Sekaria 5
5
Tɔn waa dɛ kile nyundua wepila
1Men Sekaria berɔ na tɔn waa dɛ kile nyundua wepila ta!
2Ate, Korowii nyundua torome la bɔɔ mɛ ŋɔ, “Bɔkwaa he na nɔ?”
N chaŋe ŋɔ, “N na tɔn waa lɔ nyundua. O jaŋne lɔ naɡale fifraatoro, asɛ o paɡri ɡe naɡale fi dɛ anue.”
3Anee o ŋɔ n be ŋɔ, “Ba chwerɛ nyotaahna waa do o ta aa kaa harɛ nɔ bwa ta. O baŋ bɛl dɛ baɡle kɛ nomɛlbwa waa ŋwɛ la, baa leo harɛ la taa, baŋ bɛl ɡe waa ɛɛ baɡle ŋɔ, nomɛlbwa waa teŋe nyosone dɛ ŋwɛɛ la, baa le o ɡee le harɛ la ta.” 4Koranar Bwa Kooro ŋɔ, “Mɛɛ tomɛ tɔn nyotaahna aa lɔ o ta laanee o kaa dem bɛlbwa baa dɛ ŋwɛ ta, ne dem bɛlbwa baa teŋe nyosone dɛɛ ŋwɛɛ n sɔn ta. Wɛɛ ka do dem la taa dɛ́ taɡɔ ɡo, dɛ́ kuuɡi o daa bwa kwaraa.”
Haah bɛl waa lɔ wɛɡrɛ bini wepila
5Ate, Korowii nyundua torome n ne waa dɛ bol waa la, balɔ dɛ ba ŋɔ n be ŋɔ, “Ha sie nyiŋi nyundua, dɛ́ na kon waa dɛ ba nɔ.”
6Asɛ n bɔɔ ŋɔ, “Bɔkwa konee yɔ?”
O chaŋe ŋɔ, “O ɛ wɛɡrɛ baa kpɔa dɛɛ maɡɛ kwa,” o berɛ ŋɔ, “o cheɡɔ tɛ harɛ nɔ ta bwa nɛra wechɔɡa.”
7Dɛ wɛɡrɛ la dɔ tɔ, kpana nee ba ɛo. N nao kɛŋɔ waa pila, asɛ haah bɛl so o bini. 8Korowii nyundua torome la ŋɔ, “Haah nɔ cheɡɔ tɛ nyubinikpeɡ.” Asɛ o berɛ taɡɔ do wɛɡrɛ la bini dɛ kwaa o tɔ la tɔ.
9Ate, n berɛ ha sie nyiŋi, dɛ na haahna banɛ baa dɔ kena kɛŋɔ nyeŋɡboŋ dɛ ir dɛɛ ba n be, dɛ ba kpɔ wɛɡrɛ la ir kaa nyundua.
10Ate, n bɔɔ Korowii nyundua torome la ŋɔ, “Leperaa haahna la kpɔ wɛɡrɛ la dɛɛ kaa lɔ?”
11O chaŋe ŋɔ, “Ba dɛ kaa o ne Babelɔn harɛ ta, dɛ́ ka ma dea dɛ́ kpɔ cheɡ o bini. Ba ma dea la tonaa, baa kpɔɔ cheɡ o bini dɛɛ tomɔ.”
Currently Selected:
Sekaria 5: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Sekaria 5
5
Tɔn waa dɛ kile nyundua wepila
1Men Sekaria berɔ na tɔn waa dɛ kile nyundua wepila ta!
2Ate, Korowii nyundua torome la bɔɔ mɛ ŋɔ, “Bɔkwaa he na nɔ?”
N chaŋe ŋɔ, “N na tɔn waa lɔ nyundua. O jaŋne lɔ naɡale fifraatoro, asɛ o paɡri ɡe naɡale fi dɛ anue.”
3Anee o ŋɔ n be ŋɔ, “Ba chwerɛ nyotaahna waa do o ta aa kaa harɛ nɔ bwa ta. O baŋ bɛl dɛ baɡle kɛ nomɛlbwa waa ŋwɛ la, baa leo harɛ la taa, baŋ bɛl ɡe waa ɛɛ baɡle ŋɔ, nomɛlbwa waa teŋe nyosone dɛ ŋwɛɛ la, baa le o ɡee le harɛ la ta.” 4Koranar Bwa Kooro ŋɔ, “Mɛɛ tomɛ tɔn nyotaahna aa lɔ o ta laanee o kaa dem bɛlbwa baa dɛ ŋwɛ ta, ne dem bɛlbwa baa teŋe nyosone dɛɛ ŋwɛɛ n sɔn ta. Wɛɛ ka do dem la taa dɛ́ taɡɔ ɡo, dɛ́ kuuɡi o daa bwa kwaraa.”
Haah bɛl waa lɔ wɛɡrɛ bini wepila
5Ate, Korowii nyundua torome n ne waa dɛ bol waa la, balɔ dɛ ba ŋɔ n be ŋɔ, “Ha sie nyiŋi nyundua, dɛ́ na kon waa dɛ ba nɔ.”
6Asɛ n bɔɔ ŋɔ, “Bɔkwa konee yɔ?”
O chaŋe ŋɔ, “O ɛ wɛɡrɛ baa kpɔa dɛɛ maɡɛ kwa,” o berɛ ŋɔ, “o cheɡɔ tɛ harɛ nɔ ta bwa nɛra wechɔɡa.”
7Dɛ wɛɡrɛ la dɔ tɔ, kpana nee ba ɛo. N nao kɛŋɔ waa pila, asɛ haah bɛl so o bini. 8Korowii nyundua torome la ŋɔ, “Haah nɔ cheɡɔ tɛ nyubinikpeɡ.” Asɛ o berɛ taɡɔ do wɛɡrɛ la bini dɛ kwaa o tɔ la tɔ.
9Ate, n berɛ ha sie nyiŋi, dɛ na haahna banɛ baa dɔ kena kɛŋɔ nyeŋɡboŋ dɛ ir dɛɛ ba n be, dɛ ba kpɔ wɛɡrɛ la ir kaa nyundua.
10Ate, n bɔɔ Korowii nyundua torome la ŋɔ, “Leperaa haahna la kpɔ wɛɡrɛ la dɛɛ kaa lɔ?”
11O chaŋe ŋɔ, “Ba dɛ kaa o ne Babelɔn harɛ ta, dɛ́ ka ma dea dɛ́ kpɔ cheɡ o bini. Ba ma dea la tonaa, baa kpɔɔ cheɡ o bini dɛɛ tomɔ.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.