Popular Bible Verses from Yakub 1

Mbi ná vya ma, ndi me pe herra ge daage pet ge ne det aŋ pal dimma ne kaŋ ke laar saal gḛ go, Aŋ da ne kwarra go, kadɗa hon fareba ge aŋ ne ɓol kugiya ya ɗo mḛ ndiŋ ɗe, e aŋ ɓol wan ta.

Katɗa ndu a̰me ne aŋ buwal zi woɗege zwama ya, na kaɗe na ne Dok ta, na sḛ ba hon na na, ago na sḛ hon naa pet kaŋ da ne tok lwagar, be mḛreya.

Ná vya ge laar wanna ma, kwa me go, ndu ge daage na ke fogor ne za̰ya, amma dṵṵl ne janna, dṵṵl ne pore kerra

Amma wan ta ge aŋ ne na ke temel ge mbyatɗa tap, go no, aŋ ba kat mbyatɗa tap, be ne fare a̰me eya aŋ pal, be ne woɗegeya a̰me.

Ká me naa ge za̰ya ma ɗeŋgo to, amma ke me temel fare mbe pal, ne da pe na kaage aŋ ka dale to.

Ndu ge ne wan tene kugiya ma zi da ne laar saal, ne da pe go̰r kugiya go, na sḛ mbo ɓol balme ge ndwara, na ge Bageyal ne ke nama ge na laar ne wa̰ nama na wak tuli.

Bobo ge kwaɗa ge daage, kaŋ honna ge mbyatɗa tap ge daage, mbo da ne digi zi ya, mbo da ne Bá ge kwaya̰l ta ya, na ge ne er to, ge kḭḭm a̰me ge vareya ne na ta to.

Ago ndu ge ne za̰ fare, ke temel na pal to, di da ne ndu ge ne ndil na ndwara ne kuturaŋ zi go, ndil tene, mbo na mborra, vyale na dir avun cap.

Dok kerra hatal, ge ne na viya̰ go Báá Dok ndwara se, a ndil kya̰le ma, ne kumur ma yál njotɗa ge nama ne zi, ne koy ta ne seŋgre kerra ge daage pet ge ne dunya zi ta me.

Na kaage ndu a̰me, swaga ge ne det pe herra zi, na jya̰ go: «A Dok he mbi pe ne» to. Ago Dok ne pool ge he ndu pe ndwara e na ke sone to, na sḛ he ndu pe to bat. A ene ge ndu ge daage ne zwal na mbo pe herra zi ne, ba lase na.

Ya̰ ná vya ge woɗegeya uware tene ne Dok ne hé na digi pe