Mi gig zɔ̧k an gi gaas lɛlgaal a nɛ kpoos du nɛ mɛɛ hingbɔɔl yɔ Bɛt gbaasin a bɛtha gi elinnɛ, hinyɔ nɛ gbaak mɔkil nɛ hage, hi gbɔlumsɔ rɔɔs yɔ gɔ wɛ dag hi doodɔ wɔ lɛlgbunu.
Nɛ wɛɛ nɛ mɛɛ a Bɛt gin tɛŋk gbɔɔltɔnɔ daarlɛlɛ an gi ɗaas ɗɔbsigɔya wɔ wɛya, an tɛŋkɔ gbɔɔl yɔ zuun a Yeesu Kristu gbaŋgi. Woon tɛŋk bɔrɔ hin a Kristu muul du a ɔ̧tyɔ rɛmsig a wɔrkɛ teesdu gi gaag ɗɔɔtillɛl a gi naanrɔbo a bɛtha gedu. A hɔ, Kristu gii gi gbɔɔl a waar ɛ wɔ hi zulha sɛw hi hin nabl zulha sɛw hi mɔkil tɛŋkyaadɛ zulha sɛw hi wɔ hi gin waar ums tɛŋk sɛw hi zulha, hi nuŋg ɗɔbtɛ wɔ hi gi sɛw a waabil yɔ ɓɔryɔ gedu hi a waabil yɔ gɔ gi zaa gedu hɛw.