Aluki 1
1
Se'ere n soe tɩ Aluki gʋlsɛ gõŋɔ la
1Mam sɩr-sõŋɔ Ateofili, nẽrba zozo'e n mõrgɛ gʋlsɛ yel-sɛba wuu n ẽŋɛ tõma zẽ'am na. 2Ba gʋlsɛ yel-bãma wuu wʋ nẽrba basɛba n daan yẽ yɛla la wuu halɩ ba pĩ'iluŋo, dee mõolɛ kõ-yẽlga la tɔgɛ pa'alɛ tɩ tõma wõm se'em na. 3Bɛla ĩyã tɩ mam mã'agɛ m mẽŋa doose yel-bãma nãma sõŋa sõŋa halɩ ba pĩ'iluŋo pʋam, tɩ mam tẽ'esɛ tɩ la ãn sõŋa tɩ m gʋlsɛ yɛla la n doose taaba se'em na bɔ fɔ. 4Mam gʋlsrɩ wãna tɩ fʋ bãŋɛ mɛ tɩ yel-bãna wuu tɩ ba pa'alɛ fʋ la de la sɩra.
Azakari bia Azã tɩ ba wʋn dɔgɛ yelle
5Se'emwẽnʋm tɩ A'erɔdɩ daan de Zude tẽŋa naba la, bʋraa n daan boe tɩ a yʋ'ʋrɛ dɛna Azakari. A daan de la Zifdõma kãabgɔ kẽema, a de la Abiya buuri nẽra. Tɩ a pɔga yʋ'ʋrɛ dɛna A'elizabɛtɩ, ẽŋa mẽ daan de la kãabgɔ kẽma nẽŋadãana Aarõ buuri. 6Bãma bayi daan de la nẽrba n ɩtɩ sõŋa Nawẽnnɛ nifum, dee sakra Nawẽnnɛ nõorɛ, la a lɔɔ la wuu sõŋa. 7La ba daan ka tarɩ bia, se'ere n soe la, A'elizabɛtɩ daan de la kõndɔgrɛ, la bãma bayi la wuu mẽ kʋrgɛ mɛ.
8La wakatɛ n daan paagɛ tɩ Abiya buuri kẽ Wẽnde-kãtɛ la pʋam tɩ ba tõm. Tɩ Azakari mẽ kẽ tɩ a tõm. 9Kãabgɔ kẽma la malŋɔ daan de la ba pɔsɛ looge nẽr-sɛka n wʋn kẽ zẽ'e-sõŋɔ pʋam yõ tɩdarɛ bɔ Nawẽnnɛ. Tɩ ba daan pɔsɛ, tɩ la yõkɛ Azakari. Tɩ Azakari kẽ tɩ a yõ. 10La tɩdarɛ la yõ'a wakatɛ nẽr-kʋʋŋɔ la wuu boe la yẽŋa pʋ'ʋsra Nawẽnnɛ.
11Tɩ Nawẽnnɛ malɛka darɛ wa'am Azakari zẽ'am wa zɛ tɩdarɛ yõ'a bĩmbĩnne na zʋʋgɔ bɔba. 12La Azakari n yẽ ẽ na, a palẽŋa n ẽkɛ halɩ, tɩ dabeem kẽ ẽ. 13Tɩ malɛka la yele ẽ yetɩ: «Azakari, da zoe dabeem, tɩ Nawẽnnɛ wõm fʋ pʋ'ʋsgɔ mɛ. Fʋ pɔga A'elizabɛtɩ wʋn dɔgɛ la budibla, tɩ fʋ sɩ a yʋ'ʋrɛ tɩ Azã. 14La fʋ wʋn ẽŋɛ sũ-yẽlga sɩrʋm. La nẽrba zozo'e wʋn ẽŋɛ sũ-yẽlga bia la dɔka ĩyã. 15A wʋn dɛna la nẽr-keko Zuudãana Nawẽnnɛ nifum, la a kãn yũ dãam bɩɩ bõn-yũula n bugri. Nawẽnnɛ Sɩa wʋn bɔna la ẽ halɩ lan pɔsɛ ẽn boe a ma pʋʋrʋm, la wakatɛ wuu. 16A wʋn botɩ Ɩsrayɛlɩ nẽrba zozo'e lebe sakɛ ba Zuudãana Nawẽnnɛ. 17La a wʋn dẽŋɛ Zuudãana nẽŋam tara Nawẽnnɛ Sɩa pãŋa wʋ Nawẽnnɛ nõtɔ'ɔsa A'eli n daan tarɩ se'em na. La a wʋn naagɛ sɔdõma la ba kɔma yɛla, dee wʋn botɩ nẽr-sɛba n sɩ'ɩsrɩ Nawẽnnɛ nõorɛ la tara yɛm ɩta wʋ sɛba n ɩtɩ sɛla n masɛ la. A wʋn botɩ nẽrba mãasʋm sõŋa gu'ura tɩ Zuudãana.»
