Popular Bible Verses from Mubuleli 1

U sa ba ni butali bo butuna hahulu feela, u tahelwa ki lipilaelo ze ñata. Ha u ziba hahulu, u ta utwa butuku hahulu.

Se si ezahalile pili si ta ezahala hape. Se ne si ezizwe pili si ta kutela ku eziwa. Mwa lifasi kamukana ha ku na se sinca.

Linto kaufela li isa kwa mukatala, ili mukatala o mutuna o sa konwi ku taluswa ka manzwi. Meeto a luna h'a kuliswi ki s'a bona. Lizebe za luna ha li kuliswi ki ze li utwa.

Mubuleli a li, “Ha ku na tuso! Ha ku na tuso! Bupilo ha bu na tuso. Lika kaufela ha li na tuso. Niha u ka sinya bupilo bwa hao kamukana u nz'o sebeza ka tata, s'o ta bonisa ka musebezi wo ki sifi?

Ni boni lika kamukana ze eziwa mwa lifasi le, mi na mi bulelela, kaufela zona ha li na tuso. Ku swana ni ku lelekisa moya.

Masika a, a taha mi ani a ya, kono lifasi li siyala hona cwalo mo ne li inezi.

Ha ku na ya hupula ze n'e ezahalile mwa linako ze felile, ni mwa mazazi a taha ha ku na ya ta hupula ze ta ezahala, hona cwale fa ni ze tatama.

Ne ni itukiselize ku ziba fapahano mwahal'a zibo ni bukuba, butali ni bupulumuki. Kono na lemuha kuli mwendi ni ka swana ni lelekisa moya.