Matiu Amanesoma tɔne anaarɛ la wa
Amanesoma tɔne anaarɛ la wa
Yeesu harɛ nɔ ta soɡa ka tel saŋ waa sewa la, nɛra banaarɛɛ chwerɛ o wa. A ɡɛ nɛra nɔɔ teŋa nɔ, Matiu ne Mak ne Luk dɛ Jɔn. Bɛlbwa chwerɛ Yeesu wa, ɡɛ bɛlbwa aa na o wa.
Amanesoma Matiu Aa Chwera Tɔn
Tɔn nɔ bini waa baɡla
Matiu dɛ nyin kɛŋɔ nɛra jemɛ kɛ Yeesuu Lɛɛ Korowii aa baɡɛ nyoa ŋɔ ó ba lɛ o nɛra la. O dɛ baɡle kɛ Korowii waa baa bola ŋɔ aa bao Korowii Ne Nɛwɛnyina Fɔobene Tɔn la bini la, a baa ɛ kpela ɡɛ saŋ Yeesu aa ba harɛ nɔ ta la. O dɛ bol Yeesu lola, ne o harɛ nɔ ta soɡa dɛ ɡɛ waa sewa dɛ berɛ ir seo ta la wa. O dɛ baɡle kɛŋɔ amanesoma la ta Juu tena ɡbo kon ɛɛ, harɛ nɔ ta nɛra bwa ɡe jao.
Matiu dɛ baɡle ŋwɛnɛre Yeesu aa kpɔ a ta dɛ chaɡle nɛra wa. Anee teŋa nɔ.
1. Korowii Waa Baɡla Bwejen la ta. Nyiŋi nyuune 5—7.
2. Habɔteŋra Fi Dɛ Banɛ La Waa Baɡla. Nyiŋi nyu 10.
3. Korowii Kora La Sɛɡla Wa. Nyiŋi nyu 13.
4. Yeesu Habɔteŋre Ɛɛ Webaɡla. Nyiŋi nyu 18.
5. Harɛ Nɔ Chɔɡa Webaɡla. Nyiŋi nyuune 24—25.
Currently Selected:
Matiu Amanesoma tɔne anaarɛ la wa: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.