Isaiah 40
40
Pasian’ Mite Hehnepna
1Hehnem un, ka mite hehnem un,#Isa 12:1; 49:13
note Pasian in hong ci hi.
2 Jerusalem tungah awnemin gen unla
ama tungah tangko un.
Ama nasep haksapi kimansiang ta a,#Isa 41:11-13
a mawhna thaman kipia khin hi;
amah in TOPA khut panin ngah a,
a mawhnate khempeuh a zah nihin kithuk hi.#Isa 61:7
3 Aw khat in:
"Sehnel-gam ah
TOPA b#40.3 Ahikeh Sehnel-gam sungah aw khat in "TOPA pai nading lampi sial un,#Mal 3:1
gampalak ah
Pasian c#40.3 Hebrew; Septuagint ah Eite Pasian lampite adingin lam lianpi na tangsak un.
4 Kuam thuk peuhmah kivukdim dinga,
muallian le mualneute peuhmah a kiniamsak ding hi;
lei puamna munte kimaihtam dinga
lei phok munte kitamsak ding hi.#Isa 45:2,13
5 Tua ciangin TOPA minthanna kilaak dinga,
mihing khempeuh in a mu ding uh hi.
Ahang in, TOPA kam in a gensa ahi hi.
6 Aw khat in, "Kiko in," hong ci hi.
Tuateh, "Bang kiko ding ka hiam?" ka ci hi.
"Mi khempeuh lopa tawh kibang a,#Job 14:2
amau minthanna khempeuh gamlak pak tawh kibang hi.
7 TOPA huu in amaute mut ahi manin
lopate vulin pakte a pulh hi.#Isa 15:6
Mite lopa hi takpi hi.
8 Lopate vulin pakte a pulh hi,
ahi hangin eite Pasian kammal kip tawntung hi," hong ci hi.#Isa 55:11
9 No Zion a thuhoih puakte aw,#Isa 52:7-10, Ro 10:15
mualsang tungah kahto un.
No Jerusalem d#40.9 Ahikeh Thuphate a puakpa Zion aw. / mualsang tung khatah kah to in/ Thuphate a puakpa Jerusalem aw a thupha puakte aw,
na aw uh sangsak unla awng un,
sangsak un, lau kei un;
Judah khuapite tungah,
"Note Pasian hiah om hi," ci un.#Isa 25:9
10 En un, a Lianpen TOPA vanglian-in hong pai-a,#Kil 22:7
a bante in ama adingin a uk hi.
En un, a pahtakman hong kenga
a lohkikna hong keng hi.
11 Tuucingpa bangin a tuuhonte vaka,#Eze 34:23; Mic 5:4
tuunote a ang sungah khawmin#Ms 11:12
amaute dawm mahmah in pua dinga;#Tp 26:19
a no neite damdamin a masuan hiathiat ding hi.#Pc 33:13
12 Kua in a khutkuakin tuite teh a,#Job 38:10; Pn 30:4
vante a zapekin ciamteh ahi hiam?#Heb 1:10-12
Kua in leitung leivui lawh ah guangin
mualliante a tehna-in khai a,
mualneute tawi teh ahi hiam?
13 Kua in TOPA’ lungsim a#40.13 Ahikeh Kha ahikeh kha theitel a,
ahikeh thulakpa bangin amah lamlak ahi hiam?#Ro 11:34*
14 TOPA in amah a phawksak dingin kua donga,
kua in lammaan hilh ahi hiam?#Job 21:22; Col 2:3
Theihna a hilh ahikeh theihtelna lampi
a lak kua ahi hiam?#Job 12:13
15 Hitakpi hi, minamte beelkhai khat sunga tuimal khat tawh kibang lel a,
tawikhaina tunga leivui baang tawh kibang lel hi;#Ph 62:9
amah in tuikulhte leivui them bangin a dom lel hi.#Tp 9:21
16 Biakna-tau ah mei-a cih dingin Lebanon kicing zo lo,
meihal biakna dingin a ganhingte a kicing zo kei hi.#Ph 50:9-11
17 Minamte khempeuh ama mai-ah bangmah hi lo uh a,#Isa 29:7; 30:28
amah in bangmah a hi lo sanga man nei lozaw in
a ngaihsun hi.#Da 4:35
18 Tua ahileh nang in Pasian le kua tehkak ding na hi hiam?#Pk 8:10
Bang lim tawh amah enkak ding na hi hiam?#Ns 17:29
19 A kibawltawm milim ahileh
khutsiam khat in sunga kham seekpa in
khamtui luanin a zepna sikkhainiangte a sunsak hi.#Ph 115:4; Isa 2:20; 41:7
20 Mizawng mahmahte in tua banga a piak dingun
a muat lo ding sing a tel uh hi.
A kilok lo milim khat a phuhsak dingin
khutsiam mi khat a zong hi.#1Sa 5:3
21 Thei nai lo na hi uh hiam?
Za nai lo na hi uh hiam?
Atung-a kipan hong kigen lo ahi hiam?#Ph 19:1
Leitung a kiphuh khit nungsang theitel pah lo na hi uh hiam?#Ro 1:19; Isa 48:13
22 Amah leitung kimvel tungsana tupa hi a,
leitunga mite kauphe tawh a kibang hi.#Ph 104:2
Amah in vante, tungzakpuan bangin zala,#Job 22:14
ten nading puanbuk bangin a zal hi.#Job 36:29
23 Amah in kumpite bangmah lo suaksak a,
hih leitung gam-ukte bangmah lo dongin a kiasak hi.
24 Amaute a gina-in kisuan khinphet,
amaute a gina-in kivawh khitphet,
amau in lei sungah zung kha khinphetin
amah in mutin vul uh a,#Isa 41:16
ansi bangin pingpei in lenmang hi.
25 "Kei kua tawh hong teh ding na hi uh hiam?#tg 18; 1Kh 16:25
Ahikeh kei kua tawh kikim ka hi hiam?" Siangtho Pa in ci hi.#Isa 1:4
26 Dakto unla vante en dih un.#Isa 51:6
Hihte khempeuh kua piansak ahi hiam?
Amah in aksi honpite khatkhatin suaksak a,#Ph 147:4
a min ciatun a sam hi.
Ama vangliatna le thahatna hangin
amaute khat beek a mangthang kei hi.#Isa 45:24
27 Jacob aw, bang hangin,
"TOPA panin ka lampi kisel a,
ka Pasian in ka thu don lo hi," ci a,#Job 27:2; Lk 18:7-8
Israel aw, bang hangin mawhsak na hi hiam?
28 Thei nai lo na hi uh hiam?
Za nai lo na hi uh hiam?
TOPA pen tawntung Pasian hi a,#Ph 90:2
leimongte Piangsakpa ahi hi.#Isa 37:16
Amah gim loin tawl lo dinga#Isa 44:12
ama theihtelna kuamah in a lamteh thei kei ding hi.#Ph 147:5
29 A gimte tha guana
a thanemte’ vangliatna a khangsak hi.
30 Khangnote nangawn gimin tawl uh a,
khanglaite muktu in a puk uh hi;#Isa 9:17; Jer 6:11; 9:21
31 ahi hangin TOPA tungah lametna
a neite a tha uh a dim kik ding hi.#Lk 18:1
Amaute muvanlai bangin a kha un lengto ding uh hi;#Ph 103:5
tai ding uh a, gim lo ding uh hi,
lampai ding uh a, a bah kei ding uh hi.#2Co 4:1; Heb 12:1-3
Currently Selected:
Isaiah 40: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission