PSALMS 98
98
Sing ’n nuwe lied
’n Psalm.
1Sing vir die Here ’n nuwe lied,
want Hy het wonders
gedoen.
Hy het verlossing bewerk
met sy krag
en Goddelike mag.
2Die Here het sy redding
aangekondig.
Voor die oë van die nasies
het Hy sy regverdigheid
getoon.
3Hy het sy liefde en trou
teenoor die huis van Israel
onthou.
Ons God se redding was sigbaar
tot aan die uithoeke
van die aarde.
4Laat die hele aarde
die Here loof.
Breek uit in sang,
sing van vreugde!
5Bring lof aan die Here
met die lier,
met lier en met sang,
6met trompette en ramshoring.
Juig tot eer van die Here,
die Koning.
7Die see en alles daarin
moet druis,
die wêreld en almal
wat daarin woon.
8Die riviere
moet hande klap,
die berge
moet jubel
9voor die Here.
Want Hy kom
om die aarde te oordeel.
Hy sal die wêreld
regverdig oordeel,
en die volke met billikheid.
Currently Selected:
PSALMS 98: NLV
Highlight
Share
Copy
Want to have your highlights saved across all your devices? Sign up or sign in
2006 Christlike Uitgewersmaatskappy, Posbus 1599, Vereeniging, 1930, Eerste uitgawe 2006, Tweede uitgawe 2011