GALATIA 1
1
1Akeu' Paulus, bara' tabi' ngan sidang tong tana' Galatia. Akeu' kevéléé' ke' ké' lawah Néh, naneu' Yésus Kristus ngan Allah Tamen lu' éh lepah pebetéé' Yésus jin pematai Néh. Bé' éh jin kelunan ngan kevéléé' kelunan péh. 2Tabi' jin kekat padéé' keh éh kua' pengelan siteu', ngan sidang tong tana' Galatia.
3Jian Allah éh Tamen lu', ngan Tuhan Yésus Kristus, mena' penika Néh ngan pengepawah Néh ngan keh.
4La'ah pu'un Kristus mena' urip Néh uban penyala' lu' kivu pengeloo' Tamen Néh Allah, dokoo' Néh ngelepu lu' jin urip lu' éh sa'at tong tana' iteu'. 5Kekat pengaren ngan Allah avéé' kelebéé'-lebéé' néh. Amin.
Jah awah Rengah Jian
6La'ah béé kenin ké' uban ka'ah lumang mu'un petat jin Allah éh ngevéléé' keh uban Néh pika keh, ngan tai kivu jah rengah éh bé' rengah jian mu'un. 7Éh mu'un bé' pu'un rengah jian éh tengéé' jin éh benara' améé', bang akeu' pané kenat uban kelunan pu'un petusah kenin keh ngan juk ngepaléu Rengah Jian éh jin Kristus. 8Hun néh améé' péh ngan hun néh meliket jin seruga péh éh bara' ha' tebaraa' éh tengéé' jin ha' tebaraa' Tuhan ngan keh, bé' sala' hun Allah ngukum réh mu'un tong luten meraka. 9Pekua' ha' mé' lepah rai, kenat péh ha' ké' hun iteu' kepéh, hun pu'un jah usah éh bara' jah tebaraa' éh tengéé' jin éh lepah kenivu keh nah, jian Allah ngukum éh mu'un tong luten meraka.
10Kineu', hun ké' pané kenat, pu'un éh barei' kelunan éh pitah kenajung jin kelunan awah? Adang bé'. Akeu' pitah kenajung jin Allah awah. Kineu' pu'un keh seruh akeu' pitah jalan dokoo' kelunan omok bakéh ké'? Hun akeu' pitah éh kenat, bé' akeu' kelunan sohoo' Kristus kepéh.
Tong jalan Paulus pu'un lawah Tuhan
11O kekat padéé' ké', akeu' bara' mu'un ngan keh, Rengah jian éh benara' ké' ngan keh rai' bé' éh jin kelunan awah. 12Bé' akeu' alaa' éh jin kelunan, ngan bé' éh kelunan éh bara' éh ngan ké', bang Yésus Kristus éh pepoléng éh ngan ké'.
13 Pu'un keh lepah jam tong kekat penganeu' ké' hun ké' kivu adet irah Yahudi lepah rai, gahang mu'un ku' peketa irah tong sidang Allah pah avéé' ké' juk kebéé réh mu'un. 14 La'ah tong adet irah Yahudi, akeu' éh pelapah jam éh jin kekat kelunan éh pekua' tatek urip ké' jin belah pohoo' ké' tengéé', uban akeu' mekat mu'un kivu kekat adet ngan ha' tukit jin tepun ké'.
15 Bang neu' penika Allah awah, Iah ngevéléé' akeu' hun ké' to lem boré tinen ké', ngan Iah tebai akeu' maneu' kereja' Néh. 16Hun Allah pepoléng Anak Néh ngan ké' dokoo' ké' omok bara' Rengah Jian tong Anak Néh inah ngan irah éh tengéé' pohoo', bé' akeu' tai neteng kelunan séé'-séé' péh. 17Bé' akeu' pu'un tai Yérusalem tavin irah lawah Tuhan sitai éh kevéléé' Tuhan tenah jin akeu'. Bang akeu' tioo pelapah tai tong tana' Arab, la'o inah boh akeu' moléé' tai leboo' ja'au Damsyik kepéh. 18 Teleu' ta'un la'o inah boh akeu' tai Yérusalem dokoo' ké' pané' ngan Péterus, akeu' mokoo' ngan néh duah migu kelebéé'. 19Bé' akeu' pu'un temeu' ngan irah lawah éh jah, bang Yakub éh padéé' Tuhan iah awah éh temeu' ngan ké'.
20Tong kekat ha' éh senurat ké' iteu', teneng béé-béé éh, bé' akeu' kenyo, Tuhan jam, bé' akeu' kenyo.
21La'o inah boh akeu' tai tong kuraa' leboo' tong tana' Siria ngan tana' Kilikia. 22Kelebéé' ké' lakau inah, kekat irah tong sidang Kristus tong tana' Yudea to ke' bé' jak jam ku' mu'un. 23Irah menéng ha' réh bara', lakei' éh peketa lu' ngan éh juk ngebéé pengelan lu' rai hun iteu' iah nebaraa' tong pengelan lem Tuhan. 24Inah maneu' réh mejing Allah uban akeu' pu'un ngelan kepéh.
Currently Selected:
GALATIA 1: PNT
Highlight
Share
Copy
Want to have your highlights saved across all your devices? Sign up or sign in
Irah éh suai © 2009, Pengepemung irah éh suai Surat Tahun tong Malaysia (The Bible Society of Malaysia) Copyright © 2009 The Bible Society of Malaysia
Éh Keruwah koléé senuai © 2011 Pengepemung irah éh suai Surat Tahun tong Malaysia (The Bible Society of Malaysia) Copyright 2011 The Bible society of Malaysia