Daniel 2
2
Nebuchadnezzar’ Mang
1Nebuchadnezzar in kumpi a suah zawh a kum nihna kumin mang khat a man hi; a lungsim lauthawnga a ihmu thei kei hi. 2 Tua ciangin kumpipa in ama mangmat gen dingin mitphial siamte, aisan siamte, mibum-theite le aksi-en siamte a#2.2 Ahikeh Chaldea-te tg.4,5 le 10 ah zong a samsak hi. 3 Amaute a sungah tumin kumpipa mai-ah a din uh ciangin kumpipa in, "Hong patausak mang khat ka man hi, bang a cih nopna hiam ka thei nuam hi," b#2.3 Ahikeh khin zo a ci hi.
4 Tua ciangin aksi-en siamte in Aram pau in, c#2.4 Laibupi hih mun pan alian 7 dong Aram kamin kigelh hi. "Kumpipa aw, khansawt ta in! Na nasemte tungah na mang hong gen in, tua hileh a khiatna kong gen ding uh hi," a ci uh hi.#Ezr 4:7; Ne 2:3
5 Kumpipa in aksi-en siamte kiangah, "Kiptak a ka khensat thu hih ahi hi: Ka mang hong genin a khiatna nong gen theih kei uh leh kong atnen dinga na innte uh nin kholna ka suaksak ding hi. 6 Ahi hangin mang nong gen theih uh a, a khiatna nong gen theih uh leh kei tung panin letsong, pahtakman le pahtawina lianpi na ngah ding uh hi. Tua ahi ciangin ka mang hong gen unla hong khiatsak un," a ci hi.#Pc 41:32
7 Amaute in, "Kumpipa aw, na nasemte tungah na mang hong gen in, tua ciangin a khiatna kong gen ding uh hi," ci-in khatvei a dawng kik uh hi.
8 Tua ciangin kumpipa in, "Ka lungsim khentatnasa teng tel khin ka hi manin a hun sawt theihtheih nading a zong lel na hilam uh teltakin ka thei hi. 9 Mang nong gen theih kei uh leh na thuak ding uh dan khat bek a om hi. Lungsim kikhatin thukawng hekhek leng a ngaihsutna khel ding hi, ci-a a lamen na hi uh hi. Tua ahileh ka mang hong gen le uh cin a khiatna zong nong gen theih ding lam uh ka thei ding hi," ci-in a dawng hi.#Est 4:11; Isa 41:22-24
10 Aksi-en siamte in kumpipa kiangah, "Kumpipa dotna a hih thei leitungah khat beek a om kei ding hi! Bangzah in lianin thahat taleh kumpi khat beek in mitphial siamte, aisan theite le aksi-en siamte tungah tua bang dotna a dong ngei kei hi. 11 Kumpipa aw, nong thudot haksa lua mahmah hi. Pasiante longal kuamah in kumpipa tungah a pulaak thei kei ding hi, tua bang mi zong leitung mite lakah a teng kei hi," a ci uh hi.#Da 3:8; 4:7
12 Hih thu in kumpipa hehsak mahmah a, Babylon mipilte khempeuh thah dingin thu a pia hi. 13 Tua bangin mipil khempeuh thah nading thukip a om ciangin Daniel le a lawmte zong thah dingin mite kizongsak hi.#Da 3:13
14 Babylon a mipil khempeuh that dingin kumpi cingte ukpa Arioch a paikhiat ciangin Daniel in pilvangtak le kidawmtakin amah a hopih hi. 15 Amah in kumpipa ulianpa kiangah, "Bang dinga kumpipa in hizah a kinawh thukip suaksak hi ding hiam?" ci-in a dong hi. Tua ciangin Arioch in Daniel kiangah thupiang teng teltakin a hilh hi. 16 Tua tak ciangin kumpipa kiangah Daniel tuma mang khiatna a gen theih nadingin hun a ngen hi.#Jer 52:12,14
17 Tua ciangin Daniel a inn ah ciah a, a lawmte Hananiah, Mishael le Azariah-te kiangah thupiang teng a gen hi. 18 Amah in Babylon a mipil dangte tawh amah le a lawmte a kithahkhawm loh nadingin thuthuk tawh kisai-in van a Pasian tungah lainatna a nget dingun amaute a kun hi. 19 Zan laitakin Daniel in mangmu a tua thuthuk a kilaak hi. Tua ciangin Daniel in vana Pasian phat in:
20 "Pasian min a tawntungin kiphat den ta hen;
pilna le vangliatna ama aa ahi hi.
21 Amah in hun le khuahunte a khel hi;#Da 7:25
kumpite koiha zong a hemkhia hi.#Da 4:17
Amah in mipilte tungah pilna guana
theihsiamna neite tungah theihna a guan hi.#2Sa 14:17
22 Amah in thuthukpi-a a kisel nate laakkhia a;#Pc 40:8
khuamial sunga kikoihte thei-in,#Job 12:22
amah tawh khuavak a teng hi.
23 Ka pate Pasian aw, ka lungdamin nang kong phat hi.
Pilna le vangliatna nong pia khin a,#Da 1:17
nang kong dot uh kei tungah nong theisak zo hi.
Kumpipa mang kote nong theisak khin hi," a ci hi.#Eze 28:3
Daniel in Mangkhiatna Gen
24 Tua ciangin kumpipa in Babylon mipilte that dinga a sehpa Arioch kiangah, Daniel pai a, "Babylon mipilte that kei in. Kumpipa kiangah kei hong paipih in, a mang ka khiatsak ding hi," a ci hi.
25 Arioch in kumpipa kiangah Daniel paipih pah a, "Judah saltangte lak panin na mang khiatna a thei ding mi khat ka mu hi," a ci hi.
26 Kumpipa in (Belteshazzar zong a kici) Daniel kiangah, "Ka manga ka muh le a khiatna hong gen thei ding na hi hiam?" ci-in a dong hi.#Da 1:7
27 Daniel in, "Kumpipa in nong dot thuthuk a gen thei dingin mipil, aisan-siam, mitphial siam, khongkhai thei kuamah a om kei hi; 28 ahi hanign thuthukte a laakkhia vantungah Pasian khat a om hi. Amah in Kumpi Nebuchadnezzar tungah mailam huna thu piang ding hong lak khin hi. Na mang le lupna tungah na lup laitaka na lungsim sunga na mangmuhte hihte ahi hi:#Pc 41:8; Am 4:13
29 "Kumpipa aw, tua muna na lup laitakin mailam a piang ding thu na ngaihsun hi; thuthukte a lakkhiapa in a piang ding thu hong lak hi. 30 Kei midangte sanga ka pilzawk man hi loin nang kumpipa mahmah in hih thuthuk a khiatna na theih nading le na lungsim tawna hong paite na theihtel nadingin kei tungah hong kilaak ahi hi.#Pc 41:25; Isa 45:3
31 "Kumpipa aw, na en a, na mai-ah milim lianpi khat a ding hi - tua milim gol pha mahmah a tee daldal in kihtakhuai hi. 32 Milim lutang teng kham hi-a, a awm le a bante ngun hi-in a gilpi le a pheite sumngo hi-a, 33 a khete sik hi-in, a khepekte sik le buan ki-em ahi hi. 34 Na vil gige laitakin mihing khuta kikhuk lo suangtum khat hong tuksuk hi. Tua in sik le buan kihel milim khepek a khazan hi. 35 Tua ciangin tua sik, tua buan, tua sumngo, tua ngun le tua kham-te thakhatin kitamzan a, khuakhal lai-a ancilna-a ansi leng tawh kibang hi. Huih in mutmang a, amel-amang kimu nawn lo hi. Ahi hangin tua milim a dengkham suangtum mual lian mahmah khat suaka leitung buppi a dim hi.#Ph 1:4
36 "Na mang hih ahi hi, tu-in a khiatna kong gen ding uh hi. 37 Kumpipa aw, nang kumpite kumpipa na hi hi. Vantunga Pasian in nang tungah kumpi-gam, vangliatna, thahatna le minthanna hong pia khin hi; 38 na khut sungah mihing le leitung ganhing le huih lak vasate hong pia khin hi. Tuate a tenna peuhpeuh ah nangma uk a suaksak hi. Nang in tua kham lutang na hi hi.#Pc 40:12; Jer 27:6
39 "Nang nungah nang sanga a gina lo zaw kumpi-gam dang khat a khang ding hi. Tua zomah sumngo kumpi a thumna khang dinga leitung buppi a uk ding hi. 40 A nunungpenin, sik banga thakhauh a lina kumpi khat a khang ding hi - sik in na khempeuh sukhamin zansak zo hi. Tua hi-a sik in nate a suknen bangin tua pen in adang khempeuh sukhamin zansak ding hi. 41 A khepekte le a khemete khenkhat sik hi-in, khenkhat tungman ki-em-a na muh bang tektekin kumpi-gam kikhenkham ding hi; tua hi napi, tungman le sik kihel na muh bangin tua hun nangawnin sik khauhna zah pawlkhat mah a nei lai ding hi. 42 A khemete khenkhat sik hi-in khenkhat tungman ahi mah bangin kumpi-gam zong khenkhat khauhin khenkhat a nem ding hi. 43 Sik le tungman kihel khawm na muh bang tektekin mite kihelzau dinga kipawl thei loin sik le tungman mah a bang ding uh hi.
44 "Tua kumpite hun sungin vantunga Pasian in a kisusia zo lo ding, midangte zong a kiluahsak lo ding kumpi-gam khat a phut ding hi. Tua in tua huna kumpi-gamte khempeuh suzan dinga bei mangsak ding hi; ahi hanign tua gam a kip tawntung ding hi. 45 Hih in mihing khuta kisukha lo mualtung pana tuksuk suangtumpi khiatna hi a - tua suangtum pen sik, sumngo, tungman, ngun le kham a khazan pen ahi hi.#Pc 27:29; Isa 28:16
"Mai lama thupiang ding a lian Pasian in kumpipa tungah hong lak khin zo hi. Tua mang thumaan hi-a, a khiatna zong muantak hi," a ci hi.#Pc 41:25; Kil 22:6
46 Tua ciangin Daniel mai-ah Kumpipa Nebuchadnezzar a khup lamin bok a, ama pahtawi-in biak-piakna le gimnamtui-a biakna a piak dingin thu a pia hi. 47 Kumpipa in Daniel kiangah "Na Pasian, pasiante’ Pasian hitakpi-in kumpite’ Topa hi a, thuthuk a laakkhiapa ahi hi; ahang in, note in hih thuthuk nong laakkhia thei tazen uh hi," a ci hi.#Da 8:17
48 Tua ciangin kumpipa in Daniel zalianpi in koih a, letsong tampitakin pahtawi lai hi. Amah in Babylon gamkhen khempeuh uksak a, tua gam sunga mipil khempeuh ukpipa-in a koih hi. 49 Tuate banah Daniel ngetsakna hangin kumpipa in Shadrach, Meshach le Abednego-te Babylon gamkhente ukin a koih hi. Daniel ahileh kumpi zumah a om lai hi.
Currently Selected:
Daniel 2: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission
Daniel 2
2
Nebuchadnezzar’ Mang
1Nebuchadnezzar in kumpi a suah zawh a kum nihna kumin mang khat a man hi; a lungsim lauthawnga a ihmu thei kei hi. 2 Tua ciangin kumpipa in ama mangmat gen dingin mitphial siamte, aisan siamte, mibum-theite le aksi-en siamte a#2.2 Ahikeh Chaldea-te tg.4,5 le 10 ah zong a samsak hi. 3 Amaute a sungah tumin kumpipa mai-ah a din uh ciangin kumpipa in, "Hong patausak mang khat ka man hi, bang a cih nopna hiam ka thei nuam hi," b#2.3 Ahikeh khin zo a ci hi.
4 Tua ciangin aksi-en siamte in Aram pau in, c#2.4 Laibupi hih mun pan alian 7 dong Aram kamin kigelh hi. "Kumpipa aw, khansawt ta in! Na nasemte tungah na mang hong gen in, tua hileh a khiatna kong gen ding uh hi," a ci uh hi.#Ezr 4:7; Ne 2:3
5 Kumpipa in aksi-en siamte kiangah, "Kiptak a ka khensat thu hih ahi hi: Ka mang hong genin a khiatna nong gen theih kei uh leh kong atnen dinga na innte uh nin kholna ka suaksak ding hi. 6 Ahi hangin mang nong gen theih uh a, a khiatna nong gen theih uh leh kei tung panin letsong, pahtakman le pahtawina lianpi na ngah ding uh hi. Tua ahi ciangin ka mang hong gen unla hong khiatsak un," a ci hi.#Pc 41:32
7 Amaute in, "Kumpipa aw, na nasemte tungah na mang hong gen in, tua ciangin a khiatna kong gen ding uh hi," ci-in khatvei a dawng kik uh hi.
