Popular Bible Verses from Iuwãu 19

Miꞌi toihysym hawyi toꞌe haty wo -Uiꞌywot e atunug yne raꞌyn uipoꞌoro epiat hap e. Ikahu raꞌyn miitꞌin ehakyeraꞌat hap e. Waku raꞌyn e hawyi ipyhu tekꞌe raꞌyn ikuꞌuro sese raꞌyn. Tutum naꞌyn teha piat Tupana pe.

Miꞌi hawyi Iesui tikuap taꞌyn topyꞌa pe torannia Tupana mikyꞌesat ewywuat tepiat inug hap hawyi toꞌe miwan miat toꞌe hap ewy -Areꞌyꞌutui kahato e aikotã yian mete wuat Tupana e hap ewy.

Miꞌi hawyi Iesui tehaꞌat raꞌyn ariaꞌyp posak totepyi toty kape iꞌewyte topotmuꞌe tomikyꞌe kape. Miꞌi hawyi Iesui toꞌe toty pe ariaꞌyp posak pyi -Mamai e meiẽwat uimimuꞌe yatype ro ereineꞌen koitywy e. Emepyt no raꞌyn toineꞌen koitywy e. Miꞌi hawyi toꞌe topotmuꞌe pe -Uiwy e meiẽwat uity epo pe raꞌyn toineꞌen e. Miꞌi hawyi totioto Iesui ty toꞌyat kape hawyi iꞌyat pe raꞌyn toineꞌen.

Miꞌi hawyi putꞌok iꞌatuꞌe Iesui kagꞌyp pik hamo maꞌato Iesui ikuꞌuro sese raꞌyn pote yt taꞌatukag pik i raꞌyn. Maꞌato wẽtup surara toto Iesui sakupe suk muruku wato wuat hamo. Toisuk hawyi tuwẽtem huu yꞌy wywo.

Yt suraraꞌin tipik i ti Iesui kagꞌyp uhehamo aikotã Tupana toꞌe saꞌawyꞌi wuat henoi hap ewy ti raꞌyn -Yt wẽtup i ti aru taꞌatupik ikag e hap ewy Numeru 9.12 pe. Iꞌewyte surara tisuk Iesui miitꞌin ehamo aikotã yian me Tupana toꞌe miwan me Sakaria 12.10 e hap ewy -Meiũran aru iꞌatuepiat isuk hap kape teꞌerahaꞌat kahato e miwan me hap ewy.

Miꞌi hawyi tuwẽtem naꞌyn Iesui Piratu yat pyi teꞌariaꞌyp posak wywo. Miꞌi hawyi totioto Miit Akag Akag e hap kape yityꞌok Koukota e hap ipusu puo.

Miꞌi hawyi suraraꞌin timokoꞌi Iesui. Miꞌi hawyi wẽtup ok tipiꞌig morekuat akag sokpe ewywuat maꞌato hehu rakat morekuat painug hap ewywuat. Miꞌi taꞌatupag sapeu hehu rakat iꞌakytꞌape haty wo. Miꞌi hawyi morekuat esokpe hupꞌi ewywuat taꞌatupag ipiit pe.