2 A̱korontiyawa 6
6
1Nang zi̱ ngyet á̱kpa̱ndang ta̱m dundung ma̱ng A̱gwaza a̱ni, zi̱ naai nyin nyi yok san za̱nang shok A̱gwaza ji, a̱wot nyi bu kai ji ghwon nang a̱buk kyang a̱ni bah. 2Mat A̱gwaza hyia̱ nyia̱,
“N fa̱k nyin, da̱ a̱cha̱chaat jen ji myim a̱ni.
N si̱ mbeang nyin, di̱ mam ku yet si̱ san nyin a̱ni.”#6:2 Ish 49:8.
A̱tsak a̱lyiat, ma̱nini kya yet, “A̱cha̱chaat njen wu” a̱wot a̱fwun kya yet “mam á̱ na san nyin a̱ni.”
Bulut Maai yet A̱ta̱m Yesu mat Swuo A̱bung
3Zí̱ ni̱ swan tangka̱i swat nang zi̱ na ngyet a̱yin a̱fang tuk tak a̱ni bah. A̱wot á̱ mbyia̱ a̱tyu a̱ na tyia̱ nzi̱t a̱bun mi̱ ta̱m shei a̱lyiat A̱gwaza nzi̱t hu a̱ni bah. 4Mami kuzang ta̱m nang zi̱ nyia̱ a̱ni, zi̱ ni̱ tak nang zi̱ ngyet á̱tsatsak á̱niet nta̱m A̱gwaza bya. Zi̱ ni̱ gbang a̱lyia̱ mami swuo a̱bung, ma̱ng kan a̱lahyia̱, ma̱ng kuzang tangka̱i á̱ka̱tuk nkyang. 5Zi̱ ka̱n swuo tsot, á̱ si̱ nyim zi̱t mi̱ jaru, á̱kpa á̱niet si̱ mwai lyen ba̱ si̱ doot jhya̱ ma̱ng a̱nzi̱t, zi̱ si̱ nyia̱ ta̱m zi̱ si̱ tyak chet, zi̱ si̱ swuo a̱bung á̱tyetuk ma̱ a̱di̱di̱t di̱ mi̱n kai nda. A̱wot zi̱ swan di̱ mi̱n ya kyayak. 6Zi̱ ni̱ tak á̱pyia̱ nzi̱t kpa̱sai nang zi̱ mmaai yet á̱tsatsak a̱yaata̱m A̱gwaza a̱ni:
di̱ swan á̱za̱za̱rak swát,
di̱ fi̱k kuzang kyang,
di̱ nyap fwuo,
di̱ nyia̱ á̱niet shok,
di̱ shya̱ A̱za̱za̱rak Ntswa ma̱ a̱nzi̱t,
di̱ chat nyin ma̱ng a̱tsatsak chat
7di̱ shei a̱tsatsak a̱lyiat A̱gwaza wu tsotswat,
a̱wot di̱ si̱sak nang A̱gwaza ntyia̱ nzi̱t chet nggu hu a̱ni.
Zi̱ ni̱ nyia̱ nta̱m ma̱ng nkyang nzwang na̱ yet a̱tsotswat a̱ni; mi̱ mbwak yak di̱ tsa kwan zwang, a̱wot mi̱ bwak myian di̱ fwun á̱pyia̱ nzi̱t.
8Zi̱ ni̱ nyia̱ ta̱m A̱gwaza hu, ku á̱niet ba nwuak nzi̱t shi, ku ba̱ jhyuai nzi̱t, ku ba̱ chyin zi̱t, ku ba̱ nyia̱ zi̱t lihyat.
Zi̱ yet á̱niet a̱tsatsak a̱lyiat bya. A̱mgba̱m ma̱ng a̱nia, á̱niet ba yei nzi̱t á̱niet laai á̱niet.
9Á̱ ni̱ nwuan nzi̱t gbi̱t, á ngyei da̱ á̱ lyen zi̱t bah. A̱mgba̱m ma̱ng a̱nia, á̱ lyen zi̱t shansham ba̱t.
Zi̱ ni̱ shim a̱khwu, a̱wot zi̱ ni̱ swuan.
Á̱ ni̱ ya̱shuk zi̱t. A̱mgba̱m ma̱ng a̱nia, á̱ hyaai nzi̱t bah.
10A̱wot nfwuo nzi̱t na ni̱ byian. A̱mgba̱m ma̱ng a̱nia, zi̱ ni̱ shya̱ ma̱ng a̱gwai.
Zi̱ yet á̱kunak nia mi̱ swanta huni. A̱mgba̱m ma̱ng a̱nia, zi̱ ni̱ tyia̱ á̱niet ba̱ shya̱ a̱li̱ba̱rka á̱ neet da̱ a̱vwuo A̱gwaza a̱ni.
Zi̱ byia̱ kyang mi̱ swanta huni bah. A̱wot a̱mgba̱m ma̱ng a̱nia, zi̱ byia̱ kuzang kyang Ma A̱gwaza tswazwa.
11Nyin A̱korontiyawa, á̱kpa̱ndang nzi̱t ba nang zi̱ chat a̱ni, zi̱ ka̱n tak nyin a̱tsak a̱lyiat, a̱wot zi̱ ba̱ng nyin mi̱ fwuo bah. 12Da̱ a̱vwuo nzi̱t, zi̱ chat nyin ba̱t. A̱wot nyin bya, di̱ chat zi̱t bah. 13N tyei nyin gba̱gbak nang a̱tan a̱tyia̱ ni̱ ntyei mman nggu na̱ swan swat shansham a̱ni. Nyi yok ba̱ng zi̱t mi̱ nfwuo nyin na bah, ma̱nang zi̱ nnwai ba̱ng nyin mi̱ nfwuo nzi̱t na a̱ni.
Á̱niet Khwi yet Kidee A̱li Nwuat Za̱nang A̱gwaza Swuan
14Nyi yok mak mun á̱pyia̱ ma̱ng á̱niet ba̱ nwai nwuak a̱chuchuk da̱ A̱sham Nkhang Yesu ka a̱ni bah. Ka̱ doot, nyia̱ a̱tsotswat ku mun ma̱ng nyia̱ a̱ka̱tuk a? Á̱ na nyia̱ ni wa sai ku mun swat ma̱ng lyin? 15Ma a̱nia wa, Kristi byia̱ mun a̱pyia̱ ma̱ng A̱ta̱nyeang#6:15 Lyuut cha̱chaat: Ba̱liyal. a? Yihwa mun a̱tyu khwi Yesu ma̱ng a̱tyu nwai khwi Yesu? 16Yihwa mun A̱li Nwuat Za̱nang A̱gwaza ma̱ng tutu ghwughwu a̱gwaza sang swuan? Mat zi̱ bya yet A̱li Nwuat Za̱nang A̱gwaza ka. Ma̱nang A̱gwaza wu nhyia̱ a̱ni, nyia̱,
“Nung, A̱gwaza, n nyia̱
‘N na swan dundung ma̱ng a̱mba,
a̱wot n chong ma̱ a̱ka̱wa̱tyia̱ mba.
N na gyet A̱gwaza mba.
A̱wot mba meang,
ba̱ na yet á̱niet nung.’#6:16 Li̱v 26:12; Izi 37:27.
17Mat a̱nia, nung A̱gwaza, n si̱ bu nyia̱,
‘Nyi ghwut nyi ghwon á̱niet nwai khwi ba.
A̱wot nyi khap á̱pyia̱ nyin zan ma̱ng a̱mba.
Nyi yok byiam nkyang
na̱ na tyia̱ nyin a̱na̱ndyung a̱ni bah.
A̱wot nung meang,
n na san nyin mbwak feang.’#6:17 Ish 52:11; Izi 20:34.
18“A̱jawa nung, A̱gwaza n swak ma̱ng chet a̱ni, si̱ bu nyia̱,
‘Nung, n bu na ngyet A̱tyia̱ nyin.
A̱wot nyin nyi yet mman nung,
á̱sam ma̱ng á̱nap.’ ”#6:18 2Sa̱m 7:14.
Currently Selected:
2 A̱korontiyawa 6: TyapNT
Highlight
Share
Copy
Want to have your highlights saved across all your devices? Sign up or sign in
© 2015, The Nigeria Bible Translation Trust and Wycliffe Bible Translators, Inc. All rights reserved.
