Jona 4
4
Anumzamo asurgi zamantegeno, Jonana asi vazi'nea naneke
1Jona'a tusiza huno musena osuno tusi'a asi vazigeno, 2Ramofontega nunamu huno asmi'ne. Ramoka muse (plis) hugantoe. Ese agafareti nagra ko antahi'noe, Ninivea eri haviza osugahane hu'na kumani'are mani'nena antahi'noe. Antahite'na mopani'a atre'na, Tasisia nagra fre'na vu'noe! Na'ankure, Kagra kasunku nehunka knare huzmante Anumzane, agzone huzmantenka kasunku'zamo avite Anumzane, zamazeri haviza hugahue hana vahera ana nosane. 3E'izanku nona'a, Ramoka nagri menina nahege'na fri'neno. Nagrama omni'na, frisugeno'a knare hugahie. 4Ramo anage hu'ne, knare kegafa me'negenka krimpa nehano?
5Anage higeno, Jona'a zge hanati kaziga ra kumara atreno via'zamo, zge tonare huno osi no ome kino anampinka mani'neno, inankna'za Ninivea fore hugahie nehuno avu anteno mani'ne.
6Ra Anumzamo, zgefinti aza huno Jonana anumofo tona huntenogu, nofi huntegeno hgeno mreri'ne, ana nofi'ma hage'nea zankura Jona'a, tusi'za huno musena hu'ne. 7Hianagi mseno ko'atigeno nanterampi, Anumzamo'a havigfa huntegeno ana nofira eme ani traga hutregeno, ana nofi'mo hagege hu'ne. 8Zgema hanatigeno'a, Anumzamo amuho nentake zaho, zge hanati kazigati huntegeno, zgemo'a Jona anunte tentegeno, avu evu evu higeno Jona'a fri'za nehuno, kezati'ne, nagrama ngesa antahuana frisugeno'a knare hugahie, ksefa hu'na mani'zankura nave'osie. 9Anante Anumzamo Jonana asmi'ne, knare ke agafare nofikura kasia nevzio? Huno antahigegeno Jona'a, knare ke agafare nagria nasivazige'na friku nehue.
10Higeno Ramo amanage hu'ne, eri'za erinka, krinka kegva hu'nana nofiku kagra krimpagna nehano, nofimo'a mago kergepi hageteno mago zgefina frigahie. 11Ninive ra kumapi wan 120 tauseni'a agtere'nea vahe'mo huno, e'izana tamazanki, havi'zanki huno osugahie, afu' kevuzga rama'a mani'ne. Hianagi, kagrama antahi'nana, Nagra e'i ana ra kumakura nagesa nontahuo? Huno asmi'ne.
Currently Selected:
Jona 4: kbq
Highlight
Share
Copy
Want to have your highlights saved across all your devices? Sign up or sign in
© 2014, Wycliffe Bible Translators, Inc. All rights reserved.