Isaiah 27
27
Israel-te Hutkhiatna
1Tua ni ciangin
TOPA in ama namsau - a hiam mahmah,
a lian le a vanglian ama namsau in,#Isa 34:6; 66:16
a kitholhkhia gulpi Leviathan
a kual gulpi Leviathan daan thuaksak dinga,
tuipi ganhing lianpi a that ding hi.#Ph 74:13; Kil 12:9
2 Tua ni ciangin -
"A gahpha lenggui lo la-in sa un:
3 Keimah TOPA in ka vil tawntung a;
tui ka buak den hi.#Isa 58:11
Kuamah in a siatsak loh nadingin
sun le zanin ka vil hi.#Ph 91:4
4 Ka heh kei hi.
Lingkungte le thangling kungte in kei hong maituah ta leh
amaute phu in gal sungah ka pai teitei dinga;
amaute khempeuh mei-in ka hal ding hi.
5 Ahikeh kei kiang hong zuanin hong bu uh hen;#Isa 25:4
keimah tawh kilemna bawl uh hen,#Job 22:21; Ro 5:1; 2Co 5:20
hi hi, keimah tawh kilemna bawl uh hen.
6 Hong tung ding tua ni ciangin Jacob in zungkha dinga,#Isa 11:10
Israel selkhia-in pak dinga,
leitung khempeuh ah a gah a dim ding hi.#Isa 37:31
7 Amah a satte sat bangin
TOPA in tuanu sat ahi hiam?
Amah a thatte thah bangin
amah in tuanu that sam ahi hiam?
8 Kidona a#27.8 Septuagint en in, Hebrew in hih kammal kicianlo hi hanga saltang amah tawh a mawh khawmte -
nisuahna huih nun ni bangin
ama huih hat in tuanu a delhkhia hi.
9 Amah in biakna-tau suangte khempeuh
suangkang satvui bangsak a,#Pk 34:13
Asherah gimnamtui-tau ahikeh
khuamte b#27.9 Tua in nusian Asehrah lim a po lai a omsak nawn loh ciangin
hihte hangin Jacob khialhna kimaisakin
a mawhna a kipaihsakna gah ahi ding hi.#Ph 78:38
10 A muanhuai khuapi a hawmin om a,#Isa 32:14; Jer 26:6
a teng mi tampi in sehnel-gam bangin a taisan uh hi;
tua lai-ah bawngnote gamta in
tua lai mah ah giak uh a,#Isa 17:2
a hiangte a hawkmai uh hi.
11 A hiang mengte a keu ciangin kitan a
numeite pai-in singin a cih uh hi.
Ahang in, hih mite in a theitel kei uh hi;#Tp 32:28
tua ahi ciangin amaute a Bawlpa in amaute khuatuah lo a,
amaute a Piangsakpa in amaute a angvan kei hi.#Tp 32:18
12 Israel-te aw, tuani ciangin TOPA in Euphrates c#27.12 Hebrew ah Gun - luanglai panin Egypt Luipi - dong hong cilkhia in khatkhatin hong khawm ding hi. 13 Tuateh tua ni ciangin pengkul lianpi khat a ging ding hi. Assyria a, a mangthangte le Egypt ah sala kikaite hong pai-in Jerusalem-a mual siangtho tungah TOPA a bia ding uh hi.
Currently Selected:
Isaiah 27: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission