Isaiah 61
61
TOPA Angvan Kum
1Mizawngte tungah lungdamna thu hilh dingin#Mt 11:5; Lk 7:22
TOPA in kei sathau hong nilh khin ahi manin#Ph 45:7
Thupipen TOPA’ Kha kei tungah a om hi.#Isa 11:2
Amah in lungsim kitamte khui kik ding,#Isa 57:15
sal-a kimante suahtak nading le#Isa 42:7; 49:9
thong a kiate a#61.1 Hebrew le Septuagint ah mittaw khahkhiat nading tangko ding,
2 TOPA angvan kum le#Lk 4:18-19*
eite Pasian phulak ni tangko-a,#Isa 34:8
a thumte khempeuh hehnemin,
3 Zion-a om a dahte huhin -
amau lutungah vut tangin
kumpi lukhu a khusak ding,#Isa 3:23
thumna tangin nuamna sathau,#Isa 1:6
le lungkiatna kha tangin
phatna puan a pia dingin
kei hong sawl zo hi.
ama thupina a kilat nadingin#Isa 60:20-21
amaute, TOPA suansa
thumaanna tehno kungte, kici ding hi.#Ph 1:3
4 Amaute in tanglai-a kisiasate bawlpha in,#Isa 49:8; Eze 36:33; Am 9:14
a maimangsate a ding kiksak ding uh hi;
amaute in khuapi kisiate puah kikin,
khang tampi a maimangsa khuapite a puahpha ding uh hi.
5 Pemtate in na tuuhonte uh cing ding uh a;#Isa 14:1-2
gamdang mite in na lo uh le na lenggui lote uh a kho ding uh hi.
6 Tuateh note, TOPA’ siampite hong kici dinga,#Pk 19:6; 1Pe 2:5
Pasian’ nasemte ci-in hong kilo ding hi.
Minamte neihsa-in na kivak ding uh a,#Isa 60:11
amaute hauhna na kisaktheihpih ding uh hi.
7 Ka mite in amau maizumna tangin
a zahnih tang ding uh a,#Isa 40:2
amaute mindaina tangin
amau luahna nuam a sa ding uh hi;
tua ciangin amau gamah a zah nih luah ding uh a,#Isa 60:21
tawntung nopsakna amau aa hi ta ding hi.#Isa 25:9
8 Ahang in, keimah TOPA in thutang ka it a;
mite neihsa suhna le khialhna ka mudah hi.
Ka muanhuaina hangin amaute pahtakman ka pia dinga,
amaute tawh tawntung thukhun ka bawl ding hi.
9 Minamte lakah amaute suan le khakte kitangtheih dinga,#Isa 43:5
amau suante mite lakah a kitang theih ding hi.
Amaute a mu peuhmah in
TOPA thupha piaksa minam ahilam a tel ding uh hi," a ci hi.
10 TOPA sungah nuam ka sa mahmah a,
ka Pasian sungah ka kha a kipak hi.
Ahang in, zi neipa in siampipa bangin a lu a zep bang le,
suangmanpha-in monu a kizep bangin#Isa 49:18
amah in hotkhiatna puante kei hong silhsak khin a,
thumaanna puantualpi-in kei hong zem khin hi.#Ph 132:9
11 Ahang in, lei hoih in mengkhiasakin,
huan in khaici a posak bangin
Thupipen TOPA in minam khempeuh mai-ah
thumaanna le phatna a phulkhiasak ding hi.#Ph 85:11
Currently Selected:
Isaiah 61: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission