Popular Bible Verses from Uan 11

Adsho tantiashun Esusën: Matses uënësaid uincuenmequidquio nebi. Adquid icquin ubi tantiaquid uënësacsho uincuenmendambi. Umbi adoac Nuquin Papa yacno ubëdi tabadendac padpidec uënëstiapimbo yec. Umbi aden chuisho tantiash: Ai, abimbo mimbi caic ¿quequinda tantie? capondash Esusën.

Adoaquien Esusën: Mambi mibi chuipaboc. Mimbi: Nuquin Papan Madombo mibi nec, ubi casho: Nuquin Papan namiac umbi nadatiambocquin nasho mimbi isendac, mambi mibi capaboc, capondash.

Esus shubiampondash.

Adoaquien Esus: ¿Uënësash pisenquionoshida Dasado nepash? Matses: Nuquin Papa bëdambo iquec. Ambi Chomiaid aton Madotsen bëdambo iquec, ma quenu, queshun naindambi, quequin tantiec adpondash.

Adtanquimbien cumapenen cuënquin: Dasado, puduen, capondash. Adoaquien Dasado badedquio choec abi dashcute dataniacchobi puduempondash. Uënësacsho uesquin dashcuten datanetanquin dashcute cuëshën bëpucacchobi chopondash. Adec chosho istanquin: Baded dashcute dachic. Ma nidnu, capondash Esusën.

Nidquimbi chococacno istuidequi Esus shubiantiadtsëcquio yanuapondash. Macuësh cuënoteuidpambo icquid tsitsuno shëcuë uaidën uënësacsho nauedshun cuënote dapan bëtinacsho istuidpondash.

Adshumbic Esusën padpiden naden chuiuapondash: Umbi cun utsibimbuecquid nec, cabued Dasado ushtoshe. Isucunmec nidnunid, quepondash