Isaiah 31
31
Egypt Tunga Kingate’ Gimna
1Egypt huh nading deiha a paisukte,
sakolte tungah kinga-in
sakolleng tampite le a sakol-tuangte uh thahatna muanga
Israel-te siangtho Pa en lo
ahikeh TOPA tung pana
huhna a zong lote tungah gimna tung ta hen.#Isa 2:7
2 Tua hi napi amah zong pil a, gimna a tungsak thei hi;#Isa 45:7
amah in a kammal a dokkik kei hi.#Ms 23:19
A kheltatte innkuante le
migilote a huhte langah a pang ding hi.
3 Ahi hangin Egypt mite mihing hi-a, Pasian hi lo uh hi;#Eze 28:9
amaute sakolte ci-le-sa hi-a, kha ahi kei hi.#Isa 30:16
TOPA in a khut a zankhiat ciangin,#Isa 9:17,21
a huhpa muktu dinga
a kihuhpa a puk ding hi;
a nih un a mangthangkhawm ding uh hi.
4 TOPA in kei tungah hong gen hih ahi hi:
"Humpinelkai humham in,#Am 3:8
humpinelkai lianpi a sa nek tungah bok a -
amah nawhkhia dingin tuucing buppi
a kikaihkhop uh hangin
amau otna in lausak loin,
amau husa in a nawngkaisak zawh loh bangin,
Zion Vumte le a sannate ah galdo dingin
Thahatpen TOPA hong kuansuk ding hi.#Isa 42:13
5 Vasa a bu tung sanah a lamlam bangin
Thahatpen TOPA in Jerusalem a dal ding hi;#Ph 91:4
amah in dalin hu dinga,
amah in ‘paisanin’ a suaktasak ding hi,"#Pk 12:23
6 Nakpi taka a lehdo Israel mite aw, ama kiangah kileh kik un. 7 Ahang in, tua ni ciangin note khempeuh in mawhna tawh a dim khut in a bawlsa ngun le kham milimte na nial ding uh hi.#Isa 2:20; 30:22
8 "Assyria lah mi tawi loh namsau-in puk dinga,
mihing aa ahi lo namsau khat in a valhtum ding hi.#Isa 14:25; 37:7
Namsau mai-ah amaute tai ding uh a,
a tangvalte uh zawhtawh thu-in na kisemsak ding hi.
9 Amaute mun muanhuai launa hangin puk dinga
a galte uh dialkhai a muh uh ciangin a galkap mangte uh a tai ding uh hi."
a meikuang Zion-a om pa
Jerusalem-a pummei neipa
TOPA in cikhia hi.#Isa 10:17; Mal 4:1
Currently Selected:
Isaiah 31: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission