Yawˇ naˬ jaˇ ve pa taw, Gʼuiˬsha hta‸ maˇ shiˍ ve Hpiˇliˇtiˆ chaw chi teˇ hpaˍ ngaˬ hta‸ maˇ shawˍ maˇ caˆ maˇ gʼa te leh maˇ gʼa tiˇ pehˍ laˇ tuˬ, nawˬ ve aˉhtaw gʼawˬ tawˆ leh ngaˬ hta‸ tiˇ pehˍ laˇ-o, teh‸ yawˇ ve la‸ caˉ pfuhˇ shehˍ hpaˇ hta‸ kʼoˆ piˇ ve yoˬ. Ya‸ hkʼaˇ, chaw oˇ ve kawˆ jaˇ ve pa taw, yawˇ kʼoˆ ve hkʼe te maˇ haˆ. Hkʼe te leh, Sawˉlu‸ yawˇ ve aˉhtaw gʼawˬ tawˆ leh, yawˇ hkʼaˇ yawˇ juˆ pehˍ ve yoˬ. Chaw oˇ ve lehˬ, Sawˉlu‸ suh peuˬ ve hta‸ gʼa mawˬ ve teˇ yanˇ, yawˇ awˬ to hta‸ yawˇ kʼaw‸ juˆ leh Sawˉlu‸ geh teˇ geh suh-e ve yoˬ.