2 A̱korontiyawa 6
6
1Nang zi̱ ngyet á̱kpa̱ndang ta̱m dundung ma̱ng A̱gwaza a̱ni, zi̱ naai nyin nyi yok san za̱nang shok A̱gwaza ji, a̱wot nyi bu kai ji ghwon nang a̱buk kyang a̱ni bah. 2Mat A̱gwaza hyia̱ nyia̱,
“N fa̱k nyin, da̱ a̱cha̱chaat jen ji myim a̱ni.
N si̱ mbeang nyin, di̱ mam ku yet si̱ san nyin a̱ni.”#6:2 Ish 49:8.
A̱tsak a̱lyiat, ma̱nini kya yet, “A̱cha̱chaat njen wu” a̱wot a̱fwun kya yet “mam á̱ na san nyin a̱ni.”
Bulut Maai yet A̱ta̱m Yesu mat Swuo A̱bung
3Zí̱ ni̱ swan tangka̱i swat nang zi̱ na ngyet a̱yin a̱fang tuk tak a̱ni bah. A̱wot á̱ mbyia̱ a̱tyu a̱ na tyia̱ nzi̱t a̱bun mi̱ ta̱m shei a̱lyiat A̱gwaza nzi̱t hu a̱ni bah. 4Mami kuzang ta̱m nang zi̱ nyia̱ a̱ni, zi̱ ni̱ tak nang zi̱ ngyet á̱tsatsak á̱niet nta̱m A̱gwaza bya. Zi̱ ni̱ gbang a̱lyia̱ mami swuo a̱bung, ma̱ng kan a̱lahyia̱, ma̱ng kuzang tangka̱i á̱ka̱tuk nkyang. 5Zi̱ ka̱n swuo tsot, á̱ si̱ nyim zi̱t mi̱ jaru, á̱kpa á̱niet si̱ mwai lyen ba̱ si̱ doot jhya̱ ma̱ng a̱nzi̱t, zi̱ si̱ nyia̱ ta̱m zi̱ si̱ tyak chet, zi̱ si̱ swuo a̱bung á̱tyetuk ma̱ a̱di̱di̱t di̱ mi̱n kai nda. A̱wot zi̱ swan di̱ mi̱n ya kyayak. 6Zi̱ ni̱ tak á̱pyia̱ nzi̱t kpa̱sai nang zi̱ mmaai yet á̱tsatsak a̱yaata̱m A̱gwaza a̱ni:
di̱ swan á̱za̱za̱rak swát,
di̱ fi̱k kuzang kyang,
di̱ nyap fwuo,
di̱ nyia̱ á̱niet shok,
di̱ shya̱ A̱za̱za̱rak Ntswa ma̱ a̱nzi̱t,
di̱ chat nyin ma̱ng a̱tsatsak chat
7di̱ shei a̱tsatsak a̱lyiat A̱gwaza wu tsotswat,
a̱wot di̱ si̱sak nang A̱gwaza ntyia̱ nzi̱t chet nggu hu a̱ni.
Zi̱ ni̱ nyia̱ nta̱m ma̱ng nkyang nzwang na̱ yet a̱tsotswat a̱ni; mi̱ mbwak yak di̱ tsa kwan zwang, a̱wot mi̱ bwak myian di̱ fwun á̱pyia̱ nzi̱t.
8Zi̱ ni̱ nyia̱ ta̱m A̱gwaza hu, ku á̱niet ba nwuak nzi̱t shi, ku ba̱ jhyuai nzi̱t, ku ba̱ chyin zi̱t, ku ba̱ nyia̱ zi̱t lihyat.
Zi̱ yet á̱niet a̱tsatsak a̱lyiat bya. A̱mgba̱m ma̱ng a̱nia, á̱niet ba yei nzi̱t á̱niet laai á̱niet.
9Á̱ ni̱ nwuan nzi̱t gbi̱t, á ngyei da̱ á̱ lyen zi̱t bah. A̱mgba̱m ma̱ng a̱nia, á̱ lyen zi̱t shansham ba̱t.
Zi̱ ni̱ shim a̱khwu, a̱wot zi̱ ni̱ swuan.
