Popular Bible Verses from Uqafiqoo Ufafa 3

Share

Iriaqa qinee Yisusa faiqí nimuqusa kooqi afaisaa kikiqammambiqa kooqi atuaannee qimasee kukusidaqa. Faiqí moo fannoo qinee kukusiannana irinoo narí kooqi atuqainaqa qinee mina amuqusa ooki keeqafiqa mina faqa naanaura mifa qini faqa naannoo.

Qinee innee auqee maru ainainnara iridaqa. Innee sia suaru qiqa mariafanoo innee sia idaidiqa mariafanoo Inni oosana amiqirafa marinaqau kaifaa minara faqa irini. Inni oosana suanisaa nammariara foora naunanoo ididi marifaqa fididaqa.

Qinee nimuqusi maria fasiqa anaaseera kai mandainainaki keeqaafaqa qaoo qimasee naridaqa. Innee minara irisee kuqaa noori runusee inneeqa marirana quandaaqa.

Innee Firadeerafia maqusanaasara qinee inni aiqamausara amiqimasee iridaqa. Inni noorinni kooqi atuarana quqasaananoo moo fannoo sia amana mina ititaannoo. Inni afeeka kaqikaafa maridanoo innee qini naakapara ufamau fimariasa mariafanoo. Innee maqee maqee qiniara kai iridaqa mariasa mariafanoo.

Qinee maa maqanasaa mandainainakiqari uriqararausa maridaqa qeeqa qikoosandiri narí rakisira qaarisaa ooqufaaqee idaqa. Maa maqanasaa mandainainakiqari rakirara foora uriqarainafa mifa miqi kai inoo qinee rakisira qaarisaa innaaruna ququsaki qini faqa ooqufaaqee mariannoo.

Innee unna qimasee inneeqara aiqama ainaina oosana oosana faqaasee qimariafanoo. Inni nifaaqa rumbanoo marifaqa mandaikidaqa kudoosaapaqa maridaqa innee sia minara irimariafanoo. Innee kudi mariafanoo nifu qimbarausara foora mariafanoo kaqisamuara foora mariafanoo.

Qinee inniara reendeenamandee mariaqee qiafanaqa innee miqi mariasa mariafanoo. Miqi mariana akiaqara firaa teeroo maaqanna maaqanna nimanamasee qafaanaura miqianna aukuanna qinee inni mareeqee kaqi atinnai quqasaana asumu marifaranoo.

Qinee qusasaa qumuanaura. Innee uriqaraqa mariana amiqimmandee rakisi qumaraaqa moo fannoo qumaraandoora.

Innee minara iriseeqa tauti findifuaqa nimuqusa kaqikaaqoo kasimariqoo kaaqa kuqifoora dauni findi fuaqa. Inneeqa Anutuna saika mareemariana Anutufa qafaidanoo mina afusaa sia anoonaikidanoo minara qinee inniara tauti findifi fuaqee qidaqa.