1 A̱korontiyawa 16
16
Tung A̱ka̱kurum Beang Á̱niet Khwi mi̱ Urusha̱lima
1Ma̱ninika, di̱ lyip nyin hu tazwa a̱lyiat tung a̱ka̱kurum nang á̱ na mbeang á̱niet khwi ba̱ shya̱ mi̱ Urusha̱lima a̱ni; ku yet a̱sham nyi khwi si̱sak ji nang n ku ntak ma̱ng susot á̱niet khwi ba̱ shya̱ mi̱ fam a̱byin Ga̱la̱tiya a̱ni. 2Kuzang mam Ladi mi̱ sati, konyan ma̱ nyin gu ni̱ nkwan a̱ ti̱n kyang a̱ sak mi̱ kurum nang gu shyat a̱ni cha̱chaat mi̱ chet gu. Nyi yok fwuong si̱ nang n bai nyi sii tung huu da̱ a̱ka̱nyiung bah. 3Ka̱ n ba̱ mbai, n na ndyuut wusika n chyin a̱yaata̱m nang nyi khai a̱ni, ba̱ nat ma̱ng a̱ka̱kurum na nang nyi tung a̱ni, mi̱ Urusha̱lima. 4A̱wot ka̱ á̱ li ku myim n nat, si̱ ba̱ nat ndung ma̱ng a̱nung.
A̱chyet Bulut ma̱ng Á̱kpa̱ndang Ta̱m Nggu ba
5Nung Bulut, n ni̱ ya nat fam a̱byin Ma̱kidoniya. Ka̱ n doot a̱ja, n na mbai n byiat nyin, mat n sak n kai ghwut Ma̱kidoniya. 6Shimba n dabeang da̱ a̱vwuo nyin, kalyem n tyak seam hu a̱ja, a̱wot nyi ba̱ tyei nung a̱ta̱lyen n nat a̱vwuo a̱ghyang. 7Mi̱ jen jini, n chat n byiat nyin di̱ a̱bada̱dei njen n sii du swak bah. Ka̱ A̱gwaza shim, n na nchat n bai n bwuo mam da̱ a̱vwuo nyin. 8A̱wot n ni̱ nshya̱ a̱ji ma̱ a̱keang A̱fisut, si̱ nang á̱ tat A̱yet Pentikot wu#16:8 Wa̱i a̱lyiat: A̱yet Pentikot wu. A̱yahudawa ba ni̱ song a̱yet Pentikot wu, ki̱ A̱yet ghwut mman Isi̱rela mi̱ khwo swak ma̱ng mmam swak nfwuon. Pentikot wu ku yet A̱yet A̱yahudawa nang á̱ lyuut mi̱ Li̱v 23:15-21, a̱wot á̱ bu ngyei A̱yet a̱ni, A̱yet Nsati mi̱ Fang 28:26.. 9Mat á̱ nwuak nung a̱gba̱ndang a̱wat di̱ nyia̱ á̱tsatsak nta̱m shei A̱lyiat A̱gwaza a̱ji, ku nang á̱niet ma̱ a̱di̱di̱t nyia̱ fi̱p ma̱ng a̱nung a̱ni.
10Ki̱ Timoti bai da̱ a̱vwuo nyin mi̱ Korinti, nyi yok tyia̱ gu fa̱k a̱wun di̱ nyia̱ ta̱m nggu hu bah. Mat a̱ nyia̱ ta̱m A̱gwaza hwa ma̱nang n nyia̱ a̱ni. 11Nyi yok shim a̱yin ma̱ nyin a̱ jhyuai nggu bah. Ku yet ta hwa, nyi beang ngguu ma̱ng kyang hu nang gu chat a̱ni. Nyi tyia̱ nggu a̱ta̱lyen shansham, di̱n jen gu na mbwuok a̱ bai da̱ a̱vwuo nung a̱ni. N tyia̱ fwuo a̱ na bai dundung ma̱ng á̱niet khwi á̱ghyang.
12Tazwa a̱na̱nyiuk nzi̱t wu A̱folot, n naai gu ba̱t gu bai a̱ byiat nyin dundung ma̱ng á̱kum á̱niet khwi ka. A̱wot a̱ kyiak mi̱ fwuo, a̱ na bai ma̱nini bah. A̱ na bai a̱ li nyin di̱n jen nang gu nshya̱ a̱wat a̱ni.
A̱ngaan A̱lyiat wu
13Nyi chok á̱pyia̱ nyin, nyi bu yong mi̱ chet mami nwuak fwuo nyin hu di̱ Yesu. Nyi gbang a̱lyia̱#16:13 Lyuut cha̱chaat: “Nyi yet á̱tyok.”. 14A̱wot ku yet ta hwa, nyi nyia̱ kuzang kyang mami chat á̱ghyang nyin.
15Ma̱ninika, nyin á̱niet khwi Yesu ba nang n chat a̱ni, nyi lyen á̱niet a̱mali Itifanat ba, bibya yet a̱son ka ba̱ ku san a̱lyiat A̱gwaza na mi̱ fam a̱byin A̱ka̱ya hu a̱ni. Ba̱ si̱ bu nwuak pyipyia̱ mba, ba̱ si̱ nyia̱ á̱niet khwi ba nta̱m. 16N naai nyin nyi khwi a̱lyiat ntangka̱i á̱niet nani, mbeang á̱ghyang á̱niet ba̱ nwuak pyipyia̱ mba di̱ nta̱m nang ba̱ nyia̱ a̱ni. 17N gwai ba̱t ma̱ng bai á̱niet Itifanat, Fa̱tunatut, ma̱ng A̱kaikut. Bibya ku beang nung, di̱n jen nang nyi ku nsaan, n si̱ ndyin beang nyin hu a̱ni. 18Ba̱ tyia̱ nung gba̱gbak ba̱t, ma̱nang ba̱ ku ntyei nyin ndyo a̱ni. Ntangka̱i á̱niet nani ba̱ nyia̱ ta̱m shansham a̱ni, ku myim á̱ tak ba a̱gwai.
Byat Ngaan Bulut
19A̱mgba̱m susot á̱niet khwi ba mi̱ fam a̱byin A̱siya hu byat nyin. A̱kila ma̱ng Biriskila, mbeang a̱mgba̱m sot á̱niet khwi ji ba̱ tung a̱mali mba ka a̱ni, byat nyin ba̱t mami a̱lyoot A̱tyoli Yesu. 20A̱mgba̱m á̱niet khwi ba mun á̱ byat nyin. Nyi vwuk, a̱wot nyi byat á̱ghyang mami chat ku yet si̱ á̱niet khwi a̱ni.
21 Nung Bulut, nung gwa n dyuut nyin byat huni ma̱ng bwak nung.
22Konyan wa da̱ a̱ chat A̱tyoli Yesu a̱ni bah, yok á̱ shyi ngguu. Yok A̱tyoli nzi̱t wu, a̱ bai!#16:22 Lyuut ghyang mbyia̱: “A̱tyoli Yesu ka̱n bai!” 23Yok A̱tyoli Yesu a̱ fa̱k shok nyin. 24N chat nyin a̱mgba̱m nyi yet á̱niet khwi Yesu Kristi a̱ni. [[Samba̱rka!]]#16:24 Lyuut ghyang mbyia̱ “Samba̱rka!” bah.
Currently Selected:
1 A̱korontiyawa 16: TyapNT
Highlight
Share
Copy
Want to have your highlights saved across all your devices? Sign up or sign in
© 2015, The Nigeria Bible Translation Trust and Wycliffe Bible Translators, Inc. All rights reserved.
1 A̱korontiyawa 16
16
Tung A̱ka̱kurum Beang Á̱niet Khwi mi̱ Urusha̱lima
1Ma̱ninika, di̱ lyip nyin hu tazwa a̱lyiat tung a̱ka̱kurum nang á̱ na mbeang á̱niet khwi ba̱ shya̱ mi̱ Urusha̱lima a̱ni; ku yet a̱sham nyi khwi si̱sak ji nang n ku ntak ma̱ng susot á̱niet khwi ba̱ shya̱ mi̱ fam a̱byin Ga̱la̱tiya a̱ni. 2Kuzang mam Ladi mi̱ sati, konyan ma̱ nyin gu ni̱ nkwan a̱ ti̱n kyang a̱ sak mi̱ kurum nang gu shyat a̱ni cha̱chaat mi̱ chet gu. Nyi yok fwuong si̱ nang n bai nyi sii tung huu da̱ a̱ka̱nyiung bah. 3Ka̱ n ba̱ mbai, n na ndyuut wusika n chyin a̱yaata̱m nang nyi khai a̱ni, ba̱ nat ma̱ng a̱ka̱kurum na nang nyi tung a̱ni, mi̱ Urusha̱lima. 4A̱wot ka̱ á̱ li ku myim n nat, si̱ ba̱ nat ndung ma̱ng a̱nung.
A̱chyet Bulut ma̱ng Á̱kpa̱ndang Ta̱m Nggu ba
5Nung Bulut, n ni̱ ya nat fam a̱byin Ma̱kidoniya. Ka̱ n doot a̱ja, n na mbai n byiat nyin, mat n sak n kai ghwut Ma̱kidoniya. 6Shimba n dabeang da̱ a̱vwuo nyin, kalyem n tyak seam hu a̱ja, a̱wot nyi ba̱ tyei nung a̱ta̱lyen n nat a̱vwuo a̱ghyang. 7Mi̱ jen jini, n chat n byiat nyin di̱ a̱bada̱dei njen n sii du swak bah. Ka̱ A̱gwaza shim, n na nchat n bai n bwuo mam da̱ a̱vwuo nyin. 8A̱wot n ni̱ nshya̱ a̱ji ma̱ a̱keang A̱fisut, si̱ nang á̱ tat A̱yet Pentikot wu#16:8 Wa̱i a̱lyiat: A̱yet Pentikot wu. A̱yahudawa ba ni̱ song a̱yet Pentikot wu, ki̱ A̱yet ghwut mman Isi̱rela mi̱ khwo swak ma̱ng mmam swak nfwuon. Pentikot wu ku yet A̱yet A̱yahudawa nang á̱ lyuut mi̱ Li̱v 23:15-21, a̱wot á̱ bu ngyei A̱yet a̱ni, A̱yet Nsati mi̱ Fang 28:26.. 9Mat á̱ nwuak nung a̱gba̱ndang a̱wat di̱ nyia̱ á̱tsatsak nta̱m shei A̱lyiat A̱gwaza a̱ji, ku nang á̱niet ma̱ a̱di̱di̱t nyia̱ fi̱p ma̱ng a̱nung a̱ni.
10Ki̱ Timoti bai da̱ a̱vwuo nyin mi̱ Korinti, nyi yok tyia̱ gu fa̱k a̱wun di̱ nyia̱ ta̱m nggu hu bah. Mat a̱ nyia̱ ta̱m A̱gwaza hwa ma̱nang n nyia̱ a̱ni. 11Nyi yok shim a̱yin ma̱ nyin a̱ jhyuai nggu bah. Ku yet ta hwa, nyi beang ngguu ma̱ng kyang hu nang gu chat a̱ni. Nyi tyia̱ nggu a̱ta̱lyen shansham, di̱n jen gu na mbwuok a̱ bai da̱ a̱vwuo nung a̱ni. N tyia̱ fwuo a̱ na bai dundung ma̱ng á̱niet khwi á̱ghyang.
12Tazwa a̱na̱nyiuk nzi̱t wu A̱folot, n naai gu ba̱t gu bai a̱ byiat nyin dundung ma̱ng á̱kum á̱niet khwi ka. A̱wot a̱ kyiak mi̱ fwuo, a̱ na bai ma̱nini bah. A̱ na bai a̱ li nyin di̱n jen nang gu nshya̱ a̱wat a̱ni.
A̱ngaan A̱lyiat wu
13Nyi chok á̱pyia̱ nyin, nyi bu yong mi̱ chet mami nwuak fwuo nyin hu di̱ Yesu. Nyi gbang a̱lyia̱#16:13 Lyuut cha̱chaat: “Nyi yet á̱tyok.”. 14A̱wot ku yet ta hwa, nyi nyia̱ kuzang kyang mami chat á̱ghyang nyin.
15Ma̱ninika, nyin á̱niet khwi Yesu ba nang n chat a̱ni, nyi lyen á̱niet a̱mali Itifanat ba, bibya yet a̱son ka ba̱ ku san a̱lyiat A̱gwaza na mi̱ fam a̱byin A̱ka̱ya hu a̱ni. Ba̱ si̱ bu nwuak pyipyia̱ mba, ba̱ si̱ nyia̱ á̱niet khwi ba nta̱m. 16N naai nyin nyi khwi a̱lyiat ntangka̱i á̱niet nani, mbeang á̱ghyang á̱niet ba̱ nwuak pyipyia̱ mba di̱ nta̱m nang ba̱ nyia̱ a̱ni. 17N gwai ba̱t ma̱ng bai á̱niet Itifanat, Fa̱tunatut, ma̱ng A̱kaikut. Bibya ku beang nung, di̱n jen nang nyi ku nsaan, n si̱ ndyin beang nyin hu a̱ni. 18Ba̱ tyia̱ nung gba̱gbak ba̱t, ma̱nang ba̱ ku ntyei nyin ndyo a̱ni. Ntangka̱i á̱niet nani ba̱ nyia̱ ta̱m shansham a̱ni, ku myim á̱ tak ba a̱gwai.
Byat Ngaan Bulut
19A̱mgba̱m susot á̱niet khwi ba mi̱ fam a̱byin A̱siya hu byat nyin. A̱kila ma̱ng Biriskila, mbeang a̱mgba̱m sot á̱niet khwi ji ba̱ tung a̱mali mba ka a̱ni, byat nyin ba̱t mami a̱lyoot A̱tyoli Yesu. 20A̱mgba̱m á̱niet khwi ba mun á̱ byat nyin. Nyi vwuk, a̱wot nyi byat á̱ghyang mami chat ku yet si̱ á̱niet khwi a̱ni.
21 Nung Bulut, nung gwa n dyuut nyin byat huni ma̱ng bwak nung.
22Konyan wa da̱ a̱ chat A̱tyoli Yesu a̱ni bah, yok á̱ shyi ngguu. Yok A̱tyoli nzi̱t wu, a̱ bai!#16:22 Lyuut ghyang mbyia̱: “A̱tyoli Yesu ka̱n bai!” 23Yok A̱tyoli Yesu a̱ fa̱k shok nyin. 24N chat nyin a̱mgba̱m nyi yet á̱niet khwi Yesu Kristi a̱ni. [[Samba̱rka!]]#16:24 Lyuut ghyang mbyia̱ “Samba̱rka!” bah.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2015, The Nigeria Bible Translation Trust and Wycliffe Bible Translators, Inc. All rights reserved.