Isaiah 39
39
Babylon pan Thupuak
1Tua hun laitakin Baladan tapa Babylon kumpipa Merodach Baladan in Hezekiah cinatna le a dam kikna za ahi manin lai a khak hi. 2 Hezekiah in thupuakte lungkimtakin na muaka a van koihna sunga a neih khempeuh - ngun, kham, gimnamtui, sathau manpha, a galvan khempeuh le a goute lakah a kimu thei peuhmah a lak hi. Hezekiah in kumpi innsung le a gam sungah amaute a lah loh bangmah a om kei hi.#2Ku 18:15; 2Kh 32:31
3 Tua ciangin Kumpi Hezekiah kiangah kamsangpa Isaiah va pai-in, "Tua mite koi panin hong pai hi a, bang gen uh ahi hiam?" ci-in a dong hi.
Hezekiah in, "Gamlapi pan hi uh a, Babylon pan kei kianga hong pai uh ahi hi," ci-in a dawng hi.#Tp 28:49
4 Kamsangpa in, "Na kumpi inn sungah bang mu uh hiam?" ci-in a dong hi.
Hezekiah in, "Ka kumpi inn sunga na khempeuh mu uh hi. Ka goute lakah ka lah loh bangmah a om kei hi," a ci hi.
5 Tua ciangin Isaiah in Hezekiah kiangah, "Thahatpen TOPA kammal za in: 6 ‘Na kumpi inn sunga na khempeuh le tuni donga na pate kholsa khempeuh Babylon-te in a puakkhiat hun hong tung taktak ding hi. Bangmah kinusia lo ding hi,’ TOPA in ci hi. 7 Tuateh nangma suante nang pana suak ding na si le na sa pawlkhat kipaikhiatpihmang dinga, Babylon kumpipa kumpi inn sungah cilgeh a suak ding uh hi," a ci hi.
8 Hezekiah in, "Nong gensa TOPA kammal a hoih hi," ci-in a dawng hi. Ahang in, amah in, "Ka nuntak laiteng kilemna le ngaihmuanna a om ding hi," ci-in a ngaihsun hi.#2Ku 20:12-19; 2Kh 32:26
Currently Selected:
Isaiah 39: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission