Popular Bible Verses from JAKUBUS 2

Koson niayuk ra pangintapatan: amon ru kalo sumbayanin ra binaal moonsoi, pangintapatan ti kolondo' noyo onong.

Ginio nai ra koson ra ulun mairuan ra painawo matoi ayuk, koson niayuk ra ulun ondo' mangintopot kaa' kalo mambaal ra moonsoi, io ti koson minatoi noyo, ioginio pangintapatan nano kolondo' onong.

Pabukat kau ngai'! Mokoonong kia ulun mindagu ra, “Mangintopot aku no,” amon ru kalo mampakito io raginio ralalom atan ondo' baalon nano? Pangintapatan koson raginio kia makapamayag riso?

Mangintopot kou no alia ra rondo' ayuk i Aki Kapuuno'. Motopot! Riwato-riwato pana mangintopot ragitio am malaa' ilo Riso, suku' ra monontol.

Kaa' mokoondo' lair mindagu ra, “Sangulun lumansan ra pangintapatan nano am bokon no poyo lumansan ra atan ayuk baal nano ra moonsoi.” Makataam aku niayuk ra, “Pakitono' noyo raki' ati koson sangulun mangintopot amon ru kolondo' baal nano ra moonsoi. Kaa' aku mampakito ra pangintapatan kutu mansail ra baal kuno ra moonsoi.”

Sabap ra kalo noyo makaasi' i Aki Kapuuno' ra ulun ondo' kalo makaasi' ra ulun bokon. Kaa' ilo ondo' makaasi' ra bokon, asi' ri Aki Kapuuno' risilo no mauli' poyo intor ra ukum Nano.

Ginio sabap ra itakau ti apuon ri Aki Kapuuno' sabap ra atan ondo' baalon takati, am sala' ka sabap ayuk ra pangintapatan takau.

Makito noyo toojo pangintapatan nano nabaya' niayuk ra ondo' binaal nali ra moonsoi; am mansail ra ondo' kinandoi nali pangintapatan nali norontop.