Popular Bible Verses from Sentencoj 1

La timo antaŭ la Eternulo estas la komenco de sciado. Saĝon kaj instruon malpiuloj malestimas. Aŭskultu, mia filo, la instruon de via patro, Kaj ne forĵetu la ordonon de via patrino

Ĉar la kapricoj de la malsaĝuloj ilin mortigas, Kaj la senzorgeco de la senorduloj ilin pereigas. Sed kiu min aŭskultas, tiu loĝos sendanĝere, Kaj estos trankvila, kaj ne timos malbonon.

Saĝulo aŭdu kaj plimultigu sian scion, Kaj prudentulo akiros gvidajn kapablojn

Mia filo, se pekuloj vin logos, Ne sekvu ilin.

Sentencoj de Salomono, filo de David, reĝo de Izrael: Por scii saĝon kaj moralinstruon; Por kompreni parolojn de prudento; Por ricevi instruon pri saĝo, Vero, justo, kaj honesto; Por doni al la malkleruloj spriton, Al la junulo scion kaj singardemon.

Tiam ili min vokos, sed mi ne respondos; Ili min serĉos, sed min ne trovos. Tial ke ili malamis scion, Kaj timon antaŭ la Eternulo ili ne deziris havi