Popular Bible Verses from Joani 19

Jesu, ha s'a nwile waine, a li, “Ku petahalile!” Cwale a inama, mi a shwa.

Jesu n'a s'a zibile kuli ka nako yeo lika kaufela ne li se li felile, mi ka ku eza kuli ze ñozwi li petahale, a li, “Ni nyolilwe.”

Jesu a bona m'ahe ni mulutiwa ya n'a lata hahulu a yemi fakaufi ni yena. Cwale kih'a li ku m'ahe, “Me, mwan'a hao ki yo.” Mi a li ku mulutiwa, “M'aho ki yo.” Ku zwa honafo, mulutiwa yo a mu nga kuli a y'o pila mwa lapa la hae.

Kono ha ba t'o fita ku Jesu ba fumana kuli n'a s'a shwile kale. Cwale ha ba si ka loba mahutu a hae. Nihakulicwalo, yo muñwi wa masole a taba Jesu mwa lubaci ka lilumo, mi kapili-pili mali ni mezi a zwa mwa liñiba.

Zeo li ezahalile kuli ze ñozwi li petahale, ze li, “Ha ku na lisapo la hae nihaili li li liñwi le li ka lobiwa.” Mi ku na ni linzwi le liñwi hape, le li li, “Ba ka mu talima ye ba tabile.”

A zwela fande, a lwala sifapahano sa hae, mi a t'o fita fa sibaka se si bizwa “Sibaka sa Katendele,” kikuli Gologota ka Siheberu.

Masole ba tata kali ya miutwa ku i eza inge mushukwe, mi ba i beya kwa toho ya hae. Ba mu apesa ni siapalo se sifubelu.