18Tɩ Azakari soke malɛka la yetɩ: «Bẽm n wʋn botɩ mam bãŋɛ tɩ bõn-ẽna de la sɩra? Se'ere n soe la, mam de la bʋra-yã'aŋa dee tɩ mam pɔga mẽ kʋrgɛ.» 19Tɩ malɛka la lerge ẽ yetɩ: «Mam yʋ'ʋrɛ de la Agabrɩyɛlɩ, mam ze la Nawẽnnɛ nẽŋam. Ẽŋa n tõm mam yetɩ, m wa'am yele fʋ yetɔg-yẽlga wã. 20La fõn ka sakɛ mam yetɔga la ĩyã, fʋ nõorɛ n wʋn mãam. La wakatɛ sãn paagɛ, bõn-sɛba tɩ mam yele fʋ la wʋn ẽŋɛ. La fʋ kãn le tãna tɔgra, halɩ tɩ la paagɛ daar-sɛka tɩ bõn-bãna wʋn ẽŋɛ la.»
21Wakat-ẽŋa, nẽrba la daan gu'uri mɛ tɩ Azakari yese. La ẽn daan boe zẽ'e-sõŋɔ la pʋam yuura la, ba palẽŋa n ẽkɛ. 22La ẽn yãŋa wa yese la, a ka tã'agɛ tɔgɛ la nẽrba la. A nõorʋm n mãam tɩ a tara nu'usi magra pa'ala ba. Bɛla tɩ ba bãŋɛ tɩ a yẽ la bõn-yãlma zẽ'e-sõŋɔ la pʋam.
23Dabs-sɛba tɩ Azakari daan wʋn tõm Wẽnde-kãtɛ la pʋam n ba'asɛ la, a daan lebe kule la a yire.
24Dabs-bãna poorʋm, tɩ a pɔga A'elizabɛtɩ yõkɛ pʋʋrɛ bɔna yire wõr-sɩnuu. 25Dee yetɩ: «Wãna de la Zuudãana Nawẽnnɛ tõoma. Wakat-ẽna ẽŋa n yãŋa bɩsɛ mam yelle, dee yese bõn-ẽna n de nɩ yãnnɛ bɔ mam nẽrba tẽŋasʋka.»
Malɛka n tɔgɛ Azezi dɔka yelle
26-27Pugla ayɩla n daan boe Galile tẽŋa ayɩla yʋ'ʋrɛ n de Nazarɛtɩ, tɩ a yʋ'ʋrɛ dɛna Amaari. A daan nãn ka mi bʋraa. La bʋraa ayɩla yʋ'ʋrɛ n de Azozɛfʋ n yetɩ a di ẽ. Azozɛfʋ de la naba Adavidi buuri nẽra. La wakat-sɛka tɩ A'elizabɛtɩ daan tarɩ pʋʋrɛ wõr-sɩyoobɩ pʋam na, tɩ Nawẽnnɛ tõm a malɛka Agabrɩyɛlɩ tɩ a sẽŋɛ Amaari zẽ'am. 28Tɩ malɛka la sẽŋɛ Amaari zẽ'am ka pʋ'ʋsɛ ẽ yetɩ: «Fʋ tõoma. Zuudãana Nawẽnnɛ boe la fʋ mɛ, a ẽŋɛ fʋ yel-sõnnɛ mɛ.» 29La Amaari n daan wõm malɛka yetɔga la, a palẽŋa n ẽkɛ, tɩ a tẽ'esra malɛka la n yele se'em na võorɛ n de sɛla. 30Tɩ malɛka la yele ẽ yetɩ: «Amaari, da zoe dabeem, tɩ Nawẽnnɛ ẽŋɛ fʋ yel-sõnnɛ mɛ. 31Fʋ wʋn yõkɛ la pʋʋrɛ dɔgɛ budibla, sɩ a yʋ'ʋrɛ tɩ Azezi. 32A wʋn dɛna la nẽr-keko. La ba wʋn wi'ira ẽ tɩ, Nawẽnnɛ n gãnnɩ wuu Bia. La Zuudãana Nawẽnnɛ wʋn bɔ ẽ a yaaba Adavidi na'am, 33tɩ a dɛna Azakɔbɩ buuri naba wakatɛ wuu, a na'am na kãn malɩn ba'asɛ.»
34Tɩ Amaari soke malɛka la yetɩ: «Mam ka mi bʋraa, la wʋn ẽŋɛ la wãne tɩ mam yõkɛ pʋʋrɛ?» 35Tɩ malɛka la lerge ẽ yetɩ: «Nawẽnnɛ n gãnnɩ sɛla wuu Sɩa wʋn sige fʋ zuo, la Nawẽnnɛ pãŋa wʋn bɔna la fɔ, bɛla bia la tɩ fʋ wʋn dɔgɛ la wʋn welge la to'ore, ba wʋn wi'ira ẽ tɩ Nawẽnnɛ Dayʋa. 36Bãŋɛ tɩ fʋ sõogɔ A'elizabɛtɩ tɩ ba yetɩ a de la kõndɔgrɛ la, a tarɩ la pʋʋrɛ wõr-sɩyoobɩ n wãna. Baa la ẽn kʋrgɛ la, a wʋn dɔgɛ la budibla. 37Se'ere n soe la, sɛla sɛla ka boe tɩ Nawẽnnɛ ka tã ɩta.» 38Tɩ Amaari lerge yetɩ: «Mam de la Zuudãana Nawẽnnɛ tõntõn-pɔka. Nawẽnnɛ botɩ la ẽŋɛ wʋ fõn yele se'em na.» Tɩ malɛka la fõrgɛ dee basɛ ẽ.
Amaari sẽŋɛ ka bɩsɛ A'elizabɛtɩ
39La dabsa bãma pʋam, tɩ Amaari isge sẽŋɛ tɔtɔ paagɛ Zude so'olʋm tẽŋa ayɩla tɩ tãnsɩ boe mĩ. 40La ẽn paagɛ la, a kẽ la Azakari yire pʋ'ʋsɛ A'elizabɛtɩ. 41La A'elizabɛtɩ n wõm a pʋ'ʋsgɔ la, bia la wẽrgɛ mɛ a pʋʋrʋm. Tɩ Nawẽnnɛ Sɩa wa'am A'elizabɛtɩ zẽ'am la pãŋa, 42tɩ a tĩi tɔgɛ yetɩ: «Nawẽnnɛ ẽŋɛ la fõn yel-sõnnɛ gãnna pɔgsɩ la wuu. La bia la tɩ fʋ wʋn dɔgɛ la, tarɩ yel-sõnnɛ mɛ. 43Mam de la ãne tɩ mam Zuudãana ma sẽna mam zẽ'am? 44Se'ere n soe la, mam wõm fõn pʋ'ʋsgɔ la, bia la n boe mam pʋʋrʋm na wẽrgɛ mɛ la sũ-yẽlga. 45Fõn sakɛ tɩ Zuudãana Nawẽnnɛ yetɔga tɩ a tɔgɛ bɔ fʋ la wʋn sɩrɩ ẽŋɛ la, fʋ yẽ zu-yẽlga.»
Amaari n yõom yõoma pẽgɛ Nawẽnnɛ la yelle
46Tɩ Amaari yele yetɩ:
«Mam pẽgrɩ Zuudãana Nawẽnnɛ la m sũure wuu.
47Mam tarɩ sũ-yẽlga mɛ, Nawẽnnɛ n de mam Fãagra la ĩyã,
48se'ere n soe la, a bɩsɛ mam n de a tõntõn-pɔg-tarma la yelle mɛ.
Bɛla lan pɔsɛ lɛɛlɛ wã wɛ'ɛsa, zamãana wuu nẽrba wʋn wi'ira mam tɩ zu-yẽlga dãana.
49Se'ere n soe la, Nawẽnnɛ n tã wuu la n ẽŋɛ bõn-kãra bɔ mam.
A de la pʋpeelem dãana.
50La nẽr-sɛba n zotɩ ẽ na,
a zotɩ ba ninbãalga mɛ zamãana wuu.
51A dɩkɛ la a nu'ugo tõm tõon-kãra,
dee botɩ zẽk-m-mẽŋa dõma la zoe wɩrgɛ la ba zẽk-m-mẽŋa pʋtẽ'era la.
52La sãn dɛna pãnsɩ dõma,
a sikri ba mɛ ba na'am pʋam,
dee zẽkra sik-m-mẽŋa dõma.
53La sɛba n ka tarɩ sɛla la,
a bɔ'ɔrɩ ba bõntarsõm zɔ'ɔra mɛ,
dee botɩ bõntatba lebe fõrgɛ dee ka to'oge sɛla sɛla.
54A tẽerɩ zɔta tõma Ɩsrayɛlɩ nẽrba n de a tõntõnɩba la ninbãalga mɛ, dee sõŋra tõma,
55wʋ ẽn yʋʋn bĩŋe a nõorɛ la tõma yaaba Abraham, la tõma sɔ-yaabdõma, la ba yɩɩsɩ la wuu tɩ a wʋn sõŋra tõma wakatɛ wuu se'em na.»
56La Amaari daan weege A'elizabɛtɩ zẽ'am ẽŋɛ wʋ wõr-sɩtã, dee yãŋa lebe kule.
Azã dɔka yelle
57A'elizabɛtɩ dɔka wakatɛ n daan paagɛ la, a dɔgɛ la budibla. 58Tɩ a sawiiba, la a yir-dõma wõm tɩ Zuudãana Nawẽnnɛ zoe a ninbãalga zo'oge, tɩ ba wuu lagɩm ɩta sũ-yẽlga la ẽ. 59Bia la dɔka dabsa anii daarɛ tɩ ba wa'am tɩ ba wã ẽ, daan bɔɔra tɩ ba sɩ a yʋ'ʋrɛ a sɔ Azakari yʋ'ʋrɛ. 60La a ma ka sakɛ, yetɩ: «Ayɛɩ, a yʋ'ʋrɛ wʋn dɛna la Azã.» 61Tɩ ba lerge yetɩ: «Ya yir-dõma la pʋam nẽra ka boe mĩ tɩ a yʋ'ʋrɛ dɛna Azã.» 62Tɩ ba yɩbsɛ la nu'usi soke bia la sɔ tɩ ba bãŋɛ ẽŋa n boorɩ tɩ ba sɩ bia la yʋ'ʋrɛ se'em. 63Tɩ a botɩ ba bɔ ẽ dɔ-palaka, tɩ a to'oge gʋlsɛ yetɩ: «A yʋ'ʋrɛ de la Azã.» Tɩ la di'ige nẽrba la waa wuu. 64La ẽn gʋlsɛ yele bɛla la, bilam mẽŋa tɩ a zɩlɩŋa lakɛ, tɩ a tã'agɛ tɔgra pẽgra Nawẽnnɛ. 65Tɩ dabeem yõkɛ sɛba n lɛm bilam na wuu. Tɩ kõ-ẽŋa saagɛ Zude tẽn-sɛba tɩ tãnsɩ boe mĩ na wuu. 66Bãma wuu n daan wõm yɛla la, ba daan tẽ'esrɩ mɛ dee sɔkra yetɩ: «Bi-ẽna yetɩ a wa ãna la wãne?» Zuudãana Nawẽnnɛ pãŋa boe la ẽ mɛ.
Azakari n to'oge Nawẽnnɛ yetɔga bɔ nẽrba la yelle
67Nawẽnnɛ Sɩa n wa'am bia la sɔ Azakari zẽ'am la pãŋa. Tɩ a to'oge Nawẽnnɛ yetɔga tɔgɛ yetɩ:
68«Basɛ-ya tɩ pẽgɛ Nawẽnnɛ n de Ɩsrayɛlɩ Zuudãana la,
se'ere n soe la, a wa'am mɛ wa bɩsɛ a nẽrba yelle, fãagɛ ba basɛ.
69A bɔ tõma la Fãagra n tarɩ pãŋa n wʋn yese a tõntõnna Adavidi buuri la pʋam,
70wʋ ẽŋa n yʋʋn botɩ a nõtɔ'ɔsrɩba tɔgra kʋrʋm se'em na.
71A yetɩ a wʋn fãagɛ tɔ tɩ bɛ'ɛba nu'usum,
la nẽr-sɛba n sisri tõma la nu'usum.
72Bɛla, a zoe tɩ yaabdõma ninbãalga mɛ,
dee tẽegɛ ẽn yʋʋn bĩŋe a nõorɛ la ba la yelle.
73Se'ere n soe la, a yʋʋn bĩŋe nõorɛ mɛ la tɩ yaaba Abraham
74tɩ a wʋn fãagɛ tɔ tɩ bɛ'ɛba nu'usum,
dee wʋn botɩ tɩ tõm a tõoma, tɩ dabeem kana.
75Dee dɔla ẽ la pʋpeelem,
dee ɩta tɩ la masra ẽn boorɩ se'em ka paagɛ tɩ vɔm tɛka.
76La fõn, m bia, ba wʋn wi'ira fʋ tɩ Nawẽnnɛ n gãnnɩ wuu nõtɔ'ɔsa.
Bɛla ĩyã, fõn wʋn dẽŋɛ tɩ Zuudãana la nẽŋam malgɛ sore bɔ ẽ,
77dee yele Nawẽnnɛ nẽrba la tɩ ba bãŋɛ tɩ a wʋn fãagɛ ba basɛ ba tõon-be'ero taalɛ.
78La de la Nawẽnnɛ n zotɩ tõma ninbãalga la ĩyã
tɩ a wʋn botɩ a peelem n ãn wʋ wʋntɛɛŋa n yẽkɛ bulika la,
79nẽegɛ bɔ nẽr-sɛba n boe lika pʋam,
la nẽr-sɛba n zotɩ kũm dabeem na,
dee pa'alɛ tɩ so-sɛka tɩ tɩ wʋn doose yẽ sũ-mã'asʋm.»
80Tɩ bia la daan bɩta, tɩ a pʋtẽ'erɛ pa'asra. A daan boe la weem ka paagɛ daar-sɛka tɩ a wa'am Ɩsrayɛlɩ dõma la zẽ'am tɩ ba bãŋɛ ẽ.
Currently Selected:
Aluki 1: gurDBL
Highlight
Share
Copy
Want to have your highlights saved across all your devices? Sign up or sign in
© 2008, 2010, Wycliffe Bible Translators, Inc. All rights reserved.
Aluki 1
1
Se'ere n soe tɩ Aluki gʋlsɛ gõŋɔ la
1Mam sɩr-sõŋɔ Ateofili, nẽrba zozo'e n mõrgɛ gʋlsɛ yel-sɛba wuu n ẽŋɛ tõma zẽ'am na. 2Ba gʋlsɛ yel-bãma wuu wʋ nẽrba basɛba n daan yẽ yɛla la wuu halɩ ba pĩ'iluŋo, dee mõolɛ kõ-yẽlga la tɔgɛ pa'alɛ tɩ tõma wõm se'em na. 3Bɛla ĩyã tɩ mam mã'agɛ m mẽŋa doose yel-bãma nãma sõŋa sõŋa halɩ ba pĩ'iluŋo pʋam, tɩ mam tẽ'esɛ tɩ la ãn sõŋa tɩ m gʋlsɛ yɛla la n doose taaba se'em na bɔ fɔ. 4Mam gʋlsrɩ wãna tɩ fʋ bãŋɛ mɛ tɩ yel-bãna wuu tɩ ba pa'alɛ fʋ la de la sɩra.
Azakari bia Azã tɩ ba wʋn dɔgɛ yelle
5Se'emwẽnʋm tɩ A'erɔdɩ daan de Zude tẽŋa naba la, bʋraa n daan boe tɩ a yʋ'ʋrɛ dɛna Azakari. A daan de la Zifdõma kãabgɔ kẽema, a de la Abiya buuri nẽra. Tɩ a pɔga yʋ'ʋrɛ dɛna A'elizabɛtɩ, ẽŋa mẽ daan de la kãabgɔ kẽma nẽŋadãana Aarõ buuri. 6Bãma bayi daan de la nẽrba n ɩtɩ sõŋa Nawẽnnɛ nifum, dee sakra Nawẽnnɛ nõorɛ, la a lɔɔ la wuu sõŋa. 7La ba daan ka tarɩ bia, se'ere n soe la, A'elizabɛtɩ daan de la kõndɔgrɛ, la bãma bayi la wuu mẽ kʋrgɛ mɛ.
8La wakatɛ n daan paagɛ tɩ Abiya buuri kẽ Wẽnde-kãtɛ la pʋam tɩ ba tõm. Tɩ Azakari mẽ kẽ tɩ a tõm. 9Kãabgɔ kẽma la malŋɔ daan de la ba pɔsɛ looge nẽr-sɛka n wʋn kẽ zẽ'e-sõŋɔ pʋam yõ tɩdarɛ bɔ Nawẽnnɛ. Tɩ ba daan pɔsɛ, tɩ la yõkɛ Azakari. Tɩ Azakari kẽ tɩ a yõ. 10La tɩdarɛ la yõ'a wakatɛ nẽr-kʋʋŋɔ la wuu boe la yẽŋa pʋ'ʋsra Nawẽnnɛ.
11Tɩ Nawẽnnɛ malɛka darɛ wa'am Azakari zẽ'am wa zɛ tɩdarɛ yõ'a bĩmbĩnne na zʋʋgɔ bɔba. 12La Azakari n yẽ ẽ na, a palẽŋa n ẽkɛ halɩ, tɩ dabeem kẽ ẽ. 13Tɩ malɛka la yele ẽ yetɩ: «Azakari, da zoe dabeem, tɩ Nawẽnnɛ wõm fʋ pʋ'ʋsgɔ mɛ. Fʋ pɔga A'elizabɛtɩ wʋn dɔgɛ la budibla, tɩ fʋ sɩ a yʋ'ʋrɛ tɩ Azã. 14La fʋ wʋn ẽŋɛ sũ-yẽlga sɩrʋm. La nẽrba zozo'e wʋn ẽŋɛ sũ-yẽlga bia la dɔka ĩyã. 15A wʋn dɛna la nẽr-keko Zuudãana Nawẽnnɛ nifum, la a kãn yũ dãam bɩɩ bõn-yũula n bugri. Nawẽnnɛ Sɩa wʋn bɔna la ẽ halɩ lan pɔsɛ ẽn boe a ma pʋʋrʋm, la wakatɛ wuu. 16A wʋn botɩ Ɩsrayɛlɩ nẽrba zozo'e lebe sakɛ ba Zuudãana Nawẽnnɛ. 17La a wʋn dẽŋɛ Zuudãana nẽŋam tara Nawẽnnɛ Sɩa pãŋa wʋ Nawẽnnɛ nõtɔ'ɔsa A'eli n daan tarɩ se'em na. La a wʋn naagɛ sɔdõma la ba kɔma yɛla, dee wʋn botɩ nẽr-sɛba n sɩ'ɩsrɩ Nawẽnnɛ nõorɛ la tara yɛm ɩta wʋ sɛba n ɩtɩ sɛla n masɛ la. A wʋn botɩ nẽrba mãasʋm sõŋa gu'ura tɩ Zuudãana.»
18Tɩ Azakari soke malɛka la yetɩ: «Bẽm n wʋn botɩ mam bãŋɛ tɩ bõn-ẽna de la sɩra? Se'ere n soe la, mam de la bʋra-yã'aŋa dee tɩ mam pɔga mẽ kʋrgɛ.» 19Tɩ malɛka la lerge ẽ yetɩ: «Mam yʋ'ʋrɛ de la Agabrɩyɛlɩ, mam ze la Nawẽnnɛ nẽŋam. Ẽŋa n tõm mam yetɩ, m wa'am yele fʋ yetɔg-yẽlga wã. 20La fõn ka sakɛ mam yetɔga la ĩyã, fʋ nõorɛ n wʋn mãam. La wakatɛ sãn paagɛ, bõn-sɛba tɩ mam yele fʋ la wʋn ẽŋɛ. La fʋ kãn le tãna tɔgra, halɩ tɩ la paagɛ daar-sɛka tɩ bõn-bãna wʋn ẽŋɛ la.»
21Wakat-ẽŋa, nẽrba la daan gu'uri mɛ tɩ Azakari yese. La ẽn daan boe zẽ'e-sõŋɔ la pʋam yuura la, ba palẽŋa n ẽkɛ. 22La ẽn yãŋa wa yese la, a ka tã'agɛ tɔgɛ la nẽrba la. A nõorʋm n mãam tɩ a tara nu'usi magra pa'ala ba. Bɛla tɩ ba bãŋɛ tɩ a yẽ la bõn-yãlma zẽ'e-sõŋɔ la pʋam.
23Dabs-sɛba tɩ Azakari daan wʋn tõm Wẽnde-kãtɛ la pʋam n ba'asɛ la, a daan lebe kule la a yire.
24Dabs-bãna poorʋm, tɩ a pɔga A'elizabɛtɩ yõkɛ pʋʋrɛ bɔna yire wõr-sɩnuu. 25Dee yetɩ: «Wãna de la Zuudãana Nawẽnnɛ tõoma. Wakat-ẽna ẽŋa n yãŋa bɩsɛ mam yelle, dee yese bõn-ẽna n de nɩ yãnnɛ bɔ mam nẽrba tẽŋasʋka.»
Malɛka n tɔgɛ Azezi dɔka yelle
26-27Pugla ayɩla n daan boe Galile tẽŋa ayɩla yʋ'ʋrɛ n de Nazarɛtɩ, tɩ a yʋ'ʋrɛ dɛna Amaari. A daan nãn ka mi bʋraa. La bʋraa ayɩla yʋ'ʋrɛ n de Azozɛfʋ n yetɩ a di ẽ. Azozɛfʋ de la naba Adavidi buuri nẽra. La wakat-sɛka tɩ A'elizabɛtɩ daan tarɩ pʋʋrɛ wõr-sɩyoobɩ pʋam na, tɩ Nawẽnnɛ tõm a malɛka Agabrɩyɛlɩ tɩ a sẽŋɛ Amaari zẽ'am. 28Tɩ malɛka la sẽŋɛ Amaari zẽ'am ka pʋ'ʋsɛ ẽ yetɩ: «Fʋ tõoma. Zuudãana Nawẽnnɛ boe la fʋ mɛ, a ẽŋɛ fʋ yel-sõnnɛ mɛ.» 29La Amaari n daan wõm malɛka yetɔga la, a palẽŋa n ẽkɛ, tɩ a tẽ'esra malɛka la n yele se'em na võorɛ n de sɛla. 30Tɩ malɛka la yele ẽ yetɩ: «Amaari, da zoe dabeem, tɩ Nawẽnnɛ ẽŋɛ fʋ yel-sõnnɛ mɛ. 31Fʋ wʋn yõkɛ la pʋʋrɛ dɔgɛ budibla, sɩ a yʋ'ʋrɛ tɩ Azezi. 32A wʋn dɛna la nẽr-keko. La ba wʋn wi'ira ẽ tɩ, Nawẽnnɛ n gãnnɩ wuu Bia. La Zuudãana Nawẽnnɛ wʋn bɔ ẽ a yaaba Adavidi na'am, 33tɩ a dɛna Azakɔbɩ buuri naba wakatɛ wuu, a na'am na kãn malɩn ba'asɛ.»
34Tɩ Amaari soke malɛka la yetɩ: «Mam ka mi bʋraa, la wʋn ẽŋɛ la wãne tɩ mam yõkɛ pʋʋrɛ?» 35Tɩ malɛka la lerge ẽ yetɩ: «Nawẽnnɛ n gãnnɩ sɛla wuu Sɩa wʋn sige fʋ zuo, la Nawẽnnɛ pãŋa wʋn bɔna la fɔ, bɛla bia la tɩ fʋ wʋn dɔgɛ la wʋn welge la to'ore, ba wʋn wi'ira ẽ tɩ Nawẽnnɛ Dayʋa. 36Bãŋɛ tɩ fʋ sõogɔ A'elizabɛtɩ tɩ ba yetɩ a de la kõndɔgrɛ la, a tarɩ la pʋʋrɛ wõr-sɩyoobɩ n wãna. Baa la ẽn kʋrgɛ la, a wʋn dɔgɛ la budibla. 37Se'ere n soe la, sɛla sɛla ka boe tɩ Nawẽnnɛ ka tã ɩta.» 38Tɩ Amaari lerge yetɩ: «Mam de la Zuudãana Nawẽnnɛ tõntõn-pɔka. Nawẽnnɛ botɩ la ẽŋɛ wʋ fõn yele se'em na.» Tɩ malɛka la fõrgɛ dee basɛ ẽ.
Amaari sẽŋɛ ka bɩsɛ A'elizabɛtɩ
39La dabsa bãma pʋam, tɩ Amaari isge sẽŋɛ tɔtɔ paagɛ Zude so'olʋm tẽŋa ayɩla tɩ tãnsɩ boe mĩ. 40La ẽn paagɛ la, a kẽ la Azakari yire pʋ'ʋsɛ A'elizabɛtɩ. 41La A'elizabɛtɩ n wõm a pʋ'ʋsgɔ la, bia la wẽrgɛ mɛ a pʋʋrʋm. Tɩ Nawẽnnɛ Sɩa wa'am A'elizabɛtɩ zẽ'am la pãŋa, 42tɩ a tĩi tɔgɛ yetɩ: «Nawẽnnɛ ẽŋɛ la fõn yel-sõnnɛ gãnna pɔgsɩ la wuu. La bia la tɩ fʋ wʋn dɔgɛ la, tarɩ yel-sõnnɛ mɛ. 43Mam de la ãne tɩ mam Zuudãana ma sẽna mam zẽ'am? 44Se'ere n soe la, mam wõm fõn pʋ'ʋsgɔ la, bia la n boe mam pʋʋrʋm na wẽrgɛ mɛ la sũ-yẽlga. 45Fõn sakɛ tɩ Zuudãana Nawẽnnɛ yetɔga tɩ a tɔgɛ bɔ fʋ la wʋn sɩrɩ ẽŋɛ la, fʋ yẽ zu-yẽlga.»
Amaari n yõom yõoma pẽgɛ Nawẽnnɛ la yelle
46Tɩ Amaari yele yetɩ:
«Mam pẽgrɩ Zuudãana Nawẽnnɛ la m sũure wuu.
47Mam tarɩ sũ-yẽlga mɛ, Nawẽnnɛ n de mam Fãagra la ĩyã,
48se'ere n soe la, a bɩsɛ mam n de a tõntõn-pɔg-tarma la yelle mɛ.
Bɛla lan pɔsɛ lɛɛlɛ wã wɛ'ɛsa, zamãana wuu nẽrba wʋn wi'ira mam tɩ zu-yẽlga dãana.
49Se'ere n soe la, Nawẽnnɛ n tã wuu la n ẽŋɛ bõn-kãra bɔ mam.
A de la pʋpeelem dãana.
50La nẽr-sɛba n zotɩ ẽ na,
a zotɩ ba ninbãalga mɛ zamãana wuu.
51A dɩkɛ la a nu'ugo tõm tõon-kãra,
dee botɩ zẽk-m-mẽŋa dõma la zoe wɩrgɛ la ba zẽk-m-mẽŋa pʋtẽ'era la.
52La sãn dɛna pãnsɩ dõma,
a sikri ba mɛ ba na'am pʋam,
dee zẽkra sik-m-mẽŋa dõma.
53La sɛba n ka tarɩ sɛla la,
a bɔ'ɔrɩ ba bõntarsõm zɔ'ɔra mɛ,
dee botɩ bõntatba lebe fõrgɛ dee ka to'oge sɛla sɛla.
54A tẽerɩ zɔta tõma Ɩsrayɛlɩ nẽrba n de a tõntõnɩba la ninbãalga mɛ, dee sõŋra tõma,
55wʋ ẽn yʋʋn bĩŋe a nõorɛ la tõma yaaba Abraham, la tõma sɔ-yaabdõma, la ba yɩɩsɩ la wuu tɩ a wʋn sõŋra tõma wakatɛ wuu se'em na.»
56La Amaari daan weege A'elizabɛtɩ zẽ'am ẽŋɛ wʋ wõr-sɩtã, dee yãŋa lebe kule.
Azã dɔka yelle
57A'elizabɛtɩ dɔka wakatɛ n daan paagɛ la, a dɔgɛ la budibla. 58Tɩ a sawiiba, la a yir-dõma wõm tɩ Zuudãana Nawẽnnɛ zoe a ninbãalga zo'oge, tɩ ba wuu lagɩm ɩta sũ-yẽlga la ẽ. 59Bia la dɔka dabsa anii daarɛ tɩ ba wa'am tɩ ba wã ẽ, daan bɔɔra tɩ ba sɩ a yʋ'ʋrɛ a sɔ Azakari yʋ'ʋrɛ. 60La a ma ka sakɛ, yetɩ: «Ayɛɩ, a yʋ'ʋrɛ wʋn dɛna la Azã.» 61Tɩ ba lerge yetɩ: «Ya yir-dõma la pʋam nẽra ka boe mĩ tɩ a yʋ'ʋrɛ dɛna Azã.» 62Tɩ ba yɩbsɛ la nu'usi soke bia la sɔ tɩ ba bãŋɛ ẽŋa n boorɩ tɩ ba sɩ bia la yʋ'ʋrɛ se'em. 63Tɩ a botɩ ba bɔ ẽ dɔ-palaka, tɩ a to'oge gʋlsɛ yetɩ: «A yʋ'ʋrɛ de la Azã.» Tɩ la di'ige nẽrba la waa wuu. 64La ẽn gʋlsɛ yele bɛla la, bilam mẽŋa tɩ a zɩlɩŋa lakɛ, tɩ a tã'agɛ tɔgra pẽgra Nawẽnnɛ. 65Tɩ dabeem yõkɛ sɛba n lɛm bilam na wuu. Tɩ kõ-ẽŋa saagɛ Zude tẽn-sɛba tɩ tãnsɩ boe mĩ na wuu. 66Bãma wuu n daan wõm yɛla la, ba daan tẽ'esrɩ mɛ dee sɔkra yetɩ: «Bi-ẽna yetɩ a wa ãna la wãne?» Zuudãana Nawẽnnɛ pãŋa boe la ẽ mɛ.
Azakari n to'oge Nawẽnnɛ yetɔga bɔ nẽrba la yelle
67Nawẽnnɛ Sɩa n wa'am bia la sɔ Azakari zẽ'am la pãŋa. Tɩ a to'oge Nawẽnnɛ yetɔga tɔgɛ yetɩ:
68«Basɛ-ya tɩ pẽgɛ Nawẽnnɛ n de Ɩsrayɛlɩ Zuudãana la,
se'ere n soe la, a wa'am mɛ wa bɩsɛ a nẽrba yelle, fãagɛ ba basɛ.
69A bɔ tõma la Fãagra n tarɩ pãŋa n wʋn yese a tõntõnna Adavidi buuri la pʋam,
70wʋ ẽŋa n yʋʋn botɩ a nõtɔ'ɔsrɩba tɔgra kʋrʋm se'em na.
71A yetɩ a wʋn fãagɛ tɔ tɩ bɛ'ɛba nu'usum,
la nẽr-sɛba n sisri tõma la nu'usum.
72Bɛla, a zoe tɩ yaabdõma ninbãalga mɛ,
dee tẽegɛ ẽn yʋʋn bĩŋe a nõorɛ la ba la yelle.
73Se'ere n soe la, a yʋʋn bĩŋe nõorɛ mɛ la tɩ yaaba Abraham
74tɩ a wʋn fãagɛ tɔ tɩ bɛ'ɛba nu'usum,
dee wʋn botɩ tɩ tõm a tõoma, tɩ dabeem kana.
75Dee dɔla ẽ la pʋpeelem,
dee ɩta tɩ la masra ẽn boorɩ se'em ka paagɛ tɩ vɔm tɛka.
76La fõn, m bia, ba wʋn wi'ira fʋ tɩ Nawẽnnɛ n gãnnɩ wuu nõtɔ'ɔsa.
Bɛla ĩyã, fõn wʋn dẽŋɛ tɩ Zuudãana la nẽŋam malgɛ sore bɔ ẽ,
77dee yele Nawẽnnɛ nẽrba la tɩ ba bãŋɛ tɩ a wʋn fãagɛ ba basɛ ba tõon-be'ero taalɛ.
78La de la Nawẽnnɛ n zotɩ tõma ninbãalga la ĩyã
tɩ a wʋn botɩ a peelem n ãn wʋ wʋntɛɛŋa n yẽkɛ bulika la,
79nẽegɛ bɔ nẽr-sɛba n boe lika pʋam,
la nẽr-sɛba n zotɩ kũm dabeem na,
dee pa'alɛ tɩ so-sɛka tɩ tɩ wʋn doose yẽ sũ-mã'asʋm.»
80Tɩ bia la daan bɩta, tɩ a pʋtẽ'erɛ pa'asra. A daan boe la weem ka paagɛ daar-sɛka tɩ a wa'am Ɩsrayɛlɩ dõma la zẽ'am tɩ ba bãŋɛ ẽ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2008, 2010, Wycliffe Bible Translators, Inc. All rights reserved.