Amarkɩ 11
11
Azezi kẽ'erɩ Zerizalɛm la na'am
(Amatie 21:1-11, Aluki 19:28-40, Azã 12:12-19)
1Azezi la a karẽnbiisi la daan sẽŋɛ ka yɔna la Zerizalɛm, lɛm Betɩfaazɩ la Betani, Oliivi tãŋa la zẽ'am. Tɩ a tõm a karẽnbiisi bayi, 2yele ba yetɩ: «Sẽŋɛ-ya tẽn-sɛka n boe ya nẽŋa la pʋam. Ya sãn paagɛ mĩ, ya wʋn yẽ bõn-biire tɩ ba lʋ ze'ele, tɩ nẽra nãn ka bã ẽ. Ya lorge ẽ tarɩ wa'am. 3La nẽra sãn soke ya yetɩ: ‹Wãne tɩ ya lɔrgra ẽ?›, ya lerge ẽ yetɩ: ‹Zuudãana la n boorɩ ẽ›, tɩ a wʋn basɛ tɩ ya tarɩ ẽ leme wa'am tɔtɔ.» 4Tɩ ba sẽŋɛ ka yẽ bõn-biire la n lʋ zanõrʋm sore nõorʋm, tɩ ba lorge ẽ. 5La nẽrba basɛba n daan ze bilam soke ba yetɩ: «Wãne tɩ yãma lɔrgra bõn-biire la?» 6Tɩ ba lerge wʋ Azezi n yele ba se'em na, tɩ nẽrba la basɛ ba. 7Tɩ ba tarɩ bõn-biire la sẽŋɛ Azezi zẽ'am, ka dɩkɛ ba futo paglɛ a zuo, tɩ Azezi bã. 8Tɩ nẽrba zozo'e yɛrgɛ ba futo sore zuo, tɩ basɛba sẽŋɛ va'am ka kɔ võorɔ wa yɛrgɛ sore zuo. 9Tɩ nẽr-sɛba n boe a nẽŋa, la sɛba n boe a poorʋm na daan tĩi tɔgra yetɩ:
«Ozaana! Pẽgɛ-ya nẽr-sɛka n sẽm
la Zuudãana Nawẽnnɛ yʋ'ʋrɛ la.
10Pẽgɛ-ya nẽr-sɛka n sẽm tɩ a di tɩ yaaba Adavidi na'am na.
Ozaana! Nã'asɛ-ya Nawẽnnɛ n boe saazuum.»
11Tɩ Azezi paagɛ Zerizalɛm kẽ Wẽnde-kãtʋm na bɩsɛ sɛla woo kaagɛ. Tɩ wẽnnɛ mã'agɛ, tɩ ẽŋa la a karẽnbiisi pia la ayi la yese sẽŋɛ Betani.
Azezi kã be'em bɔ kẽnkãŋa
(Amatie 21:18-19)
12Tɩ beere wiige, tɩ ba ze'ele Betani lɛbra Zerizalɛm, tɩ Azezi kɔm dõnna. 13Tɩ a yẽ kẽnkãŋa n ze zãazãarɛ tara võorɔ, tɩ a sẽŋɛ tɩ a ka bɩsɛ a na'an wʋn yẽ sɛla kẽnkãŋa la zuo. La ẽn paagɛ la, a ka yẽ sɛla a zuo, a yẽ la võorɔ mã'a. Se'ere n soe la, kẽnkãma wakatɛ daan nãn ka paagɛ. 14Tɩ Azezi yele kẽnkãŋa la yetɩ: «Nẽra kãn le malɩn di fʋ biɛ.» Tɩ a karẽnbiisi la wõm.
Azezi dige nẽrba n koosrɩ lɔgrɔ Wẽnde-kãtʋm na
(Amatie 21:12-17, Aluki 19:45-48, Azã 2:13-22)
15Tɩ ba paagɛ Zerizalɛm, tɩ Azezi kẽ Wẽnde-kãtɛ la zẽnzakam digra nẽr-sɛba n koosrɩ, la sɛba n da'arɩ Wẽndeem na tɩ ba yɛsra. Dee zã'agɛ lig-tɛɛrba taablɩdõma, la sɛba n koosrɩ na'adawɛma la kʋgsɩ lʋbɛ. 16La a daan ka sakɛ tɩ nẽra zɛɛra sɛla dɔla Wẽnde-kãtɛ la zẽnzakam. 17Dee daan zãsna nẽrba la yetɩ: «La gʋlsɛ Nawẽnnɛ gõŋɔ pʋam tɩ Nawẽnnɛ yetɩ: ‹Ba wʋn wi'ira mam deego la tɩ pʋ'ʋsgɔ deego buuri wuu ĩyã.› La yãma dɩkɛ ẽ ẽŋɛ la nayigba lagsgɔ zẽ'a.»
18Tɩ Nawẽnnɛ kãabgɔ kẽma nẽŋadõma, la lɔɔ karẽnsãandõma wõm bɛla, ɛɛra bãma n wʋn ẽŋɛ se'em kʋ ẽ, la ba zotɩ ẽ mɛ, se'ere n soe la, a zãsŋɔ la daan kẽ nẽr-kʋʋŋɔ la sũure mɛ zozo'e. 19Tɩ zaanõorɛ daan mã'agɛ, tɩ Azezi la a karẽnbiisi yese tẽŋa la pʋam.
Kẽnkãŋa n kʋɩ yelle
(Amatie 21:20-22)
20Tɩ bulika yʋ'ʋŋɔ yʋ'ʋŋɔ tɩ ba dɔla sore la, yẽ kẽnkãŋa la n kʋɩ la yẽga wuu. 21Tɩ Apɩyɛɛrɩ tẽegɛ lan ẽŋɛ se'em na, yele Azezi yetɩ: «Karẽnsãama, bɩsɛ, kẽnkãŋa la tɩ fʋ kã be'em bɔ ẽ na kʋɩ mɛ.» 22Tɩ Azezi yele ba yetɩ: «Bɔ-ya Nawẽnnɛ sɩra. 23Mam yetɩ ya la asɩra, tɩ nẽra sãn yele tãn-ẽna yetɩ: ‹Võogɛ ka lui mõgrɛ pʋam›, dee bɔ sɩra a sũure pʋam tɩ ẽŋa n yele se'em na wʋn ẽŋɛ, dee ka sẽ'ena, la wʋn sɩrɩ ẽŋɛ. 24Bɛla tɩ mam yetɩ, ya sãn pʋ'ʋsra Nawẽnnɛ sɔsra sɛla, bɔ-ya Nawẽnnɛ sɩra tɩ ya to'oge ya, tɩ ya wʋn sɩrɩ to'oge. 25La ya sãn bɔna mĩ pʋ'ʋsra Nawẽnnɛ, ya sãn tara yelle la nẽra, basɛ-ya ẽ taalɛ, tɩ ya Sɔ Nawẽnnɛ n boe saazuum mẽ basɛ ya tõon-be'ero taalɛ. [ 26Yãma sãn ka basɛ nẽr-sɛba n ẽŋɛ ya be'em na taalɛ, ya Sɔ Nawẽnnɛ n boe saazuum mẽ kãn basɛ ya tõon-be'ero taalɛ.]»
Ãne n bɔ Azezi nõorɛ tɩ a tõnna?
(Amatie 21:23-27, Aluki 20:1-8)
27Azezi la a karẽnbiisi la le sẽŋɛ la Zerizalɛm, tɩ Azezi kẽ Wẽnde-kãtʋm na ɛɛra. Tɩ kãabgɔ kẽma nẽŋadõma, la lɔɔ karẽnsãandõma, la tẽŋa la kẽma sẽŋɛ a zẽ'am, 28ka soke ẽ yetɩ: «Fõn yẽ nõorɛ la bɛ ɩta bõn-bãna? Bɩɩ ãne n bɔ fõn nõorɛ tɩ fõn ɩta bõn-bãna?» 29Tɩ Azezi lerge ba yetɩ: «Mam wʋn soke ya sokre ayɩla, tɩ ya sãn lerge mam, mam mẽ wʋn yele ya nõor-sɛka tɩ mam tarɩ ɩta bõn-bãna. 30Azã n daan misri nẽrba ko'om pʋam na, la de la Nawẽnnɛ n tõm ẽ bɩɩ, la de la nẽrsaalba? Lerge-ya ma.» 31Tɩ ba bãm na taaba yetɩ: «Tɩ sãn lerge yetɩ, la de la Nawẽnnɛ n tõm ẽ, a wʋn yetɩ, bẽm ĩyã tɩ tõma ka sakɛ ẽ? 32Tɩ mẽ kãn tã'agɛ yetɩ la de la nẽrsaalba n tõm ẽ.» Ba daan zotɩ la nẽrba la, se'ere n soe la, nẽrba la wuu daan sakɛ tɩ Azã sɩrɩ de la Nawẽnnɛ nõtɔ'ɔsa. 33Tɩ ba koŋe lerge ẽ yetɩ: «Tõma ka mi.» Tɩ Azezi yele ba yetɩ: «Mam mẽ kãn yele ya mam n yẽ nõorɛ zẽ'e-sɛka ɩta bõn-bãma.»
Currently Selected:
Amarkɩ 11: gurDBL
Highlight
Share
Copy
Want to have your highlights saved across all your devices? Sign up or sign in
© 2008, 2010, Wycliffe Bible Translators, Inc. All rights reserved.
Amarkɩ 11
11
Azezi kẽ'erɩ Zerizalɛm la na'am
(Amatie 21:1-11, Aluki 19:28-40, Azã 12:12-19)
1Azezi la a karẽnbiisi la daan sẽŋɛ ka yɔna la Zerizalɛm, lɛm Betɩfaazɩ la Betani, Oliivi tãŋa la zẽ'am. Tɩ a tõm a karẽnbiisi bayi, 2yele ba yetɩ: «Sẽŋɛ-ya tẽn-sɛka n boe ya nẽŋa la pʋam. Ya sãn paagɛ mĩ, ya wʋn yẽ bõn-biire tɩ ba lʋ ze'ele, tɩ nẽra nãn ka bã ẽ. Ya lorge ẽ tarɩ wa'am. 3La nẽra sãn soke ya yetɩ: ‹Wãne tɩ ya lɔrgra ẽ?›, ya lerge ẽ yetɩ: ‹Zuudãana la n boorɩ ẽ›, tɩ a wʋn basɛ tɩ ya tarɩ ẽ leme wa'am tɔtɔ.» 4Tɩ ba sẽŋɛ ka yẽ bõn-biire la n lʋ zanõrʋm sore nõorʋm, tɩ ba lorge ẽ. 5La nẽrba basɛba n daan ze bilam soke ba yetɩ: «Wãne tɩ yãma lɔrgra bõn-biire la?» 6Tɩ ba lerge wʋ Azezi n yele ba se'em na, tɩ nẽrba la basɛ ba. 7Tɩ ba tarɩ bõn-biire la sẽŋɛ Azezi zẽ'am, ka dɩkɛ ba futo paglɛ a zuo, tɩ Azezi bã. 8Tɩ nẽrba zozo'e yɛrgɛ ba futo sore zuo, tɩ basɛba sẽŋɛ va'am ka kɔ võorɔ wa yɛrgɛ sore zuo. 9Tɩ nẽr-sɛba n boe a nẽŋa, la sɛba n boe a poorʋm na daan tĩi tɔgra yetɩ:
«Ozaana! Pẽgɛ-ya nẽr-sɛka n sẽm
la Zuudãana Nawẽnnɛ yʋ'ʋrɛ la.
10Pẽgɛ-ya nẽr-sɛka n sẽm tɩ a di tɩ yaaba Adavidi na'am na.
Ozaana! Nã'asɛ-ya Nawẽnnɛ n boe saazuum.»
11Tɩ Azezi paagɛ Zerizalɛm kẽ Wẽnde-kãtʋm na bɩsɛ sɛla woo kaagɛ. Tɩ wẽnnɛ mã'agɛ, tɩ ẽŋa la a karẽnbiisi pia la ayi la yese sẽŋɛ Betani.
Azezi kã be'em bɔ kẽnkãŋa
(Amatie 21:18-19)
12Tɩ beere wiige, tɩ ba ze'ele Betani lɛbra Zerizalɛm, tɩ Azezi kɔm dõnna. 13Tɩ a yẽ kẽnkãŋa n ze zãazãarɛ tara võorɔ, tɩ a sẽŋɛ tɩ a ka bɩsɛ a na'an wʋn yẽ sɛla kẽnkãŋa la zuo. La ẽn paagɛ la, a ka yẽ sɛla a zuo, a yẽ la võorɔ mã'a. Se'ere n soe la, kẽnkãma wakatɛ daan nãn ka paagɛ. 14Tɩ Azezi yele kẽnkãŋa la yetɩ: «Nẽra kãn le malɩn di fʋ biɛ.» Tɩ a karẽnbiisi la wõm.
Azezi dige nẽrba n koosrɩ lɔgrɔ Wẽnde-kãtʋm na
(Amatie 21:12-17, Aluki 19:45-48, Azã 2:13-22)
15Tɩ ba paagɛ Zerizalɛm, tɩ Azezi kẽ Wẽnde-kãtɛ la zẽnzakam digra nẽr-sɛba n koosrɩ, la sɛba n da'arɩ Wẽndeem na tɩ ba yɛsra. Dee zã'agɛ lig-tɛɛrba taablɩdõma, la sɛba n koosrɩ na'adawɛma la kʋgsɩ lʋbɛ. 16La a daan ka sakɛ tɩ nẽra zɛɛra sɛla dɔla Wẽnde-kãtɛ la zẽnzakam. 17Dee daan zãsna nẽrba la yetɩ: «La gʋlsɛ Nawẽnnɛ gõŋɔ pʋam tɩ Nawẽnnɛ yetɩ: ‹Ba wʋn wi'ira mam deego la tɩ pʋ'ʋsgɔ deego buuri wuu ĩyã.› La yãma dɩkɛ ẽ ẽŋɛ la nayigba lagsgɔ zẽ'a.»
18Tɩ Nawẽnnɛ kãabgɔ kẽma nẽŋadõma, la lɔɔ karẽnsãandõma wõm bɛla, ɛɛra bãma n wʋn ẽŋɛ se'em kʋ ẽ, la ba zotɩ ẽ mɛ, se'ere n soe la, a zãsŋɔ la daan kẽ nẽr-kʋʋŋɔ la sũure mɛ zozo'e. 19Tɩ zaanõorɛ daan mã'agɛ, tɩ Azezi la a karẽnbiisi yese tẽŋa la pʋam.
Kẽnkãŋa n kʋɩ yelle
(Amatie 21:20-22)
20Tɩ bulika yʋ'ʋŋɔ yʋ'ʋŋɔ tɩ ba dɔla sore la, yẽ kẽnkãŋa la n kʋɩ la yẽga wuu. 21Tɩ Apɩyɛɛrɩ tẽegɛ lan ẽŋɛ se'em na, yele Azezi yetɩ: «Karẽnsãama, bɩsɛ, kẽnkãŋa la tɩ fʋ kã be'em bɔ ẽ na kʋɩ mɛ.» 22Tɩ Azezi yele ba yetɩ: «Bɔ-ya Nawẽnnɛ sɩra. 23Mam yetɩ ya la asɩra, tɩ nẽra sãn yele tãn-ẽna yetɩ: ‹Võogɛ ka lui mõgrɛ pʋam›, dee bɔ sɩra a sũure pʋam tɩ ẽŋa n yele se'em na wʋn ẽŋɛ, dee ka sẽ'ena, la wʋn sɩrɩ ẽŋɛ. 24Bɛla tɩ mam yetɩ, ya sãn pʋ'ʋsra Nawẽnnɛ sɔsra sɛla, bɔ-ya Nawẽnnɛ sɩra tɩ ya to'oge ya, tɩ ya wʋn sɩrɩ to'oge. 25La ya sãn bɔna mĩ pʋ'ʋsra Nawẽnnɛ, ya sãn tara yelle la nẽra, basɛ-ya ẽ taalɛ, tɩ ya Sɔ Nawẽnnɛ n boe saazuum mẽ basɛ ya tõon-be'ero taalɛ. [ 26Yãma sãn ka basɛ nẽr-sɛba n ẽŋɛ ya be'em na taalɛ, ya Sɔ Nawẽnnɛ n boe saazuum mẽ kãn basɛ ya tõon-be'ero taalɛ.]»
Ãne n bɔ Azezi nõorɛ tɩ a tõnna?
(Amatie 21:23-27, Aluki 20:1-8)
27Azezi la a karẽnbiisi la le sẽŋɛ la Zerizalɛm, tɩ Azezi kẽ Wẽnde-kãtʋm na ɛɛra. Tɩ kãabgɔ kẽma nẽŋadõma, la lɔɔ karẽnsãandõma, la tẽŋa la kẽma sẽŋɛ a zẽ'am, 28ka soke ẽ yetɩ: «Fõn yẽ nõorɛ la bɛ ɩta bõn-bãna? Bɩɩ ãne n bɔ fõn nõorɛ tɩ fõn ɩta bõn-bãna?» 29Tɩ Azezi lerge ba yetɩ: «Mam wʋn soke ya sokre ayɩla, tɩ ya sãn lerge mam, mam mẽ wʋn yele ya nõor-sɛka tɩ mam tarɩ ɩta bõn-bãna. 30Azã n daan misri nẽrba ko'om pʋam na, la de la Nawẽnnɛ n tõm ẽ bɩɩ, la de la nẽrsaalba? Lerge-ya ma.» 31Tɩ ba bãm na taaba yetɩ: «Tɩ sãn lerge yetɩ, la de la Nawẽnnɛ n tõm ẽ, a wʋn yetɩ, bẽm ĩyã tɩ tõma ka sakɛ ẽ? 32Tɩ mẽ kãn tã'agɛ yetɩ la de la nẽrsaalba n tõm ẽ.» Ba daan zotɩ la nẽrba la, se'ere n soe la, nẽrba la wuu daan sakɛ tɩ Azã sɩrɩ de la Nawẽnnɛ nõtɔ'ɔsa. 33Tɩ ba koŋe lerge ẽ yetɩ: «Tõma ka mi.» Tɩ Azezi yele ba yetɩ: «Mam mẽ kãn yele ya mam n yẽ nõorɛ zẽ'e-sɛka ɩta bõn-bãma.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2008, 2010, Wycliffe Bible Translators, Inc. All rights reserved.