GALATENA 1
1
Gi deɓpa
1Ni an Pol sa vovoɗta, manan ka ni suunaɗi, ka u saɗi lay, ni Yesu Kristu u Lona Buna ma colom ki kolo iiri duk suu miɗina. 2Gorseygina halaŋ suu ka tanna u anu ɓii magaara ha maŋ suu vi Kristuna hu Galati, a dasi ana, 3ko Lona Buy u Bu Suuna Yesu Kristu ɦagi oora u heɓpa. 4Kristu ɦal tam ki u min mamba kay a suɗuygi ki hu cooygira, a buɗuygi ki hu duliyara co wanda, u minda vi Lona ma buygina. 5Geleɗta maŋ Lona a fafatɗa. Amin.
Boy ma Ayra ma dewna
6An li ndaana kay agi hinim ki na zak gawra, nam sa ma yagi ay u oora vi Kristura, agi hin hoŋ jok ki u boy ma daŋŋa. 7A gasira ni Boy ma Ay ma daŋ kaɗi, an di na ni kay mege kay suu ganagi yagina kaa, asi min mbuɗ Boy ma Ayra vi Kristu ki zeɗ. 8Lini sana, ɗowba ami tamira kala, ɗowba sa sunda huulona kala, mba dagi Boy ma Ayra ki zeɗ ka taɓi u ma ami ka dagina na ɗini, nammi sa ma ki baayna. 9Ami dagi ki jewe, an min hoŋ di cecemi olo, lini sana dagi Boy ma Ayra zeɗ u ma agi humumma sa namma ni ma ki baayna.
10Ni di ana an hal a li jivira ni ii suuna su? Ka naɗi, an hal a li jivira ni ii Lona na ni an li na a suuna golon jivira na su? Lini an hal a li jivira ni ii suuna ɦawaa ni an ka sa sunda vi Kristu oloɗi.
Pol mbuɗ sa vovoɗta
11Gorsenna an dagini Boy ma Ayra ma an damma, ni ka yalna vi sana ɦawaɗi. 12An fam ay ni ka ko saɗi, sa haɗanna kaɗi lay. Yesu Kristu takanna ni namu.
13Agi hum ki kay boy ma an lam ay jew hu vira vi suu Juifna, agi hum kay an las suu vi suu vi Lonna cocoo, an min ay gin a ɓeŋesi kiyo. 14An su kay ndarayan suu Juifna suu wul u tamina u vira vi suu Juifna, tan feɗ coco kay a li u gaɗta vi somoyonda.
15Lona u min mamba manan ay ki jew bay an vuɗa kay a sunumu. 16Hu li ma nam takan goromma kay an tuɗ dam Boy mam ma Ayra ki maŋ suu ka njaf suu ɦawana ni an tuɗ joɓ sa ay kaɗi. 17An tuɗ ay ka Yerusalem eg suu vovoɗ suu jewennaɗi lay, an tuɗ ki ni Arabi na ɗow hin hoŋ ay ni Damas. 18Ŋgoo dagan basara hindi an tuɗ Yerusalem ni tuwa, kay a ŋgaf u Piyer, an kak ay egem buuna doogo yam vadl. 19An wi sa ma vovoɗ ma daŋ ay kaɗi, ni Jak ma wayaŋ Bu Suunana dew.
20Boy ma an ɓiirigina ha hu magaara wanna ni gasira, an di ki ni fok Lona an kaboyɗi.
21Ŋgoo dagan an tuɗ hu ndaŋgara Siri u Silisi. 22An hu basa ndaɗta ni suu vi Kristuna hu Yude halaŋ bay wan ki tuwa. 23Asi hum fun suu daŋŋa di kan anaba, «Nam ma li lasaygi ay jewna cecemi ka di boyna kay vira nam min a ɓeŋeɗ ki ginda.» 24Asi geleɗ Lona kanu.
Currently Selected:
GALATENA 1: BMS
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.
GALATENA 1
1
Gi deɓpa
1Ni an Pol sa vovoɗta, manan ka ni suunaɗi, ka u saɗi lay, ni Yesu Kristu u Lona Buna ma colom ki kolo iiri duk suu miɗina. 2Gorseygina halaŋ suu ka tanna u anu ɓii magaara ha maŋ suu vi Kristuna hu Galati, a dasi ana, 3ko Lona Buy u Bu Suuna Yesu Kristu ɦagi oora u heɓpa. 4Kristu ɦal tam ki u min mamba kay a suɗuygi ki hu cooygira, a buɗuygi ki hu duliyara co wanda, u minda vi Lona ma buygina. 5Geleɗta maŋ Lona a fafatɗa. Amin.
Boy ma Ayra ma dewna
6An li ndaana kay agi hinim ki na zak gawra, nam sa ma yagi ay u oora vi Kristura, agi hin hoŋ jok ki u boy ma daŋŋa. 7A gasira ni Boy ma Ay ma daŋ kaɗi, an di na ni kay mege kay suu ganagi yagina kaa, asi min mbuɗ Boy ma Ayra vi Kristu ki zeɗ. 8Lini sana, ɗowba ami tamira kala, ɗowba sa sunda huulona kala, mba dagi Boy ma Ayra ki zeɗ ka taɓi u ma ami ka dagina na ɗini, nammi sa ma ki baayna. 9Ami dagi ki jewe, an min hoŋ di cecemi olo, lini sana dagi Boy ma Ayra zeɗ u ma agi humumma sa namma ni ma ki baayna.
10Ni di ana an hal a li jivira ni ii suuna su? Ka naɗi, an hal a li jivira ni ii Lona na ni an li na a suuna golon jivira na su? Lini an hal a li jivira ni ii suuna ɦawaa ni an ka sa sunda vi Kristu oloɗi.
Pol mbuɗ sa vovoɗta
11Gorsenna an dagini Boy ma Ayra ma an damma, ni ka yalna vi sana ɦawaɗi. 12An fam ay ni ka ko saɗi, sa haɗanna kaɗi lay. Yesu Kristu takanna ni namu.
13Agi hum ki kay boy ma an lam ay jew hu vira vi suu Juifna, agi hum kay an las suu vi suu vi Lonna cocoo, an min ay gin a ɓeŋesi kiyo. 14An su kay ndarayan suu Juifna suu wul u tamina u vira vi suu Juifna, tan feɗ coco kay a li u gaɗta vi somoyonda.
15Lona u min mamba manan ay ki jew bay an vuɗa kay a sunumu. 16Hu li ma nam takan goromma kay an tuɗ dam Boy mam ma Ayra ki maŋ suu ka njaf suu ɦawana ni an tuɗ joɓ sa ay kaɗi. 17An tuɗ ay ka Yerusalem eg suu vovoɗ suu jewennaɗi lay, an tuɗ ki ni Arabi na ɗow hin hoŋ ay ni Damas. 18Ŋgoo dagan basara hindi an tuɗ Yerusalem ni tuwa, kay a ŋgaf u Piyer, an kak ay egem buuna doogo yam vadl. 19An wi sa ma vovoɗ ma daŋ ay kaɗi, ni Jak ma wayaŋ Bu Suunana dew.
20Boy ma an ɓiirigina ha hu magaara wanna ni gasira, an di ki ni fok Lona an kaboyɗi.
21Ŋgoo dagan an tuɗ hu ndaŋgara Siri u Silisi. 22An hu basa ndaɗta ni suu vi Kristuna hu Yude halaŋ bay wan ki tuwa. 23Asi hum fun suu daŋŋa di kan anaba, «Nam ma li lasaygi ay jewna cecemi ka di boyna kay vira nam min a ɓeŋeɗ ki ginda.» 24Asi geleɗ Lona kanu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.