8 Tua ciangin kumpipa in, "Ka lungsim khentatnasa teng tel khin ka hi manin a hun sawt theihtheih nading a zong lel na hilam uh teltakin ka thei hi. 9 Mang nong gen theih kei uh leh na thuak ding uh dan khat bek a om hi. Lungsim kikhatin thukawng hekhek leng a ngaihsutna khel ding hi, ci-a a lamen na hi uh hi. Tua ahileh ka mang hong gen le uh cin a khiatna zong nong gen theih ding lam uh ka thei ding hi," ci-in a dawng hi.#Est 4:11; Isa 41:22-24
10 Aksi-en siamte in kumpipa kiangah, "Kumpipa dotna a hih thei leitungah khat beek a om kei ding hi! Bangzah in lianin thahat taleh kumpi khat beek in mitphial siamte, aisan theite le aksi-en siamte tungah tua bang dotna a dong ngei kei hi. 11 Kumpipa aw, nong thudot haksa lua mahmah hi. Pasiante longal kuamah in kumpipa tungah a pulaak thei kei ding hi, tua bang mi zong leitung mite lakah a teng kei hi," a ci uh hi.#Da 3:8; 4:7
12 Hih thu in kumpipa hehsak mahmah a, Babylon mipilte khempeuh thah dingin thu a pia hi. 13 Tua bangin mipil khempeuh thah nading thukip a om ciangin Daniel le a lawmte zong thah dingin mite kizongsak hi.#Da 3:13
14 Babylon a mipil khempeuh that dingin kumpi cingte ukpa Arioch a paikhiat ciangin Daniel in pilvangtak le kidawmtakin amah a hopih hi. 15 Amah in kumpipa ulianpa kiangah, "Bang dinga kumpipa in hizah a kinawh thukip suaksak hi ding hiam?" ci-in a dong hi. Tua ciangin Arioch in Daniel kiangah thupiang teng teltakin a hilh hi. 16 Tua tak ciangin kumpipa kiangah Daniel tuma mang khiatna a gen theih nadingin hun a ngen hi.#Jer 52:12,14
17 Tua ciangin Daniel a inn ah ciah a, a lawmte Hananiah, Mishael le Azariah-te kiangah thupiang teng a gen hi. 18 Amah in Babylon a mipil dangte tawh amah le a lawmte a kithahkhawm loh nadingin thuthuk tawh kisai-in van a Pasian tungah lainatna a nget dingun amaute a kun hi. 19 Zan laitakin Daniel in mangmu a tua thuthuk a kilaak hi. Tua ciangin Daniel in vana Pasian phat in:
20 "Pasian min a tawntungin kiphat den ta hen;
pilna le vangliatna ama aa ahi hi.
21 Amah in hun le khuahunte a khel hi;#Da 7:25
kumpite koiha zong a hemkhia hi.#Da 4:17
Amah in mipilte tungah pilna guana
theihsiamna neite tungah theihna a guan hi.#2Sa 14:17
22 Amah in thuthukpi-a a kisel nate laakkhia a;#Pc 40:8
khuamial sunga kikoihte thei-in,#Job 12:22
amah tawh khuavak a teng hi.
23 Ka pate Pasian aw, ka lungdamin nang kong phat hi.
Pilna le vangliatna nong pia khin a,#Da 1:17
nang kong dot uh kei tungah nong theisak zo hi.
Kumpipa mang kote nong theisak khin hi," a ci hi.#Eze 28:3
Daniel in Mangkhiatna Gen
24 Tua ciangin kumpipa in Babylon mipilte that dinga a sehpa Arioch kiangah, Daniel pai a, "Babylon mipilte that kei in. Kumpipa kiangah kei hong paipih in, a mang ka khiatsak ding hi," a ci hi.
25 Arioch in kumpipa kiangah Daniel paipih pah a, "Judah saltangte lak panin na mang khiatna a thei ding mi khat ka mu hi," a ci hi.
26 Kumpipa in (Belteshazzar zong a kici) Daniel kiangah, "Ka manga ka muh le a khiatna hong gen thei ding na hi hiam?" ci-in a dong hi.#Da 1:7
27 Daniel in, "Kumpipa in nong dot thuthuk a gen thei dingin mipil, aisan-siam, mitphial siam, khongkhai thei kuamah a om kei hi; 28 ahi hanign thuthukte a laakkhia vantungah Pasian khat a om hi. Amah in Kumpi Nebuchadnezzar tungah mailam huna thu piang ding hong lak khin hi. Na mang le lupna tungah na lup laitaka na lungsim sunga na mangmuhte hihte ahi hi:#Pc 41:8; Am 4:13
29 "Kumpipa aw, tua muna na lup laitakin mailam a piang ding thu na ngaihsun hi; thuthukte a lakkhiapa in a piang ding thu hong lak hi. 30 Kei midangte sanga ka pilzawk man hi loin nang kumpipa mahmah in hih thuthuk a khiatna na theih nading le na lungsim tawna hong paite na theihtel nadingin kei tungah hong kilaak ahi hi.#Pc 41:25; Isa 45:3
31 "Kumpipa aw, na en a, na mai-ah milim lianpi khat a ding hi - tua milim gol pha mahmah a tee daldal in kihtakhuai hi. 32 Milim lutang teng kham hi-a, a awm le a bante ngun hi-in a gilpi le a pheite sumngo hi-a, 33 a khete sik hi-in, a khepekte sik le buan ki-em ahi hi. 34 Na vil gige laitakin mihing khuta kikhuk lo suangtum khat hong tuksuk hi. Tua in sik le buan kihel milim khepek a khazan hi. 35 Tua ciangin tua sik, tua buan, tua sumngo, tua ngun le tua kham-te thakhatin kitamzan a, khuakhal lai-a ancilna-a ansi leng tawh kibang hi. Huih in mutmang a, amel-amang kimu nawn lo hi. Ahi hangin tua milim a dengkham suangtum mual lian mahmah khat suaka leitung buppi a dim hi.#Ph 1:4
36 "Na mang hih ahi hi, tu-in a khiatna kong gen ding uh hi. 37 Kumpipa aw, nang kumpite kumpipa na hi hi. Vantunga Pasian in nang tungah kumpi-gam, vangliatna, thahatna le minthanna hong pia khin hi; 38 na khut sungah mihing le leitung ganhing le huih lak vasate hong pia khin hi. Tuate a tenna peuhpeuh ah nangma uk a suaksak hi. Nang in tua kham lutang na hi hi.#Pc 40:12; Jer 27:6
39 "Nang nungah nang sanga a gina lo zaw kumpi-gam dang khat a khang ding hi. Tua zomah sumngo kumpi a thumna khang dinga leitung buppi a uk ding hi. 40 A nunungpenin, sik banga thakhauh a lina kumpi khat a khang ding hi - sik in na khempeuh sukhamin zansak zo hi. Tua hi-a sik in nate a suknen bangin tua pen in adang khempeuh sukhamin zansak ding hi. 41 A khepekte le a khemete khenkhat sik hi-in, khenkhat tungman ki-em-a na muh bang tektekin kumpi-gam kikhenkham ding hi; tua hi napi, tungman le sik kihel na muh bangin tua hun nangawnin sik khauhna zah pawlkhat mah a nei lai ding hi. 42 A khemete khenkhat sik hi-in khenkhat tungman ahi mah bangin kumpi-gam zong khenkhat khauhin khenkhat a nem ding hi. 43 Sik le tungman kihel khawm na muh bang tektekin mite kihelzau dinga kipawl thei loin sik le tungman mah a bang ding uh hi.
44 "Tua kumpite hun sungin vantunga Pasian in a kisusia zo lo ding, midangte zong a kiluahsak lo ding kumpi-gam khat a phut ding hi. Tua in tua huna kumpi-gamte khempeuh suzan dinga bei mangsak ding hi; ahi hanign tua gam a kip tawntung ding hi. 45 Hih in mihing khuta kisukha lo mualtung pana tuksuk suangtumpi khiatna hi a - tua suangtum pen sik, sumngo, tungman, ngun le kham a khazan pen ahi hi.#Pc 27:29; Isa 28:16
"Mai lama thupiang ding a lian Pasian in kumpipa tungah hong lak khin zo hi. Tua mang thumaan hi-a, a khiatna zong muantak hi," a ci hi.#Pc 41:25; Kil 22:6
46 Tua ciangin Daniel mai-ah Kumpipa Nebuchadnezzar a khup lamin bok a, ama pahtawi-in biak-piakna le gimnamtui-a biakna a piak dingin thu a pia hi. 47 Kumpipa in Daniel kiangah "Na Pasian, pasiante’ Pasian hitakpi-in kumpite’ Topa hi a, thuthuk a laakkhiapa ahi hi; ahang in, note in hih thuthuk nong laakkhia thei tazen uh hi," a ci hi.#Da 8:17
48 Tua ciangin kumpipa in Daniel zalianpi in koih a, letsong tampitakin pahtawi lai hi. Amah in Babylon gamkhen khempeuh uksak a, tua gam sunga mipil khempeuh ukpipa-in a koih hi. 49 Tuate banah Daniel ngetsakna hangin kumpipa in Shadrach, Meshach le Abednego-te Babylon gamkhente ukin a koih hi. Daniel ahileh kumpi zumah a om lai hi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission