlkhia ding uh hi;#Jer 30:14
na lawmte un hong khemin hong nopneh gawp ding uh hi.
Na an uh a nete in note hong thangsiah ding uh a, b#1.7 Hebrew in hih gualteng a khiatna kician lo
ahi hangin na mukhia zo kei ding uh hi.
8 TOPA in genkhia hi, "Tua ni ciangin Edom mipilte,#Job 5:12
Esau mualte a thu theitel mite
susia lo ding ka hi hiam?
9 Teman aw, na galhangte lauthawng mahmah ding uh a,#Pc 36:11,34
Esau muala thu theitelte
kigawhna ah kivattuk ding hi.
10 Na sanggampa Jacob tunga na ngongtatna hangin
nang hong kimaizumsak dinga,
a tawntungin hong kisusia ding hi.#Eze 35:9
11 Nang guak na tangdin ni, mikhualte in
a neihsa manpha teng a laksak laitak le
gamdang mite a kongpi ah lutin
Jerusalem tungah ai a san uh ciangin
note zong amaute lakah a kihel mah na suak uh hi.
12 Na sanggampa a tuahsiat ni-in,
na neu-et kei ding hi;#Pn 24:17
Judah-te a kisiat ni-un nuam loin#Eze 35:15
a lungkham ni-un
na awibawl kei ding hi.#Ph 137:7; Pn 17:5
13 Ka mite in haksatna a tuah ciangin
amaute kongpi ah na pai kei ding uh hi -
a tuahsiat ni-in#Eze 35:5
amaute neumuh kei unla
a kisiat ni-un
a van manphate uh laksak kei un.
14 A suakta sunte khaktan dingin
lamkabom ah ding kei unla;
a lungkham ni-un a nungta sunsunte
a galte uh khutah na pia kei ding uh hi.
15 "Minam khempeuh tungah
TOPA ni ding nai ta hi.
Na sepsa bangin nang tungah hong kisem ding hi.
na sepsate uh nomau lubuk ah hong tu ding hi.#Jer 50:29
16 Ka mual siangtho tunga na dawn bang tektekun
minam khempeuh in dawn suak ding uh hi;#Jer 25:15; 49:12
dawndawn ding uh a,
a piang ngei lo mah bang ding uh hi.
17 Ahi hangin Zion Vum kihonkhia ding hi,#Am 9:11-15
tua pen kisiangthosakin#Isa 4:3
Jacob innkuan in
a gou teng luah ding hi.
18 Jacob innkuante mei hi-in,
Joseph innkuante meikuang hi ding uh a,
Esau innkuante ninpaa hi-in,
mei sungah kikhul dinga a kangtum ding hi.#Zec 12:6
Esau innkuante sung pan a suakta
a om kei ding uh hi," ci-in
TOPA in a gensa ahi hi.
19 Negev pana mite in
Esau mualliante tang ding uh a,
mualbula mite in
Philistia-te gam nei ding uh hi
Amaute in Ephraim le Samaria lote tang ding uh a,
Benjamin in Gilead a tang ding hi.
20 Canaan gama Israel saltaangte in
leitang Zaraphath dong a tang ding uh hi;#1Ku 17:9-10
Jerusalem pana saltaang Sepharad a omte in
Negev khuapite a tang ding uh hi.#Jer 33:13
21 Esau mualte uk dingin a hukhia ding mite,
Zion mualtungah a#1.21 Ahikeh panin paito ding uh hi.
Tua ciangin tua kumpi-gam TOPA aa hi ding hi.
Currently Selected:
Obadiah 1: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission