Joël 3
3
Ek sal die volke straf
1Die Here sê:
“In daardie tyd sal Ek
dit weer goed laat gaan
in Juda en in Jerusalem.
2Ek sal al die volke
bymekaarmaak
en Ek sal hulle vat
na die Josafat-vallei.
Daar sal Ek die volke straf
oor wat hulle gedoen het
aan my volk,
die Israeliete wat aan My behoort.
Die volke het my volk weggevat
na ander lande
en hulle het my land
vir hulleself gevat.
3Hulle het my mense
slawe laat word,
hulle het lootjies getrek
om te kyk wie kry 'n slaaf.
Hulle het my seuns
en my dogters verkoop
om prostitute en wyn te kry.
4En julle, mense van Tirus en Sidon
en die hele Filistyne-land,
wat wil julle met My doen?
Wil julle My straf
omdat ander volke
slegte dinge aan julle gedoen het?
As julle My wil straf,
dan sal Ek nie wag
om julle te straf nie.
Ek sal julle straf
oor alles wat julle
verkeerd gedoen het.
5Julle het my silwer
en goud gevat,
julle het die mooiste goed
in my tempel
na julle tempels toe gevat.
6Julle het die mense
van Juda en Jerusalem
verkoop aan die Grieke,
ver weg van my mense se land.
7Nou sal Ek my mense
laat terugkom
van die plekke
waarnatoe hulle gegaan het
toe julle hulle verkoop het.
Ek sal julle straf oor alles
wat julle met my volk gedoen het.
8Ek sal julle seuns
en dogters verkoop
aan die mense van Juda,
en hulle sal julle seuns
en dogters verkoop
aan die mense van Skeba,
die volk wat ver van hier woon.”
Die Here het dit gesê.
Ek is julle God die Here
9Julle moet vir die volke skree
en sê:
“Julle moet gereedmaak
en julle moet gaan oorlog maak.
Roep die soldate,
al die soldate moet kom
en hulle moet gaan oorlog maak.
10Julle moet swaarde
en spiese maak
van die skerp ysters
waarmee julle ploeg
en bome se takke afsny.
'n Man wat nie sterk is nie,
moet ook sê:
‘Ek is 'n soldaat!’
11Die volke wat daar naby woon,
moet gou maak en bymekaarkom,
en die Here moet sy soldate bring.
12Die volke moet
na die Josafat-vallei kom,
want daar sal Ek die regter wees.
Ek sal die volke straf wat naby woon.
13Dit is nou die tyd om hulle te straf.
Die volke is soos koring wat ryp is.
Bring die sekel
en sny hulle af!
Trap die druiwe,
want die parskuip is vol,
dit loop oor.
Daar is baie slegte mense
vir wie Ek sal straf!
14Daar sal baie mense wees,
baie mense, op daardie plek
waar die Here die mense
sal oordeel.
Die dag van die Here is naby,
die dag wanneer Hy
die mense sal oordeel.
15Die son en die maan
sal donker word,
die sterre sal nie meer skyn nie.
16Die Here sal hard praat
uit Jerusalem,
so hard soos 'n leeu wat brul.
Die hemel en die aarde sal bewe,
maar die Here
sal sy volk beskerm.
Die Israeliete sal veilig wees
by Hom.
17Dan sal julle weet dat Ek,
die Here, op Sionsberg woon.
Ek is julle God die Here,
en Sion is my gewyde berg.
Jerusalem sal 'n gewyde stad wees.
Vyande sal nooit weer
deur die stad gaan nie.”
Dit sal goed gaan
18“In daardie tyd sal dit goed gaan,
daar sal baie wyn en melk wees,
dit sal teen die berge
en die heuwels afloop.
Daar sal water wees
in al die klein riviere in Juda,
en daar sal water kom
uit 'n fontein wat in die
tempel van die Here is.
Die water sal die Sittim-vallei
natmaak.
19Niemand sal in Egipte
kan woon nie.
Edom sal 'n woestyn word,
niks sal daar kan lewe nie,
want die mense
van Egipte en Edom
het wrede dinge gedoen
aan die mense van Juda,
hulle het die mense van Juda vermoor.
20Maar in Juda en Jerusalem
sal altyd mense woon.
21Ek sal die mense straf
wat Ek nog nie gestraf het nie.
Ek sal hulle straf,
want hulle het mense vermoor,
en Ek, die Here,
sal in Jerusalem woon.”
Currently Selected:
Joël 3: ABA
Highlight
Share
Copy
Want to have your highlights saved across all your devices? Sign up or sign in
© Bybelgenootskap van Suid-Afrika 2007. Gebruik met toestemming. Alle regte voorbehou.