Amarkɩ 6
6
Nazarɛtɩ nẽrba ka bɔ Azezi sɩra
(Amatie 13:53-58, Aluki 4:16-30)
1Azezi daan basɛ tẽn-ẽŋa dee sẽŋɛ la a mẽŋa tẽŋam, tɩ a karẽnbiisi la doose ẽ. 2Tɩ Zifdõma vo'osgo daarɛ tɩ a kẽ ba wẽndeem zãsna nẽrba. Tɩ nẽrba pãɩ wõm a zãsŋɔ la, tɩ la di'ige ba, tɩ ba sɔkra taaba yetɩ: «Bʋra-ẽna yẽ zãsŋɔ ẽna la bɛ? Ãne bɔ ẽ yɛm ẽna? A ẽŋɛ la wãne ɩta bõn-yãlma bɛla? 3Dagɩ ẽna n de dɔ-wãta la? Dagɩ ẽna n de Amaari dayʋa, tɩ a yɩbsɩ dɛna Azakɩ, la Azoze, la Azudi, la Asimõ la? Dagɩ a tãpa n boe tõma zẽ'am kalam wã?» Bɛla tɩ ba zagsɛ ka bɔ Azezi sɩra. 4Tɩ a yele ba yetɩ: «Nawẽnnɛ nõtɔ'ɔsa yẽtɩ pẽka mɛ, sãn dagna a mẽŋa tẽŋa, la a buuri, la a yir-dõma tẽŋasʋka mã'a tɩ a ka yẽtɩ pẽka.» 5La a daan ka yãŋɛ tõm tõon-yãlma bilam, sãn dagna bã'adõma fẽe tɩ a daan dɩkɛ a nu'usi paglɛ ba zuto, tɩ ba yẽ ĩmã'asʋm. 6La ban daan ka bɔ ẽ sɩra la, la di'ige ẽ mɛ.
Azezi tõm a karẽnbiisi pia la ayi
(Amatie 10:5-15, Aluki 9:1-6)
Azezi daan kaarɩ la tẽnsɩ la n boe bilam na zãsna nẽrba, 7daan wi a karẽnbiisi pia la ayi la, tɩ ba wa'am a zẽ'am tɩ a tõm ba bayi bayi, dee bɔ ba pãŋa tɩ ba dige kʋlkã'arsɩ. 8Dee daan yele ba yetɩ: «Da dɩkɛ-ya sɛla sɛla sore la sẽnnɛ ĩyã, dɩkɛ-ya dasaarɛ mã'a, da tara-ya dia, bɩɩ tãmpɔkɔ, bɩɩ ligri sũm sẽŋɛ. 9La pire-ya tagra, dee da yɛ-ya futo bayi bayi.» 10A le yele ba yetɩ: «Yan sẽŋɛ ka sige yi-sɛka, kẽ'era-ya bilam ka paagɛ daar-sɛka tɩ ya wʋn yese fõrgɛ tẽŋa la. 11La tẽn-sɛka nẽrba n ka to'oge ya, bɩɩ ka selse ya yetɔga, ya yese zẽ'e-ẽŋa dee pɩɩsɛ ya nãma tẽntõnnɔ basɛ mĩ. Ya sãn ẽŋɛ bɛla, la wʋn pa'alɛ ba tɩ ba ka ẽŋɛ sõŋa.» 12Tɩ karẽnbiisi la sẽŋɛ ka mõola yetɩ, ba teege yɛm basɛ tõon-be'ero. 13Dee dige kʋlkã'arsɩ zozo'e tɩ ba yese, dee ẽŋɛ kaam ẽŋɛ bã'adõma zozo'e zuto, tɩ ba yẽ ĩmã'asʋm.
Azã n mise nẽrba ko'om pʋam na kũm yelle
(Amatie 14:1-12, Aluki 9:7-9)
14Tɩ naba A'erɔdɩ wõm Azezi yelle, se'ere n soe la, Azezi yʋ'ʋrɛ daan yese la zẽ'a woo. Tɩ nẽrba basɛba daan yɛta tɩ: «A de la Azã n daan misri nẽrba ko'om pʋam na n vo'oge, bɛla n soe tɩ a tara pãŋa tõnna tõon-yãlma.» 15Tɩ basɛba yetɩ: «A de la Nawẽnnɛ nõtɔ'ɔsa A'eli n leme wa'am.» Tɩ sɛba yetɩ: «A de la Nawẽnnɛ nõtɔ'ɔsa ayẽma wʋ Nawẽnnɛ nõtɔ'ɔsrɩba basɛba n daan boe la.» 16Tɩ naba A'erɔdɩ daan wõm bɛla, yetɩ: «A de la Azã sɛka tɩ mam daan botɩ ba wike a zuugo la n vo'oge.»
17Se'ere n soe la, A'erɔdɩ mẽŋa n daan botɩ ba yõkɛ Azã lʋ tarɩ ka kẽ'esɛ yʋ'a deem, a kẽema Afilipi pɔga A'erodɩadɩ ĩyã. Se'ere n soe la, a daan fãagɛ la a kẽema pɔga di. 18Tɩ Azã daan yele ẽ yetɩ, la ka masɛ tɩ a fãagɛ a kẽema pɔga di. 19Tɩ A'erodɩadɩ sũure yĩige la Azã, tɩ a zɩgra tɩ a kʋ ẽ, la A'erɔdɩ ĩyã a ka tã'agɛ kʋ ẽ. 20A'erɔdɩ daan zotɩ Azã mɛ, a daan mi tɩ a de la nẽr-sõŋɔ, dee dɛna pʋpeelem dãana, bɛla ĩyã tɩ a gu'ura ẽ tɩ sɛla da ẽŋɛ ẽ. A daan sãn ẽn sɛlsra Azã yetɔga, la dãanɩ ẽ mɛ zozo'e, la baa bɛla, a ẽn sɛlsra ẽ mɛ la sũ-yẽlga.
21La daarɛ ayɩla tɩ A'erɔdɩ ẽŋɛ a dɔka daarɛ kibsa, wi a tẽŋa nẽrzuto, la sʋda-kɛ'ɛndõma, la Galile nẽŋadõma. Tɩ A'erodɩadɩ yẽ sore ẽŋɛ ẽŋa n boorɩ se'em na. 22A'erodɩadɩ pɔyʋa n daan kẽ ka wa, tɩ A'erɔdɩ, la sãama la sũure ẽŋɛ yẽlʋm. Tɩ naba la yele pugla la yetɩ: «Sose mam fõn boorɩ sɛla tɩ m bɔ fɔ.» 23Dee pɔɩ yetɩ: «Bõn-sɛka wuu tɩ fʋ wʋn sose mam, baa la sãn dɛna mam so'olʋm pʋsʋka, mam wʋn bɔ fɔ.» 24Tɩ pugla la yese ka soke a ma yetɩ: «M sose bẽm?» Tɩ a ma lerge ẽ yetɩ: «Sose Azã n mise nẽrba ko'om pʋam na zuugo.» 25Tɩ pugla la lebe naba la zẽ'am tɔtɔ ka yele ẽ yetɩ: «Mam boorɩ tɩ fʋ dɩkɛ la Azã n mise nẽrba ko'om pʋam na zuugo ẽŋɛ la-pɛsŋa pʋam bɔ ma lɛɛlɛ wã.» 26Tɩ naba la sũure sã'am halɩ, la ẽn pɔɩ nẽrba la zẽ'am na ĩyã, a ka boorɩ tɩ a mõŋɛ ẽ. 27Tɩ a tõm a sʋdaaga tɔtɔ yetɩ, a sẽŋɛ ka wike Azã zuugo tarɩ wa'am. Tɩ a yese sẽŋɛ yʋ'a deem na ka wike Azã zuugo, 28dɩkɛ ẽŋɛ la-pɛsŋa pʋam tarɩ wa'am wa bɔ pugla la. Tɩ pugla la dɩkɛ zuugo la bɔ a ma. 29Tɩ Azã karẽnbiisi wõm, sẽŋɛ ka dɩkɛ kũm na laagɛ.
Azezi bɔ nẽr-kʋʋŋɔ dia
(Amatie 14:13-21, Aluki 9:10-17, Azã 6:1-14)
30Azezi n tõm sɛba la leme mɛ wa lagsɛ taaba a zẽ'am tɔgɛ pa'alɛ ẽ bãma n ẽŋɛ sɛla, la bãma n zãsʋm se'em wuu. 31La nẽrba zozo'e n daan sẽnnɩ mĩ dee fõrgra, tɩ Azezi la a karẽnbiisi la daan ka yẽ folle wʋn di. Tɩ Azezi yele a karẽnbiisi la yetɩ: «Wa'am-ya tɩ tɩ yese kẽnkɛrŋa zẽ'e-sɛka tɩ nẽrba ka boe mĩ na, tɩ ya ka vo'ose fẽe.» 32Tɩ ba kẽ õorŋɔ wɛ'ɛsa kẽnkɛrŋa zẽ'e-sɛka tɩ nẽrba ka boe.
33Tɩ nẽrba zozo'e daan yẽ ban we'esɩ la bãŋɛ ba, daan yese tẽnsɩ la wuu pʋam lagɩm sẽŋɛ tɔtɔ dẽŋɛ Azezi la a karẽnbiisi la zẽ'e-sɛka tɩ ba we'esɩ la. 34Tɩ Azezi paagɛ ze'ele õorŋɔ la zuo sige, yẽ nẽr-kʋʋŋɔ la, tɩ ba ninbãalga yõkɛ ẽ, se'ere n soe la, ba ãn wʋ piisi n ka tarɩ dũnsĩina. Tɩ a daan zãsna ba yɛla zozo'e. 35Tɩ wẽnnɛ daan kẽ'era, tɩ a karẽnbiisi la sẽŋɛ ka yele ẽ yetɩ: «Kalam zẽ'a de la mõom dee tɩ wẽnnɛ kẽ'era, 36basɛ nẽrba la tɩ ba sẽŋɛ yiɛ, la tẽn-pɩgsɩ la ka da dia di.» 37Tɩ a lerge ba yetɩ: «Yãma mẽŋa bɔ ba dia tɩ ba di.» Tɩ ba soke ẽ yetɩ: «Tɩ wʋn sẽŋɛ ka da borborɩ lig-kõba kɔbsyi tarɩ wa'am wa bɔ ba tɩ ba di?» 38Tɩ Azezi soke ba yetɩ: «Yãma tarɩ la borborɩ balɛ? Sẽŋɛ-ya ka bɩsɛ.» Tɩ ba sẽŋɛ ka bɩsɛ, dee leme wa yetɩ: «Tõma tarɩ la borborɩ banuu la zũma bayi.»
39Tɩ Azezi yele ba yetɩ, ba basɛ tɩ nẽrba la welse sill-sille zĩ'ire mõ-mã'asa la zuo. 40Tɩ ba daan zĩ'ire kɔbga kɔbga, tɩ basɛba zĩ'ire pinu-nu. 41Tɩ Azezi dɩkɛ borborɩ banuu, la zũma bayi la gorge bɩsɛ saazuo pʋ'ʋsɛ Nawẽnnɛ, dee fiise borborɩ la bɔ a karẽnbiisi la yetɩ, ba pʋɩ nẽrba la, dee dɩkɛ zũma bayi la fiise bɔ ba wuu. 42Tɩ ba wuu di tɩgɛ. 43Tɩ a karẽnbiisi la vaagɛ borbor-gito, la zũn-gito n deege pɩrɛ pɩtɔ pia la ayi. 44Nẽrba la n daan di dia la, bʋraasɩ de la tʋsanuu.
Azezi sẽnnɩ ko'om zuo
(Amatie 14:22-33, Azã 6:15-21)
45Bɛla poorʋm tɩ Azezi darɛ basɛ tɩ a karẽnbiisi la kẽ õorŋɔ dẽŋɛ ẽ dɔɔra mõgrɛ la doone ke bɔba, Betisayida tẽŋa bɔba. Dee tɩ a mẽŋa weege tɩ a keese nẽrba la. 46La ẽn keese ba la, a sẽŋɛ la tãŋa zuo tɩ a ka pʋ'ʋsɛ. 47Tɩ wẽnnɛ kẽ tɩ õorŋɔ la bɔna ko-kãtɛ la tẽŋasʋka, dee tɩ Azezi bɔna doone ẽŋa ayɩla mã'a. 48Tɩ Azezi yẽ tɩ a karẽnbiisi la n mõnnɩ õorŋɔ la nãmsrɩ mɛ zozo'e, se'ere n soe la, kʋsebgo n vugri tʋ'ʋsra ba. Tɩ beere yɔna wiire, tɩ a sẽnna ko'om na zuo wɛ'ɛsa ba bɔba, bɔɔra tɩ a gãŋɛ ba tole. 49La ban yẽ ẽn sẽnnɩ ko'om na zuo la, ba tẽ'esɛ tɩ a de la ki-isgne, tɩ ba kaasɛ tagursi. 50Ba wuu yẽ ẽ mɛ, tɩ dabeem kẽ ba. Tɩ a darɛ yele ba yetɩ: «La de la mam, keŋe-ya ya sũure, da zoe-ya dabeem!» 51Dee zom ba zẽ'am õorŋɔ la pʋam, tɩ kʋsebgo la go'oge. Tɩ karẽnbiisi la palẽŋa ẽkɛ, tɩ ba zɛ yɛrɩ, se'ere n soe la, 52ba ka bãŋɛ borborɩ bõn-yãlma la võorɛ, ba pʋtẽ'era ka like.
Azezi botɩ bã'adõma yẽ ĩmã'asʋm Zenezarɛtɩ tẽŋam
(Amatie 14:34-36)
53Ba pãrgɛ mõgrɛ la dooge paagɛ la Zenezarɛtɩ, ze'ele mõgrɛ la nõorʋm. 54La ban daan ze'ele õorŋɔ la pʋam dooge la, tɩ nẽrba la bãŋɛ Azezi tɔtɔ. 55Tɩ ba zoe kẽ so'olʋm na wuu, tɩ ba zɛ bã'adõma ba bõn-gã'ala pʋam wa'am, bãma n wõm tɩ Azezi boe zẽ'e-sɛka la. 56La Azezi daan sãn ẽn sẽŋɛ zẽ'e-sɛka woo, tẽn-kãra, la tẽn-pɩgsɩ, la yiɛ n boe kẽnkɛrsɩ la, ba tarɩ la bã'adõma sẽnna gã'ata da'asɩ pʋam, dee bɛlna ẽ yetɩ, a basɛ tɩ bã'adõma la kalʋm a fuugo nõorɛ mã'a. La sɛba wuu n daan kalʋm a fuugo la yẽ ĩmã'asʋm mɛ.
Currently Selected:
Amarkɩ 6: gurDBL
Highlight
Share
Copy
Want to have your highlights saved across all your devices? Sign up or sign in
© 2008, 2010, Wycliffe Bible Translators, Inc. All rights reserved.
Amarkɩ 6
6
Nazarɛtɩ nẽrba ka bɔ Azezi sɩra
(Amatie 13:53-58, Aluki 4:16-30)
1Azezi daan basɛ tẽn-ẽŋa dee sẽŋɛ la a mẽŋa tẽŋam, tɩ a karẽnbiisi la doose ẽ. 2Tɩ Zifdõma vo'osgo daarɛ tɩ a kẽ ba wẽndeem zãsna nẽrba. Tɩ nẽrba pãɩ wõm a zãsŋɔ la, tɩ la di'ige ba, tɩ ba sɔkra taaba yetɩ: «Bʋra-ẽna yẽ zãsŋɔ ẽna la bɛ? Ãne bɔ ẽ yɛm ẽna? A ẽŋɛ la wãne ɩta bõn-yãlma bɛla? 3Dagɩ ẽna n de dɔ-wãta la? Dagɩ ẽna n de Amaari dayʋa, tɩ a yɩbsɩ dɛna Azakɩ, la Azoze, la Azudi, la Asimõ la? Dagɩ a tãpa n boe tõma zẽ'am kalam wã?» Bɛla tɩ ba zagsɛ ka bɔ Azezi sɩra. 4Tɩ a yele ba yetɩ: «Nawẽnnɛ nõtɔ'ɔsa yẽtɩ pẽka mɛ, sãn dagna a mẽŋa tẽŋa, la a buuri, la a yir-dõma tẽŋasʋka mã'a tɩ a ka yẽtɩ pẽka.» 5La a daan ka yãŋɛ tõm tõon-yãlma bilam, sãn dagna bã'adõma fẽe tɩ a daan dɩkɛ a nu'usi paglɛ ba zuto, tɩ ba yẽ ĩmã'asʋm. 6La ban daan ka bɔ ẽ sɩra la, la di'ige ẽ mɛ.
Azezi tõm a karẽnbiisi pia la ayi
(Amatie 10:5-15, Aluki 9:1-6)
Azezi daan kaarɩ la tẽnsɩ la n boe bilam na zãsna nẽrba, 7daan wi a karẽnbiisi pia la ayi la, tɩ ba wa'am a zẽ'am tɩ a tõm ba bayi bayi, dee bɔ ba pãŋa tɩ ba dige kʋlkã'arsɩ. 8Dee daan yele ba yetɩ: «Da dɩkɛ-ya sɛla sɛla sore la sẽnnɛ ĩyã, dɩkɛ-ya dasaarɛ mã'a, da tara-ya dia, bɩɩ tãmpɔkɔ, bɩɩ ligri sũm sẽŋɛ. 9La pire-ya tagra, dee da yɛ-ya futo bayi bayi.» 10A le yele ba yetɩ: «Yan sẽŋɛ ka sige yi-sɛka, kẽ'era-ya bilam ka paagɛ daar-sɛka tɩ ya wʋn yese fõrgɛ tẽŋa la. 11La tẽn-sɛka nẽrba n ka to'oge ya, bɩɩ ka selse ya yetɔga, ya yese zẽ'e-ẽŋa dee pɩɩsɛ ya nãma tẽntõnnɔ basɛ mĩ. Ya sãn ẽŋɛ bɛla, la wʋn pa'alɛ ba tɩ ba ka ẽŋɛ sõŋa.» 12Tɩ karẽnbiisi la sẽŋɛ ka mõola yetɩ, ba teege yɛm basɛ tõon-be'ero. 13Dee dige kʋlkã'arsɩ zozo'e tɩ ba yese, dee ẽŋɛ kaam ẽŋɛ bã'adõma zozo'e zuto, tɩ ba yẽ ĩmã'asʋm.
Azã n mise nẽrba ko'om pʋam na kũm yelle
(Amatie 14:1-12, Aluki 9:7-9)
14Tɩ naba A'erɔdɩ wõm Azezi yelle, se'ere n soe la, Azezi yʋ'ʋrɛ daan yese la zẽ'a woo. Tɩ nẽrba basɛba daan yɛta tɩ: «A de la Azã n daan misri nẽrba ko'om pʋam na n vo'oge, bɛla n soe tɩ a tara pãŋa tõnna tõon-yãlma.» 15Tɩ basɛba yetɩ: «A de la Nawẽnnɛ nõtɔ'ɔsa A'eli n leme wa'am.» Tɩ sɛba yetɩ: «A de la Nawẽnnɛ nõtɔ'ɔsa ayẽma wʋ Nawẽnnɛ nõtɔ'ɔsrɩba basɛba n daan boe la.» 16Tɩ naba A'erɔdɩ daan wõm bɛla, yetɩ: «A de la Azã sɛka tɩ mam daan botɩ ba wike a zuugo la n vo'oge.»
17Se'ere n soe la, A'erɔdɩ mẽŋa n daan botɩ ba yõkɛ Azã lʋ tarɩ ka kẽ'esɛ yʋ'a deem, a kẽema Afilipi pɔga A'erodɩadɩ ĩyã. Se'ere n soe la, a daan fãagɛ la a kẽema pɔga di. 18Tɩ Azã daan yele ẽ yetɩ, la ka masɛ tɩ a fãagɛ a kẽema pɔga di. 19Tɩ A'erodɩadɩ sũure yĩige la Azã, tɩ a zɩgra tɩ a kʋ ẽ, la A'erɔdɩ ĩyã a ka tã'agɛ kʋ ẽ. 20A'erɔdɩ daan zotɩ Azã mɛ, a daan mi tɩ a de la nẽr-sõŋɔ, dee dɛna pʋpeelem dãana, bɛla ĩyã tɩ a gu'ura ẽ tɩ sɛla da ẽŋɛ ẽ. A daan sãn ẽn sɛlsra Azã yetɔga, la dãanɩ ẽ mɛ zozo'e, la baa bɛla, a ẽn sɛlsra ẽ mɛ la sũ-yẽlga.
21La daarɛ ayɩla tɩ A'erɔdɩ ẽŋɛ a dɔka daarɛ kibsa, wi a tẽŋa nẽrzuto, la sʋda-kɛ'ɛndõma, la Galile nẽŋadõma. Tɩ A'erodɩadɩ yẽ sore ẽŋɛ ẽŋa n boorɩ se'em na. 22A'erodɩadɩ pɔyʋa n daan kẽ ka wa, tɩ A'erɔdɩ, la sãama la sũure ẽŋɛ yẽlʋm. Tɩ naba la yele pugla la yetɩ: «Sose mam fõn boorɩ sɛla tɩ m bɔ fɔ.» 23Dee pɔɩ yetɩ: «Bõn-sɛka wuu tɩ fʋ wʋn sose mam, baa la sãn dɛna mam so'olʋm pʋsʋka, mam wʋn bɔ fɔ.» 24Tɩ pugla la yese ka soke a ma yetɩ: «M sose bẽm?» Tɩ a ma lerge ẽ yetɩ: «Sose Azã n mise nẽrba ko'om pʋam na zuugo.» 25Tɩ pugla la lebe naba la zẽ'am tɔtɔ ka yele ẽ yetɩ: «Mam boorɩ tɩ fʋ dɩkɛ la Azã n mise nẽrba ko'om pʋam na zuugo ẽŋɛ la-pɛsŋa pʋam bɔ ma lɛɛlɛ wã.» 26Tɩ naba la sũure sã'am halɩ, la ẽn pɔɩ nẽrba la zẽ'am na ĩyã, a ka boorɩ tɩ a mõŋɛ ẽ. 27Tɩ a tõm a sʋdaaga tɔtɔ yetɩ, a sẽŋɛ ka wike Azã zuugo tarɩ wa'am. Tɩ a yese sẽŋɛ yʋ'a deem na ka wike Azã zuugo, 28dɩkɛ ẽŋɛ la-pɛsŋa pʋam tarɩ wa'am wa bɔ pugla la. Tɩ pugla la dɩkɛ zuugo la bɔ a ma. 29Tɩ Azã karẽnbiisi wõm, sẽŋɛ ka dɩkɛ kũm na laagɛ.
Azezi bɔ nẽr-kʋʋŋɔ dia
(Amatie 14:13-21, Aluki 9:10-17, Azã 6:1-14)
30Azezi n tõm sɛba la leme mɛ wa lagsɛ taaba a zẽ'am tɔgɛ pa'alɛ ẽ bãma n ẽŋɛ sɛla, la bãma n zãsʋm se'em wuu. 31La nẽrba zozo'e n daan sẽnnɩ mĩ dee fõrgra, tɩ Azezi la a karẽnbiisi la daan ka yẽ folle wʋn di. Tɩ Azezi yele a karẽnbiisi la yetɩ: «Wa'am-ya tɩ tɩ yese kẽnkɛrŋa zẽ'e-sɛka tɩ nẽrba ka boe mĩ na, tɩ ya ka vo'ose fẽe.» 32Tɩ ba kẽ õorŋɔ wɛ'ɛsa kẽnkɛrŋa zẽ'e-sɛka tɩ nẽrba ka boe.
33Tɩ nẽrba zozo'e daan yẽ ban we'esɩ la bãŋɛ ba, daan yese tẽnsɩ la wuu pʋam lagɩm sẽŋɛ tɔtɔ dẽŋɛ Azezi la a karẽnbiisi la zẽ'e-sɛka tɩ ba we'esɩ la. 34Tɩ Azezi paagɛ ze'ele õorŋɔ la zuo sige, yẽ nẽr-kʋʋŋɔ la, tɩ ba ninbãalga yõkɛ ẽ, se'ere n soe la, ba ãn wʋ piisi n ka tarɩ dũnsĩina. Tɩ a daan zãsna ba yɛla zozo'e. 35Tɩ wẽnnɛ daan kẽ'era, tɩ a karẽnbiisi la sẽŋɛ ka yele ẽ yetɩ: «Kalam zẽ'a de la mõom dee tɩ wẽnnɛ kẽ'era, 36basɛ nẽrba la tɩ ba sẽŋɛ yiɛ, la tẽn-pɩgsɩ la ka da dia di.» 37Tɩ a lerge ba yetɩ: «Yãma mẽŋa bɔ ba dia tɩ ba di.» Tɩ ba soke ẽ yetɩ: «Tɩ wʋn sẽŋɛ ka da borborɩ lig-kõba kɔbsyi tarɩ wa'am wa bɔ ba tɩ ba di?» 38Tɩ Azezi soke ba yetɩ: «Yãma tarɩ la borborɩ balɛ? Sẽŋɛ-ya ka bɩsɛ.» Tɩ ba sẽŋɛ ka bɩsɛ, dee leme wa yetɩ: «Tõma tarɩ la borborɩ banuu la zũma bayi.»
39Tɩ Azezi yele ba yetɩ, ba basɛ tɩ nẽrba la welse sill-sille zĩ'ire mõ-mã'asa la zuo. 40Tɩ ba daan zĩ'ire kɔbga kɔbga, tɩ basɛba zĩ'ire pinu-nu. 41Tɩ Azezi dɩkɛ borborɩ banuu, la zũma bayi la gorge bɩsɛ saazuo pʋ'ʋsɛ Nawẽnnɛ, dee fiise borborɩ la bɔ a karẽnbiisi la yetɩ, ba pʋɩ nẽrba la, dee dɩkɛ zũma bayi la fiise bɔ ba wuu. 42Tɩ ba wuu di tɩgɛ. 43Tɩ a karẽnbiisi la vaagɛ borbor-gito, la zũn-gito n deege pɩrɛ pɩtɔ pia la ayi. 44Nẽrba la n daan di dia la, bʋraasɩ de la tʋsanuu.
Azezi sẽnnɩ ko'om zuo
(Amatie 14:22-33, Azã 6:15-21)
45Bɛla poorʋm tɩ Azezi darɛ basɛ tɩ a karẽnbiisi la kẽ õorŋɔ dẽŋɛ ẽ dɔɔra mõgrɛ la doone ke bɔba, Betisayida tẽŋa bɔba. Dee tɩ a mẽŋa weege tɩ a keese nẽrba la. 46La ẽn keese ba la, a sẽŋɛ la tãŋa zuo tɩ a ka pʋ'ʋsɛ. 47Tɩ wẽnnɛ kẽ tɩ õorŋɔ la bɔna ko-kãtɛ la tẽŋasʋka, dee tɩ Azezi bɔna doone ẽŋa ayɩla mã'a. 48Tɩ Azezi yẽ tɩ a karẽnbiisi la n mõnnɩ õorŋɔ la nãmsrɩ mɛ zozo'e, se'ere n soe la, kʋsebgo n vugri tʋ'ʋsra ba. Tɩ beere yɔna wiire, tɩ a sẽnna ko'om na zuo wɛ'ɛsa ba bɔba, bɔɔra tɩ a gãŋɛ ba tole. 49La ban yẽ ẽn sẽnnɩ ko'om na zuo la, ba tẽ'esɛ tɩ a de la ki-isgne, tɩ ba kaasɛ tagursi. 50Ba wuu yẽ ẽ mɛ, tɩ dabeem kẽ ba. Tɩ a darɛ yele ba yetɩ: «La de la mam, keŋe-ya ya sũure, da zoe-ya dabeem!» 51Dee zom ba zẽ'am õorŋɔ la pʋam, tɩ kʋsebgo la go'oge. Tɩ karẽnbiisi la palẽŋa ẽkɛ, tɩ ba zɛ yɛrɩ, se'ere n soe la, 52ba ka bãŋɛ borborɩ bõn-yãlma la võorɛ, ba pʋtẽ'era ka like.
Azezi botɩ bã'adõma yẽ ĩmã'asʋm Zenezarɛtɩ tẽŋam
(Amatie 14:34-36)
53Ba pãrgɛ mõgrɛ la dooge paagɛ la Zenezarɛtɩ, ze'ele mõgrɛ la nõorʋm. 54La ban daan ze'ele õorŋɔ la pʋam dooge la, tɩ nẽrba la bãŋɛ Azezi tɔtɔ. 55Tɩ ba zoe kẽ so'olʋm na wuu, tɩ ba zɛ bã'adõma ba bõn-gã'ala pʋam wa'am, bãma n wõm tɩ Azezi boe zẽ'e-sɛka la. 56La Azezi daan sãn ẽn sẽŋɛ zẽ'e-sɛka woo, tẽn-kãra, la tẽn-pɩgsɩ, la yiɛ n boe kẽnkɛrsɩ la, ba tarɩ la bã'adõma sẽnna gã'ata da'asɩ pʋam, dee bɛlna ẽ yetɩ, a basɛ tɩ bã'adõma la kalʋm a fuugo nõorɛ mã'a. La sɛba wuu n daan kalʋm a fuugo la yẽ ĩmã'asʋm mɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2008, 2010, Wycliffe Bible Translators, Inc. All rights reserved.