Popular Bible Verses from I Atannit 3

Taimâk kivgait omamik Nâletseriartomik tunnitsivigilauruk, inuᴋotingnik idluarsaijungnarᴋovlugo, tukkisilerᴋovlugolo sunamik idluarmangât, idluimangâllonêt. KiNâle sappingilâk inugasaksoakotitit taimâk unuktigijôjut idluarsarungnarlugit?

Ahâk tagva oᴋautsitit malliklugit pinniarpunga. Ahâk omamik illisimajomik, sillatôjomiglo tunnitsivigimavagit, illiktut îtoᴋalaungimat sivunerne, pittaᴋarniangimallo kingunerne.

Gûdiblo oᴋautiva: Taimaitomik tuksiaravit, tuksiarlaunginavillo inôtsemik sivitôjomik, akluinermiglonêt, omigijivit tarninginiglonêt, sillatunermigle idluarsaijungnarlutit

Taimâktauk tuksiararingitarnik tunnitsivigimagivagit, imaitunik, akluinermik, nertortaunermiglo, adseᴋarᴋonnak atautsemiglonêt atannit nelliunernetut akkorngane.

Apᴋosinimnelo agvertarniaruvit, illusioᴋojakka, perᴋojakkalo mallingniarungne, sorlo atâtait Davide agvertarlaungmat; tagva tunnitsivigijomavagit inotsemik sivitôjomik.

Nâlekablo Salomo sakᴋervigiva Gibeoneme sinaktomanekut unnuarme, Gûdelo oᴋarpok: Tuksiarit sunamik, tunnijaksamnik illingnut.

Mânnalo Nâlegak Gûdiga, kivgait atanningortilaukpat atâtama Davidib inningane. Uvangalo nukapiarârsovunga ᴋaujimanangalo ᴋanok anninimnik itternimniglonêt.

Tamânna Nâlekab nâmagiva, Salomo taimaitomik tuksiarmat.

Salomo oᴋarpok: Igvit atâtaga Davide kivgait napᴋoarnermik angijomik pinniarvigilaukpat, agvertarlaungmat sângne miksekârnerme, idluarnermelo, omatiblo nellagôrningane; napᴋoarnermiglo tamattominga soᴋosijuivigilaukpat, ernermiglo tunnitsivigilaukpat iksivautangane iksivajomik, sorlo mânna illingangmat.

Kivgaillo inugasaksuit annerilauktavit akkornganêpok, taimâk unuktigijôjut kititaujungnangimatta, aglagutigijaujungnangimattalo unnumut.