Popular Bible Verses from Zan 10

Ka 'winyɔ ci 'lɛ le ɔ 'ka ghli, ɔ 'ka 'bhla ɩya ɔ 'ka nyumo bhlobhlo. ‑Ma ‑amʋ, ka n ci 'lɛ le ncɛlɩ 'ka jabhʋa 'lɩ ɩya ma 'kʋʋ nikadie 'lɩlɩ.

‑Amʋ ‑ɔ ‑glɩ 'lɛ mlakpanyɔ 'nanɔa. Mlakpanyɔ 'nanɔa, ka ɔ ŋonu lebhe ɔ cɩ ɔla 'bhlabhlɩa 'la gbʋ 'ku.

'Na 'bhlabhlɩa ‑ci 'na ‑blɩɩzɔan, 'nyɩ ‑amʋ ‑ma n ‑cii 'nyɩ ɩ gɩlɩɩn 'lɛ.

'Nyɩ ‑amʋ, n 'nyɩɩ jabhʋa ‑ʋ ‑kʋ 'lɛ 'lʋkʋlʋkʋ ɩya 'lʋkʋlʋkʋ na. Ɩ cɩ 'tanɩ 'ku 'nyɩ nclɔɔ bhlogbɩɩ cɩ 'ta mino ɩya ɔ 'kaan mɩ wlɩɩn ‑sa.

‑Amʋ -ɔ ‑glɩ 'lɛ gbinea. Ɔmɔa ‑ɔ bleliin 'lɛ neen na, ɔ cɩ 'ka gbʋʋnsalɩɛ 'lɩ, ɔ cɩ ble, ɔ cɩ ‑zɔnwlʋ 'nyɩ ɔ cɩ nyɩ 'lɩ ɔ cɩ li.

‑Ma ‑amʋ -ɔ ‑glɩ 'lɛ mlakpanyɔ 'nanɔa. N ‑ci 'na 'bhlabhlɩa 'nyɩ 'na 'bhlabhlɩa ‑ciin 'lɛ

N Toa ‑ɔ 'nyɩɩn 'lɛ mɩ na, ɔ zi ‑tɛtɛa 'fɩan 'kʋ 'nyɩ nclɔɔ bhlogbɩɩ cɩ 'ta mino ɩya ɔ 'ka Toa lʋʋ wlɩɩn ‑sa. ‑Amʋ ɩya Toa, ‑a ‑glɩ bhlo.»

le saa Toa ‑ciin 'lɛ 'nyɩ n ‑ci 'lɛ Toa na. 'Nyɩ n ŋonu le n cɩ 'na 'bhlabhlɩa 'la gbʋ 'ku.

Nclɔɔ bhlogbɩɩ cɩ 'taan 'bhlalɩɛ mino, ‑ma ‑amʋ 'titi ‑ɔ ŋonu 'lɛ le n cɩ 'ku. N ‑ka ‑jioli ɩya n 'ka 'na jabhʋa sɔkʋsa, 'nyɩ n ‑ka 'lɛ ‑jioli ɩya n 'ka ‑awlɛʋ 'ma. 'Lɩka ɩmɩa n To zʋ 'lɛ wlɩɩn na.»

Zozii ya ‑awlɛ 'cla lebhe: «N solu anyɩ, ɩ ‑glɩ ‑nʋawlɛ lebhe: ‑Amʋ ‑glɩ 'lɛ 'bhlabhlɩa 'la gbinea.

‑Ma ɔmɔa ‑ɔ kpa 'lɛ 'bhlabhlɩa le ma 'kɔɔ dluplʋ na, 'ta ɩla kpanyɔa 'titi ‑glɩ 'nyɩ 'bhlabhlɩa 'ta ɔ nɩ ‑glɩ. Na, daa ɔ 'lɩ 'lɛ mlanyinye 'nyɩ ɛ ci 'lɛ 'bhlabhlɩa 'bhlakan na, ka ɔ 'wlʋlʋɩ 'lɛ cɩɩn 'nyɩ ɔ gu 'lɛ. 'Nyɩ mlanyinyea bhla 'lɛ ‑anɩ 'nyɩ 'bhlabhlɩkpaa dlolu 'lɛ

«N solu anyɩ, ɩ ‑glɩ ‑nʋawlɛ: Ɔmɔa ‑ɔ 'plɩlɩ 'ta 'lɛ gbinea neen ɩya ɔ 'ka 'bhlabhlɩgbangboa nɩkplaan ble 'nyɩ ‑ɔ 'mɩanɩ 'lɛ ‑gbudu 'wlu na, 'dɛ -naanɔa ‑glɩ 'winyɔ.