Mákò 12
12
Yèésù mú àtsìtsɛ́ yíyàábàɖí kã̀ŋa kpòwe
(Màtéwò 21:33-46; Lúkà 20:9-19)
1Tsí Yèésù tɔ́ wà kpòwe, tsí wà ń wíìnyɛ̀ fú ŋa ró. Tsí ó ní: Olóko-kã̀ wà, tsí ó tsoko-egi-ɔtí† si, tsí ma oɖi wérí‐ɛ̀ kpó, tsí tɔ́tse ìɖì-kã̀ si, tsí ká wà gú síso-egi ŋa#á bɛ̀, tsí wà ń tse ɔtí. Tsí ó malé gíga-kã̀ gbo fú ɛnɛ yèé ŋa nákó wà ɖe oko#ɛ́. Tsí ó mú oko#ɛ́, tsí ń fú àtsìtsɛ́ kã̀ŋa, ní ká wà tseé, tsí wà fú òŋu nákpálà tòŋu wá, tsí òŋu ká‐ɛ̀ ǹɖe, tsí lɔ nɔ́ɔ̀nà ńǹɖì dzídzɛ̃̀-kã̀.
2Kíbí ɔɖɔ̃́ ɖɔ̃#ɛ́, ó bɛ arú‐ɛ̀-kã̀ wá fú àtsìtsɛ́ ŋa#á ní ká gba akpálà tòŋu wá fú òŋu. 3Tsí kíbí arú#ɛ́ káà tó#ɛ́, àtsìtsɛ́ ŋa#á múu, tsí kpaá, tsí lée lɔ nɔ́wɔ́ nákpo. 4Tsí olóko#ɛ́ sɛ̃̀ bɛ arú‐ɛ̀-kã̀ wá ró. Tsí à kpa òŋu néwo, tsí búu máa. 5Tsí ó tɔ́ bɛ ɛnɛ-ɛ̀kɛ́ɛta wá ró. Ɛnɛ yèé bɛ́ òŋu#ɛ́, à kpaá nóòkú. Bɛ́ɛ̀ ní ó bɛ arú kpíkpɔ̀ wá fú ŋa#á. Tsí à náa kpa ŋá títí ɔ̀kã̀ ŋa náa kú#ɛ́.
6Báàyí#ɛ́, ɔ̀nyà ɔ̀kã̀ntso gé ni bɔ fú olóko#ɛ́, tsí kó bɛ̀ lɔ fú ŋa#á. Ɛnɛ nyɛ̀ŋɛ̀ ní dzɛ́ ɔma bíbí‐ɛ̀, àrínódzú‐ɛ̀#ɛ́. Tsí ó bɛ̀ɛ́ wáa lɔ fú ŋa, tsí wà fɔ̀ ní: À nákó nɛ́ àrísá fú ɔma-òŋu òŋu. 7Ó ɖi, kíbí ɔma-olóko#ɛ́ tó, tsí à ríi#ɛ́, à wà wí fú ara-ŋa ní: Ɛ̀hɛ̃́ɛ̃̀ɛ̃̀, ɔma-olóko#ɛ́ gìɖì ní. Òŋu ní bàkó wáa dzogú-oko#ɛ́. Ó ɖi, àŋa kó kpaá nóòkú gbòkã́, tsí oko#ɛ́ kó kí fú àŋa. 8Tsí à ǹɖe gé, tsí káà múu, tsí kpaá, tsí wɔ́ òkú‐ɛ̀ fùɖá nóko-egi-ɔtí#ɛ́.
9Tsí Yèésù ní: Báàyí fee, à ma bí olóko-egi-ɔtí#ɛ́ nákó tse fáà#áà? Nákó wáa mú àtsìtsɛ́ ŋa#á, tsí kpa ŋá nóòkú kpó, tsí nákó mú oko-egi-ɔtí#ɛ́, tsí ń bɔwɔ́-olòmírɛ̃̀ ŋa.
10Nàmí à kò kã afɔ̀ yèé bɛ́ ńǸwé-Ɔ̀ɖáyé† niì? Afɔ̀#ɛ́ fɔ̀ ní:
“Òkúta yèé amalé ŋa kɛ́ taánù#ɛ́,
òŋu ní wáa kpã́dzú lárè, tsí gbé négo-ilé#ɛ́,
àtsùgbée ilé#ɛ́ kó máa ɖíwó#ɛ́.
11Ɔlɔ́dzɔ́ ní tse iŋɛ́ nyɛ̀ŋɛ̀#ɛ́, tsí ó tse àbáàrí fú wa héŋú.”#12:11 Ìwé-Orĩ ŋa 118:22-23 (Psaumes 118:22-23)
12Kíbí Yèésù fɔ̀ bɛ́ɛ̀ tã́#á, onùgbó-ɔma-Ìyúɖà† ŋa wo ní àŋa kó múu. Iŋɛ́ yèé tse#ɛ́, à mà rere ní àŋa ní ó kpòwe nyɛ̀ŋɛ̀ fú#ɛ́. Ó ɖi, à sì wà sá fú èrò#ɛ́, tsí à kɔ̀ɔ́ dzɔ̀ɔ́, tsí ǹɖe lɔ.