Á̱ ni̱ ya̱shuk zi̱t. A̱mgba̱m ma̱ng a̱nia, á̱ hyaai nzi̱t bah.
10A̱wot nfwuo nzi̱t na ni̱ byian. A̱mgba̱m ma̱ng a̱nia, zi̱ ni̱ shya̱ ma̱ng a̱gwai.
Zi̱ yet á̱kunak nia mi̱ swanta huni. A̱mgba̱m ma̱ng a̱nia, zi̱ ni̱ tyia̱ á̱niet ba̱ shya̱ a̱li̱ba̱rka á̱ neet da̱ a̱vwuo A̱gwaza a̱ni.
Zi̱ byia̱ kyang mi̱ swanta huni bah. A̱wot a̱mgba̱m ma̱ng a̱nia, zi̱ byia̱ kuzang kyang Ma A̱gwaza tswazwa.
11Nyin A̱korontiyawa, á̱kpa̱ndang nzi̱t ba nang zi̱ chat a̱ni, zi̱ ka̱n tak nyin a̱tsak a̱lyiat, a̱wot zi̱ ba̱ng nyin mi̱ fwuo bah. 12Da̱ a̱vwuo nzi̱t, zi̱ chat nyin ba̱t. A̱wot nyin bya, di̱ chat zi̱t bah. 13N tyei nyin gba̱gbak nang a̱tan a̱tyia̱ ni̱ ntyei mman nggu na̱ swan swat shansham a̱ni. Nyi yok ba̱ng zi̱t mi̱ nfwuo nyin na bah, ma̱nang zi̱ nnwai ba̱ng nyin mi̱ nfwuo nzi̱t na a̱ni.
Á̱niet Khwi yet Kidee A̱li Nwuat Za̱nang A̱gwaza Swuan
14Nyi yok mak mun á̱pyia̱ ma̱ng á̱niet ba̱ nwai nwuak a̱chuchuk da̱ A̱sham Nkhang Yesu ka a̱ni bah. Ka̱ doot, nyia̱ a̱tsotswat ku mun ma̱ng nyia̱ a̱ka̱tuk a? Á̱ na nyia̱ ni wa sai ku mun swat ma̱ng lyin? 15Ma a̱nia wa, Kristi byia̱ mun a̱pyia̱ ma̱ng A̱ta̱nyeang#6:15 Lyuut cha̱chaat: Ba̱liyal. a? Yihwa mun a̱tyu khwi Yesu ma̱ng a̱tyu nwai khwi Yesu? 16Yihwa mun A̱li Nwuat Za̱nang A̱gwaza ma̱ng tutu ghwughwu a̱gwaza sang swuan? Mat zi̱ bya yet A̱li Nwuat Za̱nang A̱gwaza ka. Ma̱nang A̱gwaza wu nhyia̱ a̱ni, nyia̱,
“Nung, A̱gwaza, n nyia̱
‘N na swan dundung ma̱ng a̱mba,
a̱wot n chong ma̱ a̱ka̱wa̱tyia̱ mba.
N na gyet A̱gwaza mba.
A̱wot mba meang,
ba̱ na yet á̱niet nung.’#6:16 Li̱v 26:12; Izi 37:27.
17Mat a̱nia, nung A̱gwaza, n si̱ bu nyia̱,
‘Nyi ghwut nyi ghwon á̱niet nwai khwi ba.
A̱wot nyi khap á̱pyia̱ nyin zan ma̱ng a̱mba.
Nyi yok byiam nkyang
na̱ na tyia̱ nyin a̱na̱ndyung a̱ni bah.
A̱wot nung meang,
n na san nyin mbwak feang.’#6:17 Ish 52:11; Izi 20:34.
18“A̱jawa nung, A̱gwaza n swak ma̱ng chet a̱ni, si̱ bu nyia̱,
‘Nung, n bu na ngyet A̱tyia̱ nyin.
A̱wot nyin nyi yet mman nung,
á̱sam ma̱ng á̱nap.’ ”#6:18 2Sa̱m 7:14.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2015, The Nigeria Bible Translation Trust and Wycliffe Bible Translators, Inc. All rights reserved.