Daniel 1
1
Babylon a Daniel Kipattahna
1Judah kumpipa Jehoiakim kumpi a suah zawh a kum thumna kumin Babylon kumpipa Nebuchadnezzar va kuana Jerusalem a umcih hi. 2 Topa in tuapa khut sungah Judah kumpipa Jehoiakim le Pasian biakinnpi-a vante pawlkhat a pia hi. Amah in tuate Babylonia a#1.1 Hebrew ah Shinar a, a pasian biakinn ah tunin a pasian goukholna sungah a koih hi.#2Ku 24:13; Jer 46:2
3 Tua ciangin kumpipa in a zum sunga ulianpipa Ashpenaz kiangah kumpi innkuan sung pan le a nampite panin - 4 a khangmoi a pumpi ah poina a nei lo, a mel hoih a navak, na khempeuh a kiva, na a thei baih, kumpi inn sungah nasem dinga a cin Israel-te pawlkhat hong sawl in, ci-in thu a pia hi. Amah pen Babylon-te b#1.4 Ahikeh Chaldea-te pau le lai a hilh ding ahi hi. 5 Kumpipa in ama sabuai pan tuate nisim annek ding le zu dawn ding a pia hi. Amaute kum thum sung kipantah dinga tua khit ciangin kumpipa na sem ding uh hi.#2Ku 20:18; Est 2:9
6 Tuate lakah Judah-te pawlkhat: Daniel, Hananiah, Mishael le Azariah-te kihel uh hi. 7 Zum ukpipa in amaute minthak phuah a: Daniel min Belteshazzar; Hananiah min Shadrach; Mishael min Mashach, le Azariah min Abednego a phuak hi.#Eze 14:14; Da 2:26
8 Ahi hangin Daniel in kumpipa an le kumpipa zu-in a kithanghuaisak loh ding tum-a, zum ukpipa tungah tua banga amah le amah a kithanghuaisak loh nadingin phalna a ngen hi. 9 Tu-in Pasian in Daniel tungah angvanna le hehpihna laksaka, 10 ahi zongin ulianpa in Daniel kiangah, "Na c#1.10 Hebrew ah nang le nang adingin hih tangah a tam genna annek ding uh le na dawn ding uh hong sehsak ka topa kumpipa ka kihta hi. Bang hang hiam cih leh amah in note kum kikimpih khangmoi dangte sangin a gina lo zaw-in hong mu zenzen ding ahi hiam? Tua hileh kumpipa in note hangin ka lu hong tan ding hi," a ci hi.#Pc 39:21; Eze 4:13-14
11 Tua ciangin Daniel, Hananiah, Mashael le Azariah cing dinga zum ukpipa in a koihpa kiangah Daniel in, 12 "Nong hehpihna-in ko na nasemte ni sawm sung hong zia-et phot dih in: Ka nek ding uh anteh singgah le ka dawn ding uh tuisik longal hong pia kei in. 13 Tua ciangin kumpipa an ne tua khangnote tawh hong enkak inla na nasemte nong muhna tawh kizui-in hong bawl in," a ci hi. 14 Tua ciangin amah thukim a, ni sawm sung a zia-et phot hi.
15 Ni sawm a cin ciangin kumpipa an nete sangin cidamsuakzaw uh a, a ci a sa uh zong a hoihzaw hi. 16 Tua ciangin a cingpa in an limcite leh a dawn ding uh zute lakhia-in tuate tangin anteh-singgah bek a pia hi.#Pk 23:25
17 Hih khangno lite tungah Pasian in theihna le lai nam khempeuh theihtelna le laisiamna a guan hi. Tua banah Daniel in mangmuhna le mangnamte khempeuh a theitel thei hi.#Job 12:13
18 Kumpipa in amaute lah dinga a sehsa hun a cin ciangin zum ukpipa in amaute Nebuchadnezzar a lak hi. 19 Kumpipa in amaute hopih a, Daniel, Hananiah, Mishael le Azariah-te tawh a kibang kuamah a mu kei hi. Tua ahi ciangin amaute kumpipa nasemin a lut uh hi. 20 Pilna nam tuamtuam le a thudotnate ah kumpipa in a kumpi gam sung khempeuh-a mitphial siamte le aisan siamte zah sawmin a siam zawk lam uh a mu hi.#Pc 41:46
21 Tua hi-a, Kumpipa Cyrus kumpi a suah zawh a kum masapen dong tua lai-ah Daniel a om hi.#2Kh 36:22; Da 6:28
Currently Selected:
Daniel 1: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission