Popular Bible Verses from Joani 12

Share

Mutu kaufela ya bata ku ni sebeleza a ni latelele, kuli a be ni na ko ni inzi. Ndate u ka kuteka ya ni sebeleza.”

Mutu kaufela ya lata bupilo bwa hae u ka sinyehelwa ki bona, kono ya toya bupilo bwa hae mwa lifasi mo, u ka bu buluka, mane a be ni bupilo bo bu sa feli.

Ni mi bulelela niti. Lubeke lwa mbonyi ha lu sa calwi, mi lwa shwa, lu ta siyala hona cwalo lu nze lu li lubeke. Kono ha lu shwa, kihona lu ka tahisa lico ze ñata.

Na, ni tile mwa lifasi sina liseli, kuli mutu kaufela ya lumela ku na a si ke a ina mwa lififi.

Ya utwa linzwi la ka kaufela, a sa li mameli, ha ni mu atuli, kakuli ha ni si ka taha ku t'o atula lifasi, kono ni tile ku t'o li pilisa.

Cwale Maria a nga botela ya mafula a nunka hande, a tula hahulu, a a sela fa mahutu a Jesu, mi a a pyemula ka milili ya hae. Muunko o munde-nde wa tala ndu kaufela.

Kiha ba nga linzalu, mi ba y'o mu katanyeza ba nze ba huwa, ba li, “Ku lumbwe Mulimu! Mulimu a tohonolofaze ya taha ka libizo la Mulena! Mulimu a tohonolofaze Mulena wa Isilaele!”

Jesu a ba alaba, a li, “Nako i fitile cwale ya kuli na, Mwan'a Mutu, ni fiwe bulena bo bu ni swanela.