LUKA 3
3
Tša Johane Mokolobetši. Lešika la Jesu
1Ka ngwaga wa lesome le metšo e fetšago seatla wa bogoši bja Kesara Tiberio, mehleng ya ge Pontio Pilato a buša naga ya Juda, Herode Teterareka a buša Galilea, Filipi Teterareka ngwanabo a buša Iturea le Teragoniti, Lisania Teterareka a buša Abilene, 2Mehleng ya ge Hanna le Kayafa e le baperisita ba bagolo, ke mo Lentšu la Modimo le tletšego Johane morwa wa Tsakaria a le lešokeng. 3A tla dinageng ka moka tše di bataganego le noka ya Jorodane, a bolela kolobetšo ya tshokologo ya gore batho ba lebalelwe dibe. 4Gwa phethega tše di ngwadilwego pukung ya thuto tša Jesaya tša re: Go lentšu la segoeledi lešokeng; le re: Lekelelanyang tsela ya Morena, le lokiše mebila ya gagwe. 5Dikoti ka moka di tlatšwe; dithaba tšohle le meboto a di kokobetšwe; go kgopamilego a go loke; mo go lego makukuno a go latšwe; 6ke mo nama ka moka e tlo go bona phološo ya Modimo.
7Johane a bolela le mašaba a a tšwetšego go kolobetšwa ke yena, a re: Lena matswinyana a dinoga, ke mang a le rutilego go tlo phonyokga bogale bjo bo tlago? 8Napang le enywe dienywa tše di amanago le tshokologo. Le se ke la thoma go eleletša la re: Re na le tata wešo Aborahama, gobane ke a le botša, Modimo o kgona go tsošetša Aborahama bana le mabjeng a. 9Le gona selepe se šetše se beilwe medung ya dihlare: mme sehlare sefe le sefe se se sa enyego dienywa tše botse, se tlo rengwe sa lahlelwa mollong.
10Mašaba a mmotšiša a re: Bjalo re tlo dirang?
11Johane a fetola a re: E a nago le dikobo tše pedi, a nee eo a hlokago; e a nago le dijo, le yena a dire bjalo.
12Le ba lekgetho ba tla go kolobetšwa, ba mmotšiša ba re: Moruti, rena re tlo dirang?
13Yena a re: Le se ke la ntšhiša batho se se fetišago se le beetšwego ke molao.
14Le bahlabani ba mmotšiša ba re le rena re tlo dirang?
Yena a re: Le se ke la tlaletša batho; le se ke la hlakola; le kgolwe ke moputso wa lena.
15Gomme ka gobane setšhaba se be se dutše se holofetše, mo dipelong bohle ba šetše ba re mohlomong Johane ke yena Kriste, 16a šupa tšona tšeo, bohle ba mo kwa ge a re: Ge e le nna ke le kolobetša ka meetse. Go setla eo a mphetago ka matla, yo ke sa swanelago go hunolla leralana la dieta tša gagwe. Yena eo o tlo le kolobetša ka Moyamokgethwa le ka mollo. 17Ke yena a swerego leselo ka seatla; mme seboa sa gagwe o tlo se fsielela ruri, a kgobela mabele sešegong sa gagwe; moko wona o tlo o fiša ka mollo wo o sa timego.
18A ruta batho Ebangedi ka go ba kgothatša le ka tše dingwe tše ntši. 19Gomme Herode Teterareka mohla a sotšwe ke Johane ka baka la Herodia mosadi wa Filipi ngwanabo, le ka baka la tše mpe ka moka tše yena Herode a bego a di dira, 20A buša a senya a tlatša tše a di dirilego tšohle ka go tswalelela Johane kgolegong.
21Mehla yela ge batho ka moka ba kolobetšwa, le Jesu a kolobetšwa; ya re ge a rapela, legodimo la bulega. 22Mme Moya o mokgethwa wa fologela mo go Yena o bonala e ke ke leeba; gwa kwala lentšu le etšwa legodimong la re: O Morwa moratwa waka; ke kgahlwa ke Wene!
23Jesu mola a thoma modiro, o be a na le nywaga e masome a mararo. Batho ba be ba re ke morwa wa Josefa wa Eli, 24wa Mathate, wa Lefi, wa Meleki, wa Jannai, wa Josefa, 25wa Mathatia, wa Amosi, wa Nahume, wa Esile, wa Nangai, 26wa Maathe, wa Mathatia, wa Simei, wa Joseka, wa Juda. 27Wa Joanane, wa Resa, wa Serubabele, wa Sealathiele, wa Neri, 28wa Meleki, wa Adi, wa Khosame, wa Elemodani, wa Here, 29wa Jose, wa Elisere, wa Jorima, wa Mathate, wa Lefi, 30wa Simeone, wa Juda, wa Josefa, wa Johama, wa Eliakima, 31wa Melea, wa Mainane, wa Mathata, wa Nathane, wa Dafida, 32wa Isai, wa Obede, wa Boase, wa Salamone, wa Naasone, 33wa Aminadaba, wa Arama, wa Esiromo, wa Pheretse, wa Juda, 34wa Jakobo, wa Isaka, wa Aborahama, wa Thara, wa Nahoro, 35wa Saruge, wa Regu, wa Phelege, wa Ebere, wa Sala, 36wa Kenane, wa Arapagasadi, wa Seme, wa Noage, wa Lamege, 37wa Methusala, wa Henoge, wa Jarede, wa Mahlalalele, wa Kenane, 38wa Enose, wa Sethe, wa Adama, wa Modimo.
Currently Selected:
LUKA 3: NSO51
Highlight
Share
Copy
Want to have your highlights saved across all your devices? Sign up or sign in
© Bible Society of South Africa 1986. Used with permission. All rights reserved.
LUKA 3
3
Tša Johane Mokolobetši. Lešika la Jesu
1Ka ngwaga wa lesome le metšo e fetšago seatla wa bogoši bja Kesara Tiberio, mehleng ya ge Pontio Pilato a buša naga ya Juda, Herode Teterareka a buša Galilea, Filipi Teterareka ngwanabo a buša Iturea le Teragoniti, Lisania Teterareka a buša Abilene, 2Mehleng ya ge Hanna le Kayafa e le baperisita ba bagolo, ke mo Lentšu la Modimo le tletšego Johane morwa wa Tsakaria a le lešokeng. 3A tla dinageng ka moka tše di bataganego le noka ya Jorodane, a bolela kolobetšo ya tshokologo ya gore batho ba lebalelwe dibe. 4Gwa phethega tše di ngwadilwego pukung ya thuto tša Jesaya tša re: Go lentšu la segoeledi lešokeng; le re: Lekelelanyang tsela ya Morena, le lokiše mebila ya gagwe. 5Dikoti ka moka di tlatšwe; dithaba tšohle le meboto a di kokobetšwe; go kgopamilego a go loke; mo go lego makukuno a go latšwe; 6ke mo nama ka moka e tlo go bona phološo ya Modimo.
7Johane a bolela le mašaba a a tšwetšego go kolobetšwa ke yena, a re: Lena matswinyana a dinoga, ke mang a le rutilego go tlo phonyokga bogale bjo bo tlago? 8Napang le enywe dienywa tše di amanago le tshokologo. Le se ke la thoma go eleletša la re: Re na le tata wešo Aborahama, gobane ke a le botša, Modimo o kgona go tsošetša Aborahama bana le mabjeng a. 9Le gona selepe se šetše se beilwe medung ya dihlare: mme sehlare sefe le sefe se se sa enyego dienywa tše botse, se tlo rengwe sa lahlelwa mollong.
10Mašaba a mmotšiša a re: Bjalo re tlo dirang?
11Johane a fetola a re: E a nago le dikobo tše pedi, a nee eo a hlokago; e a nago le dijo, le yena a dire bjalo.
12Le ba lekgetho ba tla go kolobetšwa, ba mmotšiša ba re: Moruti, rena re tlo dirang?
13Yena a re: Le se ke la ntšhiša batho se se fetišago se le beetšwego ke molao.
14Le bahlabani ba mmotšiša ba re le rena re tlo dirang?
Yena a re: Le se ke la tlaletša batho; le se ke la hlakola; le kgolwe ke moputso wa lena.
15Gomme ka gobane setšhaba se be se dutše se holofetše, mo dipelong bohle ba šetše ba re mohlomong Johane ke yena Kriste, 16a šupa tšona tšeo, bohle ba mo kwa ge a re: Ge e le nna ke le kolobetša ka meetse. Go setla eo a mphetago ka matla, yo ke sa swanelago go hunolla leralana la dieta tša gagwe. Yena eo o tlo le kolobetša ka Moyamokgethwa le ka mollo. 17Ke yena a swerego leselo ka seatla; mme seboa sa gagwe o tlo se fsielela ruri, a kgobela mabele sešegong sa gagwe; moko wona o tlo o fiša ka mollo wo o sa timego.
18A ruta batho Ebangedi ka go ba kgothatša le ka tše dingwe tše ntši. 19Gomme Herode Teterareka mohla a sotšwe ke Johane ka baka la Herodia mosadi wa Filipi ngwanabo, le ka baka la tše mpe ka moka tše yena Herode a bego a di dira, 20A buša a senya a tlatša tše a di dirilego tšohle ka go tswalelela Johane kgolegong.
21Mehla yela ge batho ka moka ba kolobetšwa, le Jesu a kolobetšwa; ya re ge a rapela, legodimo la bulega. 22Mme Moya o mokgethwa wa fologela mo go Yena o bonala e ke ke leeba; gwa kwala lentšu le etšwa legodimong la re: O Morwa moratwa waka; ke kgahlwa ke Wene!
23Jesu mola a thoma modiro, o be a na le nywaga e masome a mararo. Batho ba be ba re ke morwa wa Josefa wa Eli, 24wa Mathate, wa Lefi, wa Meleki, wa Jannai, wa Josefa, 25wa Mathatia, wa Amosi, wa Nahume, wa Esile, wa Nangai, 26wa Maathe, wa Mathatia, wa Simei, wa Joseka, wa Juda. 27Wa Joanane, wa Resa, wa Serubabele, wa Sealathiele, wa Neri, 28wa Meleki, wa Adi, wa Khosame, wa Elemodani, wa Here, 29wa Jose, wa Elisere, wa Jorima, wa Mathate, wa Lefi, 30wa Simeone, wa Juda, wa Josefa, wa Johama, wa Eliakima, 31wa Melea, wa Mainane, wa Mathata, wa Nathane, wa Dafida, 32wa Isai, wa Obede, wa Boase, wa Salamone, wa Naasone, 33wa Aminadaba, wa Arama, wa Esiromo, wa Pheretse, wa Juda, 34wa Jakobo, wa Isaka, wa Aborahama, wa Thara, wa Nahoro, 35wa Saruge, wa Regu, wa Phelege, wa Ebere, wa Sala, 36wa Kenane, wa Arapagasadi, wa Seme, wa Noage, wa Lamege, 37wa Methusala, wa Henoge, wa Jarede, wa Mahlalalele, wa Kenane, 38wa Enose, wa Sethe, wa Adama, wa Modimo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Bible Society of South Africa 1986. Used with permission. All rights reserved.