Malako 8
8
1ND’EMBIL’EKO etukuluku ea nene ekotakai lenkina, ko iyo ntabaata toma ta ndala, aoleta bakimi bakande el’ende, aolakela, 2Ndokel’anto b’etukuluku isei l’aeyoko iyo bayala l’emi bembile besato, ko bafoate toma; 3ko nga ndatom’iyo nd’ela bekiyo l’onkata, bifokatswa la nzala nda mboka; ko bamo bakiyo baoya lim’esi. 4Ko bakimi bakae baoloamba, Endo nd’etekeleke bonto aata toma tokoka lokinza bant’ane lima nko? 5Ko aolauola, Lole la mampa inga? Ko baokela, Nsambo. 6Ko aosangela etukuluku bakit’ase nd’amoci. Ko aokola mampa iko nsambo, ko aki’nde osimaka Nzakomba boya, aotena, ko aokaya bakimi bakae wae balekez’iyo; ko baolekya ele etukuluku. 7Ko baki la tonsense nk’ouke; ko aki’nd’osakak’okako nd’eloko ea nse iko, aolaka wete balekeza banto. 8Ko baleki, ko bakindaki: ko baolambola wumbo bokociki tofole nsambo to. 9Ko banto bako baki nkina nkot’inei; ko aolafalanganya. 10Ko nkakoyoko aokondela nda wato la bakimi bakae, ko aoya nd’ekako bia Dalamanuta.
11Ko Bafalusi baoy’eko, ko baangaki louola, basaki el’ende lotaza lima loola, baolomeka. 12Ko aolimela nd’otema bokande, aokela, Eotswelo ene asa lotaza ncina na? Nsosolo, nsangel’inyo, lotaza lofaokaema ele eotswelo ene nye. 13Ko aolacika, aokondela lenkina nda wato, aofenda wij’a lieke.
14Iyo bofelaki lotomba mampa; ko baki la mampa nk’emoko kika nda wato l’iyo. 15Ko aolalaka, aokela, Loalaka, lofonga lolota nyango ea mampa ea Bafalusi la nyango ea mampa ea Elode. 16Ko baotefela el’iyo mongo, La ncina wae tofoate mampa. 17Ko aki Yesu okotolaka ngoko, aolakela, Inyo lotefela l’inyo mongo, ef’iny’oata mampa lae? lotafea, ko lofokotola nde? kamba betema bekinyo beocilingana bocilingano nde? 18Lole l’aiso, ko lofene? Lole l’atoi, ko lofoke? ko lofofwa nde? 19Aki’mi otenaka mampa itano ele banto nkot’itano, lambolaki bioko bia wumbo bokociki binga? Baolokela, Jom la bife. 20Ko aki’m’otenaka mampa nsambo ele banto nkot’inei, lambolaki tofole ta wumbo bokociki tonga? Ko baokela, Nsambo. 21Ko aolakela, Lotafokotola nde?
22Ko baoya nda Betesaida. Ko baoloyela bonto owaki baiso, ko baoloonda wae afomw’ende. 23Ko aokita bonto owaki baiso la likata, aolotomba nd’anza b’onanga; ko aki’nde otufaka nsoi nd’aiso bakae, aolafya bakata el’ende, aolouola, Wena yomba nde? 24Ko aalaki nd’aliko, aokela, Njena banto; el’emi ndaena ngole betamba, bayokende. 25Nkako aolafy’akata lenkina nd’aiso bakae, ko bont’oko aalaki te, ko aika, ko aolena toma touma o fole. 26Ko aolotoma nd’ola bokae, aokela, Tomotswake nd’onanga bone.
27Ko Yesu la bakimi bakae baokenda nda bise bia Kaisalia ea Filipo. Ko nda mboka aoluola bakimi bakae, aolakela, Banto bantang’emi wae nde na? 28Ko baolamba, baolokela, Yoane owa Wini; ko bamo, Eliya; ko bankina bakela wete ole omo owa bateli. 29Ko ende aolauola, Lolond’inyo mongo lontanga wae nde na? Petelo aolamba, aolokela, We ole wete Masiya. 30Ko aolasasa wae bafaosangela bont’omoko joi liko likande nye.
31Ko aanga lalak’iyo wae Bona Ow’onto ifen’elo la baoyi’auke, ko bingambe la nkanga ya joso la bakoci b’enkanda bifotandola, ko bifooma, ko nda mbile e’isato ifoetswa lim’iwa. 32Ko atefelaki joi liko nda fole. Ko Petelo aolokola, ko aanga lofel’ende. 33Lolo aki’nd’okengwanaka, aolena bakimi bakae, ko aofela Petelo, aokela, Nco nd’afeka bakami Satana; ele we ofokanela baoyi ba Nzakomba, lolo baoyi b’anto. 34Ko aoleta etukuluku la bakimi bakae el’ende, aolakela, Ayaka bonto alanga wae ankime, kel’ende ayafim’ende mongo, ko ambole ekulusu ekae, ko ankime. 35Ele bonto nko loswele olanga lofonga loiko lokae mongo, ifocweya loko; lolonde bonto nko loswele ocweya loiko lokae nd’eloko ekami la nd’eloko ea bosako w’olotsi, ifofonga loko. 36Ayak’onto akitola liaci ja bokili bouma, lolonde aocwey’omongo, nkito eat’ende na? 37Bonto asulunganya loiko lokae la na? 38Ele bonto nko loswele ondok’emi la baoyi bakami nsoi nd’eotswelo ene ea jibi l’ea bobe, Bona ow’onto ifok’ende nsoi, a end’oya nda jilangi j’ise ekae la bikima bia boeko.
Currently Selected:
Malako 8: NTMN58
Highlight
Share
Copy
Want to have your highlights saved across all your devices? Sign up or sign in
Bonkanda Wa Nzakomba W’aeyoko © Aliiance Biblique de la RD Congo, 1958.
Malako 8
8
1ND’EMBIL’EKO etukuluku ea nene ekotakai lenkina, ko iyo ntabaata toma ta ndala, aoleta bakimi bakande el’ende, aolakela, 2Ndokel’anto b’etukuluku isei l’aeyoko iyo bayala l’emi bembile besato, ko bafoate toma; 3ko nga ndatom’iyo nd’ela bekiyo l’onkata, bifokatswa la nzala nda mboka; ko bamo bakiyo baoya lim’esi. 4Ko bakimi bakae baoloamba, Endo nd’etekeleke bonto aata toma tokoka lokinza bant’ane lima nko? 5Ko aolauola, Lole la mampa inga? Ko baokela, Nsambo. 6Ko aosangela etukuluku bakit’ase nd’amoci. Ko aokola mampa iko nsambo, ko aki’nde osimaka Nzakomba boya, aotena, ko aokaya bakimi bakae wae balekez’iyo; ko baolekya ele etukuluku. 7Ko baki la tonsense nk’ouke; ko aki’nd’osakak’okako nd’eloko ea nse iko, aolaka wete balekeza banto. 8Ko baleki, ko bakindaki: ko baolambola wumbo bokociki tofole nsambo to. 9Ko banto bako baki nkina nkot’inei; ko aolafalanganya. 10Ko nkakoyoko aokondela nda wato la bakimi bakae, ko aoya nd’ekako bia Dalamanuta.
11Ko Bafalusi baoy’eko, ko baangaki louola, basaki el’ende lotaza lima loola, baolomeka. 12Ko aolimela nd’otema bokande, aokela, Eotswelo ene asa lotaza ncina na? Nsosolo, nsangel’inyo, lotaza lofaokaema ele eotswelo ene nye. 13Ko aolacika, aokondela lenkina nda wato, aofenda wij’a lieke.
14Iyo bofelaki lotomba mampa; ko baki la mampa nk’emoko kika nda wato l’iyo. 15Ko aolalaka, aokela, Loalaka, lofonga lolota nyango ea mampa ea Bafalusi la nyango ea mampa ea Elode. 16Ko baotefela el’iyo mongo, La ncina wae tofoate mampa. 17Ko aki Yesu okotolaka ngoko, aolakela, Inyo lotefela l’inyo mongo, ef’iny’oata mampa lae? lotafea, ko lofokotola nde? kamba betema bekinyo beocilingana bocilingano nde? 18Lole l’aiso, ko lofene? Lole l’atoi, ko lofoke? ko lofofwa nde? 19Aki’mi otenaka mampa itano ele banto nkot’itano, lambolaki bioko bia wumbo bokociki binga? Baolokela, Jom la bife. 20Ko aki’m’otenaka mampa nsambo ele banto nkot’inei, lambolaki tofole ta wumbo bokociki tonga? Ko baokela, Nsambo. 21Ko aolakela, Lotafokotola nde?
22Ko baoya nda Betesaida. Ko baoloyela bonto owaki baiso, ko baoloonda wae afomw’ende. 23Ko aokita bonto owaki baiso la likata, aolotomba nd’anza b’onanga; ko aki’nde otufaka nsoi nd’aiso bakae, aolafya bakata el’ende, aolouola, Wena yomba nde? 24Ko aalaki nd’aliko, aokela, Njena banto; el’emi ndaena ngole betamba, bayokende. 25Nkako aolafy’akata lenkina nd’aiso bakae, ko bont’oko aalaki te, ko aika, ko aolena toma touma o fole. 26Ko aolotoma nd’ola bokae, aokela, Tomotswake nd’onanga bone.
27Ko Yesu la bakimi bakae baokenda nda bise bia Kaisalia ea Filipo. Ko nda mboka aoluola bakimi bakae, aolakela, Banto bantang’emi wae nde na? 28Ko baolamba, baolokela, Yoane owa Wini; ko bamo, Eliya; ko bankina bakela wete ole omo owa bateli. 29Ko ende aolauola, Lolond’inyo mongo lontanga wae nde na? Petelo aolamba, aolokela, We ole wete Masiya. 30Ko aolasasa wae bafaosangela bont’omoko joi liko likande nye.
31Ko aanga lalak’iyo wae Bona Ow’onto ifen’elo la baoyi’auke, ko bingambe la nkanga ya joso la bakoci b’enkanda bifotandola, ko bifooma, ko nda mbile e’isato ifoetswa lim’iwa. 32Ko atefelaki joi liko nda fole. Ko Petelo aolokola, ko aanga lofel’ende. 33Lolo aki’nd’okengwanaka, aolena bakimi bakae, ko aofela Petelo, aokela, Nco nd’afeka bakami Satana; ele we ofokanela baoyi ba Nzakomba, lolo baoyi b’anto. 34Ko aoleta etukuluku la bakimi bakae el’ende, aolakela, Ayaka bonto alanga wae ankime, kel’ende ayafim’ende mongo, ko ambole ekulusu ekae, ko ankime. 35Ele bonto nko loswele olanga lofonga loiko lokae mongo, ifocweya loko; lolonde bonto nko loswele ocweya loiko lokae nd’eloko ekami la nd’eloko ea bosako w’olotsi, ifofonga loko. 36Ayak’onto akitola liaci ja bokili bouma, lolonde aocwey’omongo, nkito eat’ende na? 37Bonto asulunganya loiko lokae la na? 38Ele bonto nko loswele ondok’emi la baoyi bakami nsoi nd’eotswelo ene ea jibi l’ea bobe, Bona ow’onto ifok’ende nsoi, a end’oya nda jilangi j’ise ekae la bikima bia boeko.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bonkanda Wa Nzakomba W’aeyoko © Aliiance Biblique de la RD Congo, 1958.