À wà mú afɔ̀-owó-lómbà sísã, tsí wà ń sɔ ɔ̀kpákù fú Yèésù
(Màtéwò 22:15-22; Lúkà 20:20-26)
13Náànyì-bɛ́ɛ̀, à tsã ɔma-ɛgbɛ́-Fàrísì† kã̀ŋa òŋu ɔma-ɛgbɛ́-Èróɖì† kã̀ŋa, tsí bɛ̀ ŋá wá fú Yèésù ní ká wáa bèrèé náfɔ̀, tsí ń sɔ ɔ̀kpákù múu. 14Tsí à wá, tsí wà fɔ̀ fúu ní: Akɔ́nɛ, àŋa mà ní náa fɔ òtítɔ́, tsí kà rí odzú-nɛ gbo sá. Tsí ɔ̀nyà-kã̀ kpókpó gbo kà nyáa kpa omi si nódzú fúu. Ó ɖi, kíbí ká tse fáà gbo, tsí dzɔdzú-Ɔ̀ɖáyé#ɛ́, náa wà ɖíreé fúnɛ òŋu òtítɔ́. Báàyí fee, ɛkpa-Ɔ̀ɖáyé† wà fú ɔ̀nà ní ká sã owó-lómbà fú ɔ̀gã́-ìdzɔba ńlɛ̀-Rómà† nàmí kò fú ɔ̀nà bɛ́ɛ̀? Àŋa kó sãã́ã̀ nàmí àŋa kó máa sãã́?
15Ó ɖi, Yèésù òŋu ti mà ní à wà ɖɔ̃ arũ fú òŋu ni. Tsí ó wà bèrè ŋá ní: Kí tse tsí à wà sɔ ɔ̀kpákù fú òŋu ná? Ó ɖi, ká kɛ́ owó-ɛyɔ-kã̀ wá káyí!
16Tsí à kɛ́ɛ fúu. Tsí Yèésù wà bèrè ŋá ní: Éwo-nɛ̀ɛ́ à yɔ, tsí kɔ ɛ́kɔ‐ɛ̀ gbo si ńǹtá-owó#ɛ́ ná?
Tsí à dzɔ́ŋù fúu ní: Ti ɔ̀gã́-ìdzɔba ni. 17Tsí Yèésù fɔ̀ fú ŋa ní: Ká kɛ́ iŋɛ́ yèé dzɛ́ ti ɔ̀gã́-ìdzɔba#á, tsí ń fú ɔ̀gã́-ìdzɔba, tsí yèé dzɛ́ ti Ɔ̀ɖáyé#ɛ́, ká ń fú Ɔ̀ɖáyé.
Kíbí ó dzɔ́ŋù fú ŋa bɛ́ɛ̀#ɛ́, à kí dzã̀maa.
À wà mú afɔ̀-òkú ŋa kó sɛ̃̀ dzí wá náyé, tsí wà ń sɔ ɔ̀kpákù fú Yèésù
(Màtéwò 22:23-33; Lúkà 20:27-40)
18Ńbɛ̀ɛ́, ɛgbɛ́-kã̀ gbo wà, tsí à náa kpèé ní ɛgbɛ́-Sàɖùké† ŋa. Ɔma-ɛgbɛ́ ŋa#á ní náa wà fɔ̀ ní òkú ŋa kàkó sɛ̃̀ dzí wá náyé ró#ɛ́. Tsí ɔ̀nyà kã̀ŋa náàŋírĩ-ŋa ǹɖe, tsí wá ńɖi-Yèésù, tsí wà bèrèé ní:
19Akɔ́nɛ! Ó ɖi, Mɔ̀ɔ́sè† kɔ ɛkpa-Ɔ̀ɖáyé† si fú àŋa ní: Bí ɔ̀nyà-kã̀ wà, tsí aya‐ɛ̀ kò bíma fúu tã́ná ó kú kɔ aya#á dzɔ̀ɔ́, bí ɛnɛ nyɛ̀ŋɛ̀ nɛ́ ìnàbí, ó wà ní ìnàbí‐ɛ̀-kã̀ kó tsókpó-aya#á, tsí kó bíma fúu. Ńbɛ̀ɛ́, ɔma#á nákó dzɛ́ ti òkú#ɛ́.#12:19 È káà kã Ìwé-Ìkpìnkpìlɛ̀-ayé 38:8, Ìwé-Àkóro 25:5-6 (Genèse 38:8, Deutéronome 25:5-6). 20Báàyí#ɛ́, ká fɔ̀ ní ìnàbí méedze kã̀ŋa wà, tsí ɛnɛ-onùgbó#ɛ́ náya, tsí kú náàrì kparɔ ara‐ɛ̀ si ńlɛ̀. 21Tsí ɔmàná‐ɛ̀ yèé à ń tɛ̀ɛ́#ɛ́ ǹɖe, tsí tsókpó-aya#á. Tsí òŋu gbo wáa kú kɔ aya#á dzɔ̀ɔ́ náàrì bíma. Ɛnɛ-ɛ̀kɛ́ɛta gbo bɛ́ɛ̀. 22Tsí àŋa méedze#ɛ́ kpó náya#á, tsí kú kɔ̀ɔ́ dzɔ̀ɔ́ náàrì kparɔ ara-ŋa si ńlɛ̀. Náànyì-bɛ́ɛ̀#ɛ́, ɔnɔbɛ̃̀ɛ̃#ɛ́ gbo wáa kú. 23Báàyí fee, nɔ́dzɔ́ yèé òkú ŋa nákó sɛ̃̀ dzí wá náyé#ɛ́, bí àŋa kpó, à sɛ̃̀ dzí wá fee, ti nɛ̀ɛ́ aya#á nákó dzɛ́ náàŋírĩ-ŋa, kíbí ó dzɛ́ ní àŋa méedze#ɛ́ kpó, à náya#á wòrí#ɛ́?
24Tsí Yèésù wà wí fú ŋa ní: À nɔ̀! Iŋɛ́ yèé tse#ɛ́, à kò ma ikpá-Ɔ̀ɖáyé, tsí à kò gbɔ́ òkpì-Ìwé-Ɔ̀ɖáyé† gbo. 25Ó ɖi fee, ńǹwèrè yèé òkú ŋa nákó sɛ̃̀ dzí wá náyé#ɛ́, afɔ̀-ká náya òŋu ká nɔ́kɔ kàkó tsɛdzɔ́-ŋa ró. À nákó gbé kíbí adzítsɛ́-ɔ̀rɔ̃† ŋa náa gbé gbà#á ni.
26Ó ɖi, ti nára-afɔ̀-òkú ŋa kó sɛ̃̀ dzí wá náyé#ɛ́ fee, à kò kã ìwé-Mɔ̀ɔ́sè niì? Ńnɔ́-ìwé#ɛ́, ńbí à kɔ si ní Ɔ̀ɖáyé mú ara‐ɛ̀ ŋa Mɔ̀ɔ́sè ńsùyɛ̀-kã̀ yèé wà gbã̀ bìlàbìlà#á, à kɔ si bɛ̀ ró ní Ɔ̀ɖáyé wí fúu ní: “Èmi ní dzɛ́ Ɔ̀ɖáyé-Àbàràhámì†, tsí dzɛ́ Ɔ̀ɖáyé-Ìsákà† gbo, tsí dzɛ́ Ɔ̀ɖáyé-Yàkúbù† gbo#ɛ́.”#12:26 Ìwé-Fúfùɖá ŋa 3:2, 3:6, 15-16 (Exode 3:2, 3:6, 15-16)
27Tsí Yèésù fɔ̀ máa ní: Ɔ̀ɖáyé kò dzɛ́ Ɔ̀ɖáyé-òkú ŋa. Ɔ̀ɖáyé-ɔ̀nyà-àwáàyɛ̀ ŋa ní ó dzɛ́#ɛ́. Ó ɖi, à nɔ̀ gìɖì héŋú.
Ɛkpa yèésí kpã́dzú lárè náàŋírĩ-ɛkpa-Ɔ̀ɖáyé ŋa?
(Màtéwò 22:34-40; Lúkà 10:25-28)
28Ńǹwèrè nyɛ̀ŋɛ̀#ɛ́, akɔ́nɛ nɛ́kpa-Ɔ̀ɖáyé†-kã̀ gbo wà bɛ̀, tsí ó gbɔ́ kíbí Yèésù òŋu ɔma-ɛgbɛ́-Sàɖùké† ŋa#á wíìnyɛ̀#ɛ́ gbà#á, tsí ó rí ní Yèésù dzɔ́ŋù fú ŋa rere. Ńbɛ̀ɛ́, òŋu gbo sɔ́má‐ɛ̀, tsí wà bèrèé ní: Náàŋírĩ-ɛkpa yèé ŋa kpó Ɔ̀ɖáyé ɖá fú àŋa#á fee, náàŋírĩ-ŋa, yèésí kpeéwo fú ŋa?
29Tsí Yèésù ní: Ɛkpa yèé kpeéwo fú ŋa#á ní dzɛ́ ní: “Ɔma-Ìsàràyɛ́lì† ŋa, è rɛ̃tígbè! Ɔ̀ɖáyé Ɔlɔ́dzɔ́ ní dzɛ́ Ɔlá-wa#á. Òŋu níìkã̀ntso gé ní wà#á. 30Nà nɛ́ àmúɖɔ̃̀ fú Ɔlɔ́dzɔ́ Ɔ̀ɖáyé-ɛ̀ɛ inɔ́ tã̀ã́, ànyì tã̀ã́, nà nɛ́ àmúɖɔ̃̀ fúu títí àmúɖɔ̃̀#ɛ́ kó lara-ɛ̀ɛ wɔ̀ dzálɛ̀, nà nɛ́ àmúɖɔ̃̀ fúu ńǹsérè-ɛ̀ɛ gbo kpó, tsí nà nɛ́ àmúɖɔ̃̀ fúu náàmí-ɛ̀ɛ gbo kpó.”#12:30 Ìwé-Àkóro 6:4-5 (Deutéronome 6:4-5) 31Tsí ɛkpa èkéèdzì‐ɛ̀ gbo ní dzɛ́ ní: “Nà nɛ́ àmúɖɔ̃̀ fú enìkéèdzì-ɛ̀ɛ kíbí nà nɛ́ fú ara-ɛ̀ɛ#ɛ́.”#12:31 Ìwé-Orò ŋa 19:18 (Lévitique 19:18) Ó ɖi, ɛkpa-kã̀ kpókpó kò wà, tsí kpã́dzú láre méèdzì nyɛ̀ŋɛ̀.
32Ńbɛ̀ɛ́, akɔ́nɛ nɛ́kpa-Ɔ̀ɖáyé#ɛ́ wà wí fúu ní: Ɛ̀hɛ̃́ɛ̃̀ɛ̃̀, akɔ́nɛ, ó sã̀ héŋú! Afɔ̀ ìɖéǹɖè ní ò wà wí#ɛ́. Ɔ̀ɖáyé ɔ̀kã̀ntso gé ní wà#á. Ɔ̀kã̀ kpókpó kò wà ró. 33Tsí ńǹɖéǹɖè#ɛ́, ó wà ní ɔ̀nyà kó nɛ́ àmúɖɔ̃̀ fú Ɔ̀ɖáyé inɔ́ tã̀ã́, ànyì tã̀ã́, tsí kó nɛ́ àmúɖɔ̃̀ fúu ńǹrã̀ã́mà‐ɛ̀ gbo kpó, tsí kó nɛ́ àmúɖɔ̃̀ fúu náàmí‐ɛ̀ gbo kpó, tsí kó nɛ́ àmúɖɔ̃̀ fú enìkéèdzì‐ɛ̀ kíbí náa nɛ́ fú ara‐ɛ̀#ɛ́. Àmúɖɔ̃̀ sã̀ láre ɛbɔ ɔ̀kã̀lɔ́ɔ̀kã̀ yèé à náa tse fú Ɔ̀ɖáyé#ɛ́.
34Kíbí Yèésù rí ní ó dzɔ́ŋù òŋu ifɛ̀ɛ́nɔ́#ɛ́, ó wà wí fúu ní: Kò bɔ̀ kpíkpɔ̀ fúu ró, tã́ná Ɔ̀ɖáyé kó dzoyè si ńǹtá‐ɛ̀.
Náànyì-bɛ́ɛ̀#ɛ́, ɔ̀nyà-kã̀ kpókpó kò ɖɔ́ɔ̀rɔ̀-kó bere Yèésù náfɔ̀-kã̀ sɔ ró.
Kírísítò, ɔmalɔ́ma-Ɖàfíɖì dzɛ́ Ɔlá-Ɖàfíɖì gbo
(Màtéwò 22:41-46; Lúkà 20:41-44)
35Yèésù wà tsɛ̀kɔ́ fú ɔ̀nyà ŋa ńlé-Ɔ̀ɖáyé, tsí ó tsí arũ, tsí wà bèrè ní: Kí tse tã́ná akɔ́nɛ nɛ́kpa-Ɔ̀ɖáyé† ŋa náa wà fɔ̀ ní, Kírísítò Agbanɛlà yèé Ɔ̀ɖáyé tsã̀, tsí bɛ̀ wá#á, ni ɔmalɔ́ma-Ɖàfíɖì† ni? 36Ó ɖi, Mímí-Ɔ̀ɖáyé† gbɛ̃́ Ɖàfíɖì, tsí òŋu ká‐ɛ̀ fɔ̀ si ní:
“Ɔlɔ́dzɔ́ wí fú Ɔlá-mi ní:
Wáa dzokó náàwóòtã́-mi,
tsí n mú ɔ̀tɛ̀-ɛ̀ɛ ŋa tsã́lɛ̀,
tsí o mú ɛsɛ̀ lé ńǹtá-ŋa.”#12:36 Ìwé-Orĩ ŋa 110:1 (Psaumes 110:1)
37Ɖàfíɖì òŋu ká‐ɛ̀ wà kpe Kírísítò ní Ɔlá-òŋu. Ńbɛ̀ɛ́, kíbí Kírísítò dzɛ́ Ɔlá‐ɛ̀#ɛ́ fe, nákó nyáa dzɛ́ ɔmalɔ́ma‐ɛ̀ róò? È fɔ̀ɔ́ káyí!
Yèésù wà fɔ̀ ní ká máa kɛ́ ɔwɔ́-akɔ́nɛ nɛ́kpa-Ɔ̀ɖáyé ŋa
(Màtéwò 23:1-12; Lúkà 20:45-47)
Ńbɛ̀ɛ́, èrò#ɛ́ kpó wà rɛ̃tígbè‐ɛ̀, tsí afɔ̀‐ɛ̀ wà ɖɔ̃̀ fú ŋa. 38Tsí ó sɛ̃̀ wà tsɛ̀kɔ́ fú ŋa, tsí ó ní: Ká tsɔ́ éwo-ara-ŋa rere nára-akɔ́nɛ nɛ́kpa-Ɔ̀ɖáyé† ŋa. Àŋa òŋu, à náa wɔ ìwɔ̀ra gúgù ŋa si, tsí wà rɛ̃̀ wérí, tsí à náa wò gbo ní ɔ̀nyà ŋa kó wà rɔlɛ̀ kí àŋa náàbɔ̀ɔ́mɛ̀ ŋa. 39Tsí bí à lɔ ńlé-ìkpàɖé-ɔma-Ìyúɖà ŋa†, à náa wo ká dzokó ńwádzú, tsí nóòkpì-dzídzɛ gbo, à náa wo ìɖì-onùgbó. 40Tsí à náa sɔ okpó ŋa ɖi adzìyàkú kpó. Tsí à náa wà wúùre kpíkpɛ̃́ gbo, tsí ká ń nyà ɖíre ní àŋa dzɛ́ ɔ̀nyà-atsòtítɔ́. Ńnɛ̀ ní Ɔ̀ɖáyé nákó fɛtí fú ŋa líle líle lárè#ɛ́.
Okpó-kã̀ fú owó láre olówó ŋa
(Lúkà 21:1-4)
41Kíbí Yèésù wí bɛ́ɛ̀ tã́#á, ó káà dzokó gbe àɖákà-owó#ɛ́. Ńbɛ̀ ní à náa tsɔ̀yà ɖà ńlé-Ɔ̀ɖáyé#ɛ́. Tsí ó wà rí kíbí ɔ̀nyà ŋa waà mú owó ɖà ńnɔ́-àɖákà-owó#ɛ́. Olówó ŋa wà náàŋírĩ-ŋa kpíkpɔ̀, tsí à wà mú owó kpíkpɔ̀ kpíkpɔ̀ ɖà ńnɔ́-àɖákà#á. 42Tsí okpó-kã̀ gbo wá. Okpó#ɛ́, adzìyàkú ní ó dzɛ́#ɛ́. Tsí òŋu gbo mú bìyéè wíríwírí méèdzì, tsí wáa ń ɖà ńnɔ́-àɖákà#á.
43Ńbɛ̀ɛ́, Yèésù kpe ɔmatsɛ́‐ɛ̀ ŋa, tsí wà wí fú ŋa ní: Òŋu wà wí fú ŋa ní fee, okpó yèé bɛ́#ɛ́, adzìyàkú-kã̀ ni, tsí ó sì fú owó láre ɛnɛ yèé ŋa kpó fú owó ɖà ńnɔ́-àɖákà#á. 44Iŋɛ́ yèé tse#ɛ́, owó yèé kpèlé ńǹtá-owó fú ɛnɛ-àtíbɔ̀ ŋa#á, òŋu ní à kɛ́ wáa fú#ɛ́. Ó ɖi, okpó#ɛ́ òŋu, owó yèé wà nɔ́wɔ́‐ɛ̀ kpó ilé ilé, ɔ̀nà ɔ̀nà#á ní ó kɛ́ wáa fú#ɛ́.
Currently Selected:
Mákò 12: ngl
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
Mákò 12
12
Yèésù mú àtsìtsɛ́ yíyàábàɖí kã̀ŋa kpòwe
(Màtéwò 21:33-46; Lúkà 20:9-19)
1Tsí Yèésù tɔ́ wà kpòwe, tsí wà ń wíìnyɛ̀ fú ŋa ró. Tsí ó ní: Olóko-kã̀ wà, tsí ó tsoko-egi-ɔtí† si, tsí ma oɖi wérí‐ɛ̀ kpó, tsí tɔ́tse ìɖì-kã̀ si, tsí ká wà gú síso-egi ŋa#á bɛ̀, tsí wà ń tse ɔtí. Tsí ó malé gíga-kã̀ gbo fú ɛnɛ yèé ŋa nákó wà ɖe oko#ɛ́. Tsí ó mú oko#ɛ́, tsí ń fú àtsìtsɛ́ kã̀ŋa, ní ká wà tseé, tsí wà fú òŋu nákpálà tòŋu wá, tsí òŋu ká‐ɛ̀ ǹɖe, tsí lɔ nɔ́ɔ̀nà ńǹɖì dzídzɛ̃̀-kã̀.
2Kíbí ɔɖɔ̃́ ɖɔ̃#ɛ́, ó bɛ arú‐ɛ̀-kã̀ wá fú àtsìtsɛ́ ŋa#á ní ká gba akpálà tòŋu wá fú òŋu. 3Tsí kíbí arú#ɛ́ káà tó#ɛ́, àtsìtsɛ́ ŋa#á múu, tsí kpaá, tsí lée lɔ nɔ́wɔ́ nákpo. 4Tsí olóko#ɛ́ sɛ̃̀ bɛ arú‐ɛ̀-kã̀ wá ró. Tsí à kpa òŋu néwo, tsí búu máa. 5Tsí ó tɔ́ bɛ ɛnɛ-ɛ̀kɛ́ɛta wá ró. Ɛnɛ yèé bɛ́ òŋu#ɛ́, à kpaá nóòkú. Bɛ́ɛ̀ ní ó bɛ arú kpíkpɔ̀ wá fú ŋa#á. Tsí à náa kpa ŋá títí ɔ̀kã̀ ŋa náa kú#ɛ́.
6Báàyí#ɛ́, ɔ̀nyà ɔ̀kã̀ntso gé ni bɔ fú olóko#ɛ́, tsí kó bɛ̀ lɔ fú ŋa#á. Ɛnɛ nyɛ̀ŋɛ̀ ní dzɛ́ ɔma bíbí‐ɛ̀, àrínódzú‐ɛ̀#ɛ́. Tsí ó bɛ̀ɛ́ wáa lɔ fú ŋa, tsí wà fɔ̀ ní: À nákó nɛ́ àrísá fú ɔma-òŋu òŋu. 7Ó ɖi, kíbí ɔma-olóko#ɛ́ tó, tsí à ríi#ɛ́, à wà wí fú ara-ŋa ní: Ɛ̀hɛ̃́ɛ̃̀ɛ̃̀, ɔma-olóko#ɛ́ gìɖì ní. Òŋu ní bàkó wáa dzogú-oko#ɛ́. Ó ɖi, àŋa kó kpaá nóòkú gbòkã́, tsí oko#ɛ́ kó kí fú àŋa. 8Tsí à ǹɖe gé, tsí káà múu, tsí kpaá, tsí wɔ́ òkú‐ɛ̀ fùɖá nóko-egi-ɔtí#ɛ́.
9Tsí Yèésù ní: Báàyí fee, à ma bí olóko-egi-ɔtí#ɛ́ nákó tse fáà#áà? Nákó wáa mú àtsìtsɛ́ ŋa#á, tsí kpa ŋá nóòkú kpó, tsí nákó mú oko-egi-ɔtí#ɛ́, tsí ń bɔwɔ́-olòmírɛ̃̀ ŋa.
10Nàmí à kò kã afɔ̀ yèé bɛ́ ńǸwé-Ɔ̀ɖáyé† niì? Afɔ̀#ɛ́ fɔ̀ ní:
“Òkúta yèé amalé ŋa kɛ́ taánù#ɛ́,
òŋu ní wáa kpã́dzú lárè, tsí gbé négo-ilé#ɛ́,
àtsùgbée ilé#ɛ́ kó máa ɖíwó#ɛ́.
11Ɔlɔ́dzɔ́ ní tse iŋɛ́ nyɛ̀ŋɛ̀#ɛ́, tsí ó tse àbáàrí fú wa héŋú.”#12:11 Ìwé-Orĩ ŋa 118:22-23 (Psaumes 118:22-23)
12Kíbí Yèésù fɔ̀ bɛ́ɛ̀ tã́#á, onùgbó-ɔma-Ìyúɖà† ŋa wo ní àŋa kó múu. Iŋɛ́ yèé tse#ɛ́, à mà rere ní àŋa ní ó kpòwe nyɛ̀ŋɛ̀ fú#ɛ́. Ó ɖi, à sì wà sá fú èrò#ɛ́, tsí à kɔ̀ɔ́ dzɔ̀ɔ́, tsí ǹɖe lɔ.
À wà mú afɔ̀-owó-lómbà sísã, tsí wà ń sɔ ɔ̀kpákù fú Yèésù
(Màtéwò 22:15-22; Lúkà 20:20-26)
13Náànyì-bɛ́ɛ̀, à tsã ɔma-ɛgbɛ́-Fàrísì† kã̀ŋa òŋu ɔma-ɛgbɛ́-Èróɖì† kã̀ŋa, tsí bɛ̀ ŋá wá fú Yèésù ní ká wáa bèrèé náfɔ̀, tsí ń sɔ ɔ̀kpákù múu. 14Tsí à wá, tsí wà fɔ̀ fúu ní: Akɔ́nɛ, àŋa mà ní náa fɔ òtítɔ́, tsí kà rí odzú-nɛ gbo sá. Tsí ɔ̀nyà-kã̀ kpókpó gbo kà nyáa kpa omi si nódzú fúu. Ó ɖi, kíbí ká tse fáà gbo, tsí dzɔdzú-Ɔ̀ɖáyé#ɛ́, náa wà ɖíreé fúnɛ òŋu òtítɔ́. Báàyí fee, ɛkpa-Ɔ̀ɖáyé† wà fú ɔ̀nà ní ká sã owó-lómbà fú ɔ̀gã́-ìdzɔba ńlɛ̀-Rómà† nàmí kò fú ɔ̀nà bɛ́ɛ̀? Àŋa kó sãã́ã̀ nàmí àŋa kó máa sãã́?
15Ó ɖi, Yèésù òŋu ti mà ní à wà ɖɔ̃ arũ fú òŋu ni. Tsí ó wà bèrè ŋá ní: Kí tse tsí à wà sɔ ɔ̀kpákù fú òŋu ná? Ó ɖi, ká kɛ́ owó-ɛyɔ-kã̀ wá káyí!
16Tsí à kɛ́ɛ fúu. Tsí Yèésù wà bèrè ŋá ní: Éwo-nɛ̀ɛ́ à yɔ, tsí kɔ ɛ́kɔ‐ɛ̀ gbo si ńǹtá-owó#ɛ́ ná?
Tsí à dzɔ́ŋù fúu ní: Ti ɔ̀gã́-ìdzɔba ni. 17Tsí Yèésù fɔ̀ fú ŋa ní: Ká kɛ́ iŋɛ́ yèé dzɛ́ ti ɔ̀gã́-ìdzɔba#á, tsí ń fú ɔ̀gã́-ìdzɔba, tsí yèé dzɛ́ ti Ɔ̀ɖáyé#ɛ́, ká ń fú Ɔ̀ɖáyé.
Kíbí ó dzɔ́ŋù fú ŋa bɛ́ɛ̀#ɛ́, à kí dzã̀maa.
À wà mú afɔ̀-òkú ŋa kó sɛ̃̀ dzí wá náyé, tsí wà ń sɔ ɔ̀kpákù fú Yèésù
(Màtéwò 22:23-33; Lúkà 20:27-40)
18Ńbɛ̀ɛ́, ɛgbɛ́-kã̀ gbo wà, tsí à náa kpèé ní ɛgbɛ́-Sàɖùké† ŋa. Ɔma-ɛgbɛ́ ŋa#á ní náa wà fɔ̀ ní òkú ŋa kàkó sɛ̃̀ dzí wá náyé ró#ɛ́. Tsí ɔ̀nyà kã̀ŋa náàŋírĩ-ŋa ǹɖe, tsí wá ńɖi-Yèésù, tsí wà bèrèé ní:
19Akɔ́nɛ! Ó ɖi, Mɔ̀ɔ́sè† kɔ ɛkpa-Ɔ̀ɖáyé† si fú àŋa ní: Bí ɔ̀nyà-kã̀ wà, tsí aya‐ɛ̀ kò bíma fúu tã́ná ó kú kɔ aya#á dzɔ̀ɔ́, bí ɛnɛ nyɛ̀ŋɛ̀ nɛ́ ìnàbí, ó wà ní ìnàbí‐ɛ̀-kã̀ kó tsókpó-aya#á, tsí kó bíma fúu. Ńbɛ̀ɛ́, ɔma#á nákó dzɛ́ ti òkú#ɛ́.#12:19 È káà kã Ìwé-Ìkpìnkpìlɛ̀-ayé 38:8, Ìwé-Àkóro 25:5-6 (Genèse 38:8, Deutéronome 25:5-6). 20Báàyí#ɛ́, ká fɔ̀ ní ìnàbí méedze kã̀ŋa wà, tsí ɛnɛ-onùgbó#ɛ́ náya, tsí kú náàrì kparɔ ara‐ɛ̀ si ńlɛ̀. 21Tsí ɔmàná‐ɛ̀ yèé à ń tɛ̀ɛ́#ɛ́ ǹɖe, tsí tsókpó-aya#á. Tsí òŋu gbo wáa kú kɔ aya#á dzɔ̀ɔ́ náàrì bíma. Ɛnɛ-ɛ̀kɛ́ɛta gbo bɛ́ɛ̀. 22Tsí àŋa méedze#ɛ́ kpó náya#á, tsí kú kɔ̀ɔ́ dzɔ̀ɔ́ náàrì kparɔ ara-ŋa si ńlɛ̀. Náànyì-bɛ́ɛ̀#ɛ́, ɔnɔbɛ̃̀ɛ̃#ɛ́ gbo wáa kú. 23Báàyí fee, nɔ́dzɔ́ yèé òkú ŋa nákó sɛ̃̀ dzí wá náyé#ɛ́, bí àŋa kpó, à sɛ̃̀ dzí wá fee, ti nɛ̀ɛ́ aya#á nákó dzɛ́ náàŋírĩ-ŋa, kíbí ó dzɛ́ ní àŋa méedze#ɛ́ kpó, à náya#á wòrí#ɛ́?
24Tsí Yèésù wà wí fú ŋa ní: À nɔ̀! Iŋɛ́ yèé tse#ɛ́, à kò ma ikpá-Ɔ̀ɖáyé, tsí à kò gbɔ́ òkpì-Ìwé-Ɔ̀ɖáyé† gbo. 25Ó ɖi fee, ńǹwèrè yèé òkú ŋa nákó sɛ̃̀ dzí wá náyé#ɛ́, afɔ̀-ká náya òŋu ká nɔ́kɔ kàkó tsɛdzɔ́-ŋa ró. À nákó gbé kíbí adzítsɛ́-ɔ̀rɔ̃† ŋa náa gbé gbà#á ni.
26Ó ɖi, ti nára-afɔ̀-òkú ŋa kó sɛ̃̀ dzí wá náyé#ɛ́ fee, à kò kã ìwé-Mɔ̀ɔ́sè niì? Ńnɔ́-ìwé#ɛ́, ńbí à kɔ si ní Ɔ̀ɖáyé mú ara‐ɛ̀ ŋa Mɔ̀ɔ́sè ńsùyɛ̀-kã̀ yèé wà gbã̀ bìlàbìlà#á, à kɔ si bɛ̀ ró ní Ɔ̀ɖáyé wí fúu ní: “Èmi ní dzɛ́ Ɔ̀ɖáyé-Àbàràhámì†, tsí dzɛ́ Ɔ̀ɖáyé-Ìsákà† gbo, tsí dzɛ́ Ɔ̀ɖáyé-Yàkúbù† gbo#ɛ́.”#12:26 Ìwé-Fúfùɖá ŋa 3:2, 3:6, 15-16 (Exode 3:2, 3:6, 15-16)
27Tsí Yèésù fɔ̀ máa ní: Ɔ̀ɖáyé kò dzɛ́ Ɔ̀ɖáyé-òkú ŋa. Ɔ̀ɖáyé-ɔ̀nyà-àwáàyɛ̀ ŋa ní ó dzɛ́#ɛ́. Ó ɖi, à nɔ̀ gìɖì héŋú.
Ɛkpa yèésí kpã́dzú lárè náàŋírĩ-ɛkpa-Ɔ̀ɖáyé ŋa?
(Màtéwò 22:34-40; Lúkà 10:25-28)
28Ńǹwèrè nyɛ̀ŋɛ̀#ɛ́, akɔ́nɛ nɛ́kpa-Ɔ̀ɖáyé†-kã̀ gbo wà bɛ̀, tsí ó gbɔ́ kíbí Yèésù òŋu ɔma-ɛgbɛ́-Sàɖùké† ŋa#á wíìnyɛ̀#ɛ́ gbà#á, tsí ó rí ní Yèésù dzɔ́ŋù fú ŋa rere. Ńbɛ̀ɛ́, òŋu gbo sɔ́má‐ɛ̀, tsí wà bèrèé ní: Náàŋírĩ-ɛkpa yèé ŋa kpó Ɔ̀ɖáyé ɖá fú àŋa#á fee, náàŋírĩ-ŋa, yèésí kpeéwo fú ŋa?
29Tsí Yèésù ní: Ɛkpa yèé kpeéwo fú ŋa#á ní dzɛ́ ní: “Ɔma-Ìsàràyɛ́lì† ŋa, è rɛ̃tígbè! Ɔ̀ɖáyé Ɔlɔ́dzɔ́ ní dzɛ́ Ɔlá-wa#á. Òŋu níìkã̀ntso gé ní wà#á. 30Nà nɛ́ àmúɖɔ̃̀ fú Ɔlɔ́dzɔ́ Ɔ̀ɖáyé-ɛ̀ɛ inɔ́ tã̀ã́, ànyì tã̀ã́, nà nɛ́ àmúɖɔ̃̀ fúu títí àmúɖɔ̃̀#ɛ́ kó lara-ɛ̀ɛ wɔ̀ dzálɛ̀, nà nɛ́ àmúɖɔ̃̀ fúu ńǹsérè-ɛ̀ɛ gbo kpó, tsí nà nɛ́ àmúɖɔ̃̀ fúu náàmí-ɛ̀ɛ gbo kpó.”#12:30 Ìwé-Àkóro 6:4-5 (Deutéronome 6:4-5) 31Tsí ɛkpa èkéèdzì‐ɛ̀ gbo ní dzɛ́ ní: “Nà nɛ́ àmúɖɔ̃̀ fú enìkéèdzì-ɛ̀ɛ kíbí nà nɛ́ fú ara-ɛ̀ɛ#ɛ́.”#12:31 Ìwé-Orò ŋa 19:18 (Lévitique 19:18) Ó ɖi, ɛkpa-kã̀ kpókpó kò wà, tsí kpã́dzú láre méèdzì nyɛ̀ŋɛ̀.
32Ńbɛ̀ɛ́, akɔ́nɛ nɛ́kpa-Ɔ̀ɖáyé#ɛ́ wà wí fúu ní: Ɛ̀hɛ̃́ɛ̃̀ɛ̃̀, akɔ́nɛ, ó sã̀ héŋú! Afɔ̀ ìɖéǹɖè ní ò wà wí#ɛ́. Ɔ̀ɖáyé ɔ̀kã̀ntso gé ní wà#á. Ɔ̀kã̀ kpókpó kò wà ró. 33Tsí ńǹɖéǹɖè#ɛ́, ó wà ní ɔ̀nyà kó nɛ́ àmúɖɔ̃̀ fú Ɔ̀ɖáyé inɔ́ tã̀ã́, ànyì tã̀ã́, tsí kó nɛ́ àmúɖɔ̃̀ fúu ńǹrã̀ã́mà‐ɛ̀ gbo kpó, tsí kó nɛ́ àmúɖɔ̃̀ fúu náàmí‐ɛ̀ gbo kpó, tsí kó nɛ́ àmúɖɔ̃̀ fú enìkéèdzì‐ɛ̀ kíbí náa nɛ́ fú ara‐ɛ̀#ɛ́. Àmúɖɔ̃̀ sã̀ láre ɛbɔ ɔ̀kã̀lɔ́ɔ̀kã̀ yèé à náa tse fú Ɔ̀ɖáyé#ɛ́.
34Kíbí Yèésù rí ní ó dzɔ́ŋù òŋu ifɛ̀ɛ́nɔ́#ɛ́, ó wà wí fúu ní: Kò bɔ̀ kpíkpɔ̀ fúu ró, tã́ná Ɔ̀ɖáyé kó dzoyè si ńǹtá‐ɛ̀.
Náànyì-bɛ́ɛ̀#ɛ́, ɔ̀nyà-kã̀ kpókpó kò ɖɔ́ɔ̀rɔ̀-kó bere Yèésù náfɔ̀-kã̀ sɔ ró.
Kírísítò, ɔmalɔ́ma-Ɖàfíɖì dzɛ́ Ɔlá-Ɖàfíɖì gbo
(Màtéwò 22:41-46; Lúkà 20:41-44)
35Yèésù wà tsɛ̀kɔ́ fú ɔ̀nyà ŋa ńlé-Ɔ̀ɖáyé, tsí ó tsí arũ, tsí wà bèrè ní: Kí tse tã́ná akɔ́nɛ nɛ́kpa-Ɔ̀ɖáyé† ŋa náa wà fɔ̀ ní, Kírísítò Agbanɛlà yèé Ɔ̀ɖáyé tsã̀, tsí bɛ̀ wá#á, ni ɔmalɔ́ma-Ɖàfíɖì† ni? 36Ó ɖi, Mímí-Ɔ̀ɖáyé† gbɛ̃́ Ɖàfíɖì, tsí òŋu ká‐ɛ̀ fɔ̀ si ní:
“Ɔlɔ́dzɔ́ wí fú Ɔlá-mi ní:
Wáa dzokó náàwóòtã́-mi,
tsí n mú ɔ̀tɛ̀-ɛ̀ɛ ŋa tsã́lɛ̀,
tsí o mú ɛsɛ̀ lé ńǹtá-ŋa.”#12:36 Ìwé-Orĩ ŋa 110:1 (Psaumes 110:1)
37Ɖàfíɖì òŋu ká‐ɛ̀ wà kpe Kírísítò ní Ɔlá-òŋu. Ńbɛ̀ɛ́, kíbí Kírísítò dzɛ́ Ɔlá‐ɛ̀#ɛ́ fe, nákó nyáa dzɛ́ ɔmalɔ́ma‐ɛ̀ róò? È fɔ̀ɔ́ káyí!
Yèésù wà fɔ̀ ní ká máa kɛ́ ɔwɔ́-akɔ́nɛ nɛ́kpa-Ɔ̀ɖáyé ŋa
(Màtéwò 23:1-12; Lúkà 20:45-47)
Ńbɛ̀ɛ́, èrò#ɛ́ kpó wà rɛ̃tígbè‐ɛ̀, tsí afɔ̀‐ɛ̀ wà ɖɔ̃̀ fú ŋa. 38Tsí ó sɛ̃̀ wà tsɛ̀kɔ́ fú ŋa, tsí ó ní: Ká tsɔ́ éwo-ara-ŋa rere nára-akɔ́nɛ nɛ́kpa-Ɔ̀ɖáyé† ŋa. Àŋa òŋu, à náa wɔ ìwɔ̀ra gúgù ŋa si, tsí wà rɛ̃̀ wérí, tsí à náa wò gbo ní ɔ̀nyà ŋa kó wà rɔlɛ̀ kí àŋa náàbɔ̀ɔ́mɛ̀ ŋa. 39Tsí bí à lɔ ńlé-ìkpàɖé-ɔma-Ìyúɖà ŋa†, à náa wo ká dzokó ńwádzú, tsí nóòkpì-dzídzɛ gbo, à náa wo ìɖì-onùgbó. 40Tsí à náa sɔ okpó ŋa ɖi adzìyàkú kpó. Tsí à náa wà wúùre kpíkpɛ̃́ gbo, tsí ká ń nyà ɖíre ní àŋa dzɛ́ ɔ̀nyà-atsòtítɔ́. Ńnɛ̀ ní Ɔ̀ɖáyé nákó fɛtí fú ŋa líle líle lárè#ɛ́.
Okpó-kã̀ fú owó láre olówó ŋa
(Lúkà 21:1-4)
41Kíbí Yèésù wí bɛ́ɛ̀ tã́#á, ó káà dzokó gbe àɖákà-owó#ɛ́. Ńbɛ̀ ní à náa tsɔ̀yà ɖà ńlé-Ɔ̀ɖáyé#ɛ́. Tsí ó wà rí kíbí ɔ̀nyà ŋa waà mú owó ɖà ńnɔ́-àɖákà-owó#ɛ́. Olówó ŋa wà náàŋírĩ-ŋa kpíkpɔ̀, tsí à wà mú owó kpíkpɔ̀ kpíkpɔ̀ ɖà ńnɔ́-àɖákà#á. 42Tsí okpó-kã̀ gbo wá. Okpó#ɛ́, adzìyàkú ní ó dzɛ́#ɛ́. Tsí òŋu gbo mú bìyéè wíríwírí méèdzì, tsí wáa ń ɖà ńnɔ́-àɖákà#á.
43Ńbɛ̀ɛ́, Yèésù kpe ɔmatsɛ́‐ɛ̀ ŋa, tsí wà wí fú ŋa ní: Òŋu wà wí fú ŋa ní fee, okpó yèé bɛ́#ɛ́, adzìyàkú-kã̀ ni, tsí ó sì fú owó láre ɛnɛ yèé ŋa kpó fú owó ɖà ńnɔ́-àɖákà#á. 44Iŋɛ́ yèé tse#ɛ́, owó yèé kpèlé ńǹtá-owó fú ɛnɛ-àtíbɔ̀ ŋa#á, òŋu ní à kɛ́ wáa fú#ɛ́. Ó ɖi, okpó#ɛ́ òŋu, owó yèé wà nɔ́wɔ́‐ɛ̀ kpó ilé ilé, ɔ̀nà ɔ̀nà#á ní ó kɛ́ wáa fú#ɛ́.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.