Isaiah 26
26
Pahtawina La
1Tua ni ciangin Judah gamah hi la a kisa ding hi:
Khuapi muanhuai khat i nei hi;#Isa 14:32
Pasian in kulhte le a kanhte dingin
hotkhiatna a bawl hi.
2 A thumaan minamte -
upna a nei den minam lut nadingin
kongte hong un.#Isa 54:14; 58:8
3 Lungsim kippa in
nang hong muang ahi manin
lung nuamtakin kem ta in.
4 A tawntungin TOPA muangun,
ahang in TOPA, tua TOPA tawntung Suangpi ahi hi.#Pc 49:24
5 Amah in a sangna-a tengte niamkhiat a,
khuapi sangpi a khiasuk hi;
leidongin tamsak a,
dengkhamin leivui a suah hi.
6 A kinengniamte’ khete,
mizawngte khekhapte ahi -
khete in a tuancil ding hi.
7 A thumaante lampi tamkim a;
Thutang Pa aw, a thumaante lampi na nelsak hi.#Isa 42:16
8 Hihi, TOPA aw, na thukham b#26.8 Ahikeh thukhenna zui-a kalsuan dingin#Isa 56:1
nang kong ngak uh hi:#Ph 37:9
kote lungsim deihna in
a tawntunga nangma min phawkna ahi hi.#Isa 12:4
9 Zan ciangin nang kong ngaihsunsun a,
zingsang ciangin ka kha in nang hong ngai hi.#Ph 63:1; 78:34
Leitung ah na thukhenna hong tun ciangin
leitung mite in thumaan a thei pan uh hi.#Mt 6:33
10 A tatsiate tungah hehpihna a kilah hangin,
thumaan a thei thei kei uh hi;
thutanna gamah tatsia dingin a kuan laitakun
TOPA thupina a thusim tuan kei uh hi.#Isa 22:12-13
11 TOPA aw, na khut sangpi in na viktoh hangin
amaute in a mu kei uh hi.
Na mite adingin na deihluatna musak inla amaute maizumsak in;
na galte a kangtum dingin meikuangsa koih khol in.
12 TOPA aw, ko adingin lemna na kipsak zo hi;#Ph 119:165; Isa 9:6
ka sepzawhte khempeuh uh ko adingin nangma sepsa ahi hi.#Ph 68:28
13 TOPA kote Pasian aw, nang lo pasian dangte in hong uk uh hangin#Isa 2:8; 10:5,11
kote in nangma min bek ka pahtawi uh hi.#Isa 63:7
14 Tu-in amaute si uh a, a nungta nawn kei uh hi;#Tp 4:28
a paisa khate a tho nawn kei uh hi.
Amaute dan na thuaksak a, na siasak mang hi;
amaute kiciamtehna khempeuh na phiatmang hi.
15 Minam khat nong liansak hi, TOPA aw;
ko minam nong liansak hi.#Isa 14:2
Nangmah bek in minthanna na ngah hi;
gamgite khempeuh nangma sotsa ahi hi.
16 TOPA aw, amaute lungdongin nangmah hong zuan uh hi;#Hos 5:15
amaute na sek ciangin
thu ngenin a phun thei mialmial bek uh hi. c#26.16 Hebrew ah hih laigual kician lo hi.
17 Numei gai lai nausuak kuan
na sa-in kizia a, a kah bangin
kote zong nangma mai-ah kong kiko uh hi, TOPA aw.
18 Ko zong nau ka paii uh a, na sa-in ka kizia uh hi;
ahi hangin huih bek ka suakkhia uh hi.
Kote in leitungah hotkhiatna ka puak kei uh hi;
leitunga mite tungah bangmah ka semkhia kei uh hi.
19 Ahi hangin na misi te uh nungta dinga,#Isa 25:8
a pumpite uh a tho ding hi.
No leivui laka tengte aw,
khanglo unla nuamin kiko un.
Na daitui uh zingsang daitui tawh kibang hi;
leitung in a misite a hingkhia ding hi.#Eze 37:1-14; Da 12:2
20 Ka mite aw, pai un,
na inndei sunguah lut unla kong kikhaknelh un;#Pk 12:23
ama thangpaihna a bei matengin#Ph 30:5; Isa 54:7-8
tawlkhat sung bu phot un.#Ph 91:1,4
21 En un, leitung mite amau mawhna dan thuaksak dingin
a tenna pan TOPA hong paikhia hi.#Mic 1:3
Leitung in ama tunga sisan luannate sin lo dinga;
ama thahsate a selcip nawn kei ding hi.
Currently Selected:
Isaiah 